Պտղոմեոս XIV
Պտղոմեոս XIV (հունարեն՝ Πτολεμαίος ΙΔ΄, Ptolemaĩos) կամ Պտղոմեոս XIV Թեոս Ֆիլոպատոր II, Եգիպտոսի փարավոն, որն ապրել է մ․թ․ա․ 60/59-44 թվականներին և Եգիպտոսը կառավարել մ․թ․ա․ 47-44 թվականներին։ Նա Պտղոմեոս XII Աուլետեսի որդին է և Պտղոմեոսյան հարստության ներկայացուցիչներից մեկը։
| Պտղոմեոս XIV հունարեն՝ Πτολεμαίος ΙΔ΄, Ptolemaĩos | ||
| ||
| Պտղոմեոս XIV-ի պատկերով մետաղադրամ | ||
| ||
|---|---|---|
| Մ․թ․ա․ 47-44 թվականներ | ||
| Նախորդող | Կլեոպատրա և Պտղոմեոս XIII Թեոս Ֆիլոպատոր | |
| Հաջորդող | Կլեոպատրա և Պտղոմեոս XV Կեսարիոն | |
| Մասնագիտություն՝ | գերիշխան | |
| Ազգություն | եգիպտացի | |
| Դավանանք | Եգիպտական բազմաստվածություն | |
| Ծննդյան օր | Մ․թ․ա․ 60/59 թվական | |
| Վախճանի օր | Մ․թ․ա․ 44 թվականի հուլիսի 26 | |
| Դինաստիա | Պտղոմեոսներ | |
| Քաղաքացիություն | Հին Եգիպտոս | |
| Հայր | Պտղոմեոս XII Աուլետես | |
| Մայր | անհայտ | |
| Ամուսին | Կլեոպատրա | |
ԿենսագրությունԽմբագրել
Ավագ եղբոր՝ Պտղոմեոս XIII-ի մահից հետո՝ մ․թ․ա․ 47 թվականի հունվարի 13-ին, ըստ վերջինիս կտակի՝ Պտղոմեոս XIV-ը հռչակվել է Եգիպտոսի փարավոն և համակառավարիչ՝ իր ավագ քրոջ՝ Կլեոպատրայի հետ համատեղ[1][2]։ Նա մոտ 12 տարեկան էր, երբ ժառանգեց Եգիպտոսի գահը[3]։ Նա և իր ավագ քույրը՝ Կլեոպատրան, ամուսնացել են, սակայն Կլեոպատրան շարունակել է սիրային հարաբերությունների մեջ մնալ Հռոմի դիկտատոր Հուլիոս Կեսարի հետ։ Համարվում է, որ Պտղոմեոսը կառավարել է միայն ձևական, քանի որ դա էին ենթադրում եգիպտական սովորույթները, սակայն իրական իշխանությունը կենտրոնացված է եղել իր քույր Կլեոպատրայի ձեռքում[4]։
Մ․թ․ա․ 44 թվականի մարտի 15-ին մի շարք դավադիրների կողմից, որոնց թվում ամենանշանավորն էին Մարկոս Յունիոս Բրուտոսը և Գայոս Կասսիոս Լոնգինուսը, Հռոմում սպանվել է Կեսարը։ Շուտով սպանվում է նաև Պտղոմեոսը։ Նրա կենդանության մասին վերջին հիշատակությունը վերաբերվում է մ․թ․ա․ 44 թվականի հուլիսի 26-ին[5]։ Ենթադրվում, սակայն դեռևս անորոշ է մնում այն կարծիքը, որ Կլեոպատրան իր եղբորը թունավորել է ընձախոտով։ Դրանից հետո իր որդուն՝ Պտղոմեոս XV Կեսարիոնին, Կլեոպատրան մ․թ․ա․ 44 թվականի սեպտեմբերի 2-ին դարձնում է Եգիպտոսի փարավոն և համակառավարիչ[6][7]։
ՏոհմածառԽմբագրել
ԾանոթագրություններԽմբագրել
- ↑ Mahaffy John Pentland (2014) [1895]։ The Empire of the Ptolemies։ Cambridge Library Collection (անգլերեն)։ Cambridge, England and New York: Cambridge University Press։ էջեր xxiv։ ISBN 9781108078658
- ↑ Southern Patricia (2012) [2010]։ Antony & Cleopatra: The Doomed Love Affair That United Ancient Rome & Egypt (անգլերեն)։ Stroud, England: Amberley Publishing Limited։ ISBN 9781445608877
- ↑ Blackaby Susan (2009)։ Cleopatra: Egypt's Last and Greatest Queen։ Sterling Biographies (անգլերեն)։ New York and London: Sterling Publishing Company, Inc.։ էջեր 27։ ISBN 9781402765407
- ↑ Holbl Gunther, Hölbl Günther (2003) [2001]։ A History of the Ptolemaic Empire (անգլերեն)։ London and New York: Routledge։ էջ 237։ ISBN 9780415201452
- ↑ Burstein Stanley Mayer (2007)։ The Reign of Cleopatra (անգլերեն)։ Norman, OK: University of Oklahoma Press։ էջեր xiii։ ISBN 9780806138718
- ↑ Bevan Edwyn (2014) [1927]։ A History of Egypt under the Ptolemaic Dynasty։ Routledge Revivals (անգլերեն)։ New York and London: Routledge։ էջ 369։ ISBN 9781317682257
- ↑ Rice E. E. (2006)։ Wilson Nigel Guy, ed.։ Encyclopedia of Ancient Greece (անգլերեն)։ New York and London: Routledge։ էջ 172։ ISBN 9780415973342
Արտաքին հղումներԽմբագրել
- Ptolemy XIV Theos Philopator II entry in historical sourcebook by Mahlon H. Smith
| Նախորդող: Կլեոպատրա և Պտղոմեոս XIII |
Եգիպտոսի փարավոն մ․թ․ա․ 47-44 համատեղ իշխող Կլեոպատրա |
Հաջորդող: Կլեոպատրա և Պտղոմեոս XV Կեսարիոն |