Վիքիպեդիա

Ջոզեֆ Մուսկատ

Ջոզեֆ Մուսկատ (մալթ.՝ Joseph Muscat, հունվարի 22, 1974(1974-01-22)[1][2][3], Pietà[4][5][6]), մալթացի պետական և քաղաքական գործիչ։ Մալթայի վարչապետը 2013 թվականի մարտի 11-ից մինչև 2020 թվականի հունվարի 13-ը։

Ջոզեֆ Մուսկատ
 
Կուսակցություն՝ Մալթայի աշխատավորների կուսակցություն
Կրթություն՝ Մալթայի համալսարան, Բրիստոլի համալսարան և Ալոյսիուսի վարժարան
Մասնագիտություն՝ քաղաքական գործիչ և լրագրող
Դավանանք Հռոմի Կաթոլիկ եկեղեցի
Ծննդյան օր հունվարի 22, 1974(1974-01-22)[1][2][3] (50 տարեկան)
Ծննդավայր Pietà[4][5][6]
Քաղաքացիություն  Մալթա[7]
 
Պարգևներ

Կենսագրություն խմբագրել

Ջոզեֆ Մուսկատը ծնվել է Մալթայի մայրաքաղաք Վալետայի արվարձանում 1974 թվականի հունվարի 22-ին։ 1996 թվականին ավարտել է Մալթայի համալսարանի Քաղաքագիտություն ֆակուլտետը։ Մասնագիտական կառավարում է սովորել Բրիստոլի համալսարանում։

Մուսկատը լրագրող է աշխատել Լեյբորիստական կուսակցության ռադիոկայանում։ 20-րդ դարի վերջին Ջոզեֆ Մուսկատը գլխավորել է Լեյբորիստական կուսակցության երիտասարդական կազմակերպությունը։ 2008 թվականի խորհրդարանական ընտրություններում լեյբորիստների պարտությունից հետո կուսակցության առաջնորդ Ալֆրեդ Սանտը հրաժարական է տվել։ Մուսկատը գլխավորել Է Լեյբորիստական կուսակցությունը՝ հաղթելով Ջորջ Աբելային, որն այդ ժամանակ Մալթայի նախագահն էր։ Նա նաև 2008 թվականից դարձել է ընդդիմության առաջնորդը երկրի խորհրդարանում։

Լորենս Գոնզիի կառավարությունը պարտություն է կրել 2013 թվականի բյուջեի քվեարկության ժամանակ[9][10], ինչը նման է կառավարությանը անվստահության քվե հայտնելուն։ Գոնզին հայտարարել Է հունվարի 7-ին խորհրդարանի Ներկայացուցիչների պալատը ցրելու և մարտի 9-ին ընտրություններ նշանակելու մասին[11]։ Այս ընտրություններում հաղթանակ է տարել Մալթայի Լեյբորիստական կուսակցությունը՝ հավաքելով ընտրողների ձայների մոտ 55 %-ը[12]։

Դրանից հետո 2013 թվականի մարտի 11-ին Ջոզեֆ Մուսկատը նշանակվել է երկրի վարչապետ[13]։ 15 տարի անց լեյբորիստները վերադարձել են իշխանության խորհրդարան։

Հրաժարական խմբագրել

Մուսկատի զանգվածային բողոքների արդյունքում 2017 թվականին լրագրող Դաֆնե Կարուանա Գալիցիայի սպանության հետաքննության կապակցությամբ 2019 թվականի դեկտեմբերի 1-ին հայտարարել է 2020 թվականի հունվարի կեսերից պաշտոնաթողության մասին[14]։

Ընտանիք խմբագրել

Ջոզեֆ Մուսկատը ամուսնացած է և ունի երկու երկվորյակ դուստր։

Փաստեր խմբագրել

  • Ջոզեֆ Մուսկատը առաջին երկու ամիսների ընթացքում աշխարհի ամենաերիտասարդ վարչապետն էր։
  • Ջոզեֆ Մուսկատը դարձել է Մալթայի ամենաերիտասարդ վարչապետը անկախության ողջ ընթացքում։

Պարգևներ խմբագրել

Մալթայի պարգևներ

Երկիր Ամսաթիվ Պարգև
  Մալթա 2013 թվականի մարտի 11 — Ազգային արժանիքների շքանշանի պատվո ուղեկից[15]
Այլ պետությունների մրցանակներ
Երկիր Ամսաթիվ Պարգև
  Միացյալ Թագավորություն 2015 թվականի նոյեմբեր[16] — Սուրբ Միքայելի և Գեորգիի շքանշանի պատվավոր հրամանատար
  Հունաստան — Պատվո շքանշանի Մեծ խաչի ասպետ
Մալթայի օրդեն — Մեծ Խաչի հատուկ կարգի արժանիքների շքանշանի ասպետ
  Գերմանիա — «Գերմանիայի Դաշնային Հանրապետությանը մատուցած ծառայությունների համար» շքանշանի Մեծ խաչի ասպետ
  Ուկրաինա 2017 թվականի մայիսի 15[17] — Իշխան Յարոսլավ իմաստունի 2 աստիճանի շքանշանի ասպետ

Ծանոթագրություններ խմբագրել

  1. ↑ 1,0 1,1 http://cn.ieonline.microsoft.com/knows/search?mkt=zh-cn&q=Joseph+Muscat
  2. ↑ 2,0 2,1 Բրոքհաուզի հանրագիտարան (գերմ.)
  3. ↑ 3,0 3,1 Munzinger Personen (գերմ.)
  4. ↑ 4,0 4,1 4,2 http://www.maltastar.com/dart/20130311-hordes-of-people-flock-to-valletta-for-muscat-swearing-in
  5. ↑ 5,0 5,1 5,2 http://www.businessportals.com/supplier/muscats-universal-ltd/contact-details.html
  6. ↑ 6,0 6,1 6,2 http://www.maltamedia.com/artman2/publish/govt_politics/printer_6649.shtml
  7. ↑ http://www.bbc.co.uk/news/business-22405349
  8. ↑ https://www.occrp.org/en/component/tags/tag/occrp-person-of-the-year
  9. ↑ «Budget rejected as Debono votes with Opposition». Times of Malta. Արխիվացված օրիգինալից 2013 թ․ հունվարի 30-ին. Վերցված է 2012 թ․ դեկտեմբերի 10-ին.
  10. ↑ BBC News — Malta government falls after PM Gonzi loses majority
  11. ↑ «Parliament to be dissolved on January 7, election on March 9». Times of Malta. Արխիվացված օրիգինալից 2013 թ․ հունվարի 20-ին. Վերցված է 2012 թ․ դեկտեմբերի 10-ին.
  12. ↑ «BBC News - Labour returns to power in Malta after 15 years». Արխիվացված օրիգինալից 2013 թ․ մարտի 16-ին. Վերցված է 2013 թ․ մարտի 15-ին.
  13. ↑ «Machtwechsel in Malta: Opposition gewinnt Parlamentswahl - International Nachrichten - NZZ.ch». Արխիվացված օրիգինալից 2013 թ․ ապրիլի 11-ին. Վերցված է 2013 թ․ մարտի 15-ին.
  14. ↑ Премьер Мальты объявил об уходе в отставку из-за убийства журналистки
  15. ↑ В рамках полномочий премьер-министра Республики Мальта
  16. ↑ Honorary awards(անգլ.)
  17. ↑ Указ Президента України № 130/2017 від 15 травня 2017 року «Про нагородження орденом князя Ярослава Мудрого»(ուկր.)
 Վիքիպահեստն ունի նյութեր, որոնք վերաբերում են «Ջոզեֆ Մուսկատ» հոդվածին։
Ստացված է «https://hy.wikipedia.org/w/index.php?title=Ջոզեֆ_Մուսկատ&oldid=9491288» էջից