Մալթայի համալսարան

Մալթայի համալսարան
Տեսակ	հասարակական համալսարան և ազատ հասանելիության հրատարակություն
Կարգախոս	Ut Fructificemus Deo
Հիմնադրված է	1769
Ընդհանուր անձնակազմ	3033 մարդ
Անդամակցություն	Միջերկրածովյան համալսարանների ասոցիացիա, Ուտրեխտի ցանց, Եվրոպայի համալսարանների միություն և Ֆրանկոֆոնիայի համալսարանական գործակալություն
Երկիր	Մալթա
Տեղագրություն	Msida?
Կայք	um.edu.mt(անգլ.)
	Մալթայի համալսարան (Մալթա) Մալթայի համալսարան, Մալթա
	University of Malta Վիքիպահեստում

Մալթայի համալսարան (մալթ.՝ L-Università ta' Malta, անգլ.՝ University of Malta), բարձրագույն ուսումնական հաստատություն Մալթայում, Եվրոպայի ամենահին համալսարաններից մեկը։ Համալսարանը ուսանողներին տալիս է բակալավրի, մագիստրոսի և դոկտորի աստիճաններ։

Համալսարանը Համալսարանների միջազգային ասոցիացիայի (Association of International Educators, NAFSA) և CIEE-ի (Council for International Educational Exchange) անդամ է։ Այն ընդգրկված է համալսարանական այլ կազմավորումների մեջ ևս (the Community of Universities of the Mediterranean, the Compostela Group, the Santander network, Ուտրեխտի ցանց)^[5]։

Պատմություն

Համալսարանին նախորդած հաստատությունը եղել է «Մալթայի կոլեգիումը» (Collegium Melitense), որը հիմնադրվել է 1592 թվականին ճիզվիտների օրդենի կողմից։ Մալթական կղզիներից ճիզվիտներին վտարելուց հետո՝ 1768 թվականին, Կոլեգիումը դարձել է Մալթայի օրդենի սեփականությունը, իսկ 1769 թվականին գրոսմայստեր Մանուել Պինտա դե Ֆոնսեկան հիմնադրել է համալսարանը։ 1798 թվականին, երբ Նապոլեոնը նվաճել է Մալթան, համալսարանը լուծարվել է և վերածվել ֆրանսիական ուսումնական հաստատության։ 1800 թվականին անգլիացիներն իրենց զորքերով մտել են Մալթայի մայրաքաղաք, և կղզին դարձել է բրիտանական պրոտեկտորատ։ Համալսարանը վերականգնվել է Մալթայի նահանգապետ սըր Ալեքսանդր Բոլլի ջանքերով։ 1938 թվականին Ջորջ VI արքան ուսումնական հաստատությունը վերանվանել է Մալթայի թագավորական համալսարան։ Թագավորական բառը համալսարանի անվանումից հեռացվել է, երբ 1974 թվականին Մալթան դարձել է հանրապետություն։

1970-ական թվականներին, երբ իշխանության է եկել Դոմինիկ Մինտոֆը, համալսարանը հասանելի է դարձել միջին դասի համար, քանի որ սկսել են ֆինանսական աջակցություն հատկացնել։ Այս շրջանում ուսանողների թվաքանակն աճել է գրեթե 200 %-ով։ Մինչև 1960 թվականը ուսանողների թիվը 300 էր, իսկ 1970-ական թվականներին այն հասել է մոտ 1,000-ի։

Ընդունելություն

Ուսանողները համալսարան են ընդունվում միջնակարգ կրթության վկայականով։ Ընդունելության պարտադիր պայման է հանդիսանում անգլերենի իմացությունը (TOEFL կամ IELTS վկայական), քանի որ ուսումնառությունը կատարվում է անգլերենով՝ բացի այն մասնագիտություններից, որոնց համար անհրաժեշտ է նաև այլ լեզու^[5]։

Ֆակուլտետներ

Ճարատապետության և քաղաքային շինարարության ֆակուլտետ
Հումանիտար գիտությունների ֆակուլտետ
Բնական գիտությունների ֆակուլտետ
Արվեստի ֆակուլտետ
Տեղեկատվական տեխնոլոգիաների ֆակուլտետ
Բժշկության ու վիրաբուժության ֆակուլտետ
Մանկավարժության ֆակուլտետ
Աստվածաբանության ֆակուլտետ
Տեխնիկական գիտությունների ֆակուլտետ
Բժշկական ատամնաբուժության ֆակուլտետ
Տնտեսագիտության ու իրավունքի ֆակուլտետ

Հայտնի շրջանավարտներ

Էդվարդ Ֆենեկ Ադամի - Մալթայի նախագահ (2004-2009)
Ջորջ Աբելա - Մալթայի նախագահ (2009-2014)
Գվիդո դե Մարկո - մալթացի պետական ու քաղաքական գործիչ
Դափնե Կարուանա Գալիցիա - մալթացի լրագրող, քաղաքական մեկնաբան
Լորենս Գոնզի - մալթացի պետական ու քաղաքական գործիչ
Էդվարդ դե Բոնո - հոգեբան և բժիշկ, լաթերալ մտածողության (անգլ.՝ lateral thinking) հիմնադիր
Կիմ Չեն Իր - ոչ պաշտոնական կենսագրության համաձայն՝ ԿԺԴՀ-ի նախագահը Մալթայի համալսարանում անգլերեն է սովորել^[6]։
Յուբեր Բլանշ - Մալթայի պատմության մեջ առաջին կին բժշկուհին
Թեսի Կամիլերի - լրագողուհի, մալթայի համալսարանի առաջին կին շրջանավարտը

Ծանոթագրություններ

↑ https://www.um.edu.mt/media/um/docs/about/factsandfigures/annualreport2022.pdf
↑ https://eua.eu/about/member-directory.html
↑ https://web.archive.org/web/20221123144401/https://www.auf.org/les_membres/nos-membres/
↑ Բաց մատչելիության ամսագրերի տեղեկատու — 2003.
↑ ^5,0 ^5,1 «Мальтийское управление по туризму». Արխիվացված է օրիգինալից 2012 թ․ հունիսի 21-ին. Վերցված է 2020 թ․ ապրիլի 15-ին.
↑ Ким Чен Ир // Вести.Ru

Արտաքին հղումներ

Պաշտոնական կայք (անգլ.)

Վիքիպահեստն ունի նյութեր, որոնք վերաբերում են «Մալթայի համալսարան» հոդվածին։

[_4cc1b3d03799b0ad-1] ttps://www.um.edu.mt/media/um/docs/about/factsandfigures/annualreport2022.pdf

[_5d10f296a5bd665b-2] ttps://eua.eu/about/member-directory.html

[_954b0f7e64a1df03-3] ttps://web.archive.org/web/20221123144401/https://www.auf.org/les_membres/nos-membres/

[_507e843b0ee9c538-4] Բաց մատչելիության ամսագրերի տեղեկատու — 2003.

[posmal-5] 5,0 ^5,1 «Мальтийское управление по туризму». Արխիվացված է օրիգինալից 2012 թ․ հունիսի 21-ին. Վերցված է 2020 թ․ ապրիլի 15-ին.

[6] Ким Чен Ир // Вести.Ru

[1]

[2]

[3]

[4]

[5]

[6]