Պտղոմեոս II Եղբայրասեր
Պտղոմեոս II Եղբայրասեր (հունարեն` Πτολεμαῖος Φιλάδελφος Պտոլեմայոս Փիլադելփոս, մ. թ. ա. 308, Կոս (կղզի), Կոս, Հարավային Եգեյան կղզիներ, Հունաստան - մ. թ. ա. 246, Ալեքսանդրիա), հելլենիստական Եգիպտոսի արքա մ.թ.ա. 283-246 թթ.:
Պտղոմեոս II Եղբայրասեր | |
|---|---|
 | |
| Ծնվել է՝ | մ. թ. ա. 308 |
| Ծննդավայր | Կոս (կղզի), Կոս, Հարավային Եգեյան կղզիներ, Հունաստան |
| Մահացել է՝ | մ. թ. ա. 246 |
| Վախճանի վայր | Ալեքսանդրիա |
| Երկիր | Հին Եգիպտոս |
| Տոհմ | Պտղոմեոսներ |
| գերիշխան | |
| Հայր | Պտղոմեոս Լագոս |
| Մայր | Berenice I of Egypt? |
| Երեխաներ | Ptolemy III Euergetes?[1], Berenice?, Lysimachus of Egypt? և Ptolemaios Andromachou? |
Պտղոմեոս I Սոտերի որդին։
Հռչակվել էր որպես գիտությունների և արվեստների սիրող և հովանավորող։ Նրա օրոք է հիմնադրվել Ալեքսանդրիայի գրադարանը։ Հիշատակվում է հայ պատմիչների երկերում։ Մովսես Խորենացին նրա մասին ասում է, որ նա «հարկավոր համարեց բոլոր ազգերի մատյաններն ու վեպերը հունարեն թարգմանելու»[2]։
Ծագում
խմբագրել
Պտղոմեոս II-ի հայրը եղել է Պտղոմեոսների հարստության հիմնադիր Պտղոմեոս I Սոտերը, մայրը՝ Բերենիկեն։ Նա հոր կրտսեր որդին էր և ունեցել է երկու կիսահարազատ եղբայր՝ Պտղոմեոս Կարավնոս և Մելեագրոս անուններով, վերջինս եղել է Մակեդոնիայի արքա։ Նրանք երկուսով սպանվել են մ.թ.ա. 3-րդ դարում գալլերի Բալկաններ ներխուժելու ժամանակ։ Պտղոմեոսն սկզբում ամուսնացած է եղել Թրակիայի թագավոր Լիսիմաքոսի դուստր Արսինոեի հետ, ով նրա օրինական երեք երեխաների մայրն էր։
Նրանք էին՝
- Պտղոմեոս III Էվերգետես
- Լիսիմաքոս
- Բերենիկե Փերնոփերոս, ով ամուսնացավ Ասորիքի սելևկանների թագավոր Անտիոքոս II Թեոսի հետ։
Արսինոեյից բաժանվելուց հետո ամուսնացել է իր հարազատ քույր Արսինոե II-ի հետ, ումից երեխաներ չի ունեցել[3]։
Գիտությունների և արվեստի հովանավորումը
խմբագրելՊտղոմեոս II-ի կառավարման տարիների հետ է կապված Ալեքսանդրիայի մուսեյոնի զարգացումը և գրադարանի հիմնադրումը, որոնց համար նա հատկացնում էր հսկայական գումարներ։ Անձամբ մեծ հետաքրքրություն ցուցաբերելով գրադարանի գրքային ֆոնդի վրա, Պտղոմեոս II-ը իր թագավորության սկզբում եղած 200 հազար գրքերի քանակը հասցրեց կես միլիոնի։ Իր հետ ազգակցական կապեր ունեցող թագավորներին նա անձամբ էր նամակներ գրում, որպեսզի նրանք ուղարկեն իրենց ունեցած պատմաբանների, բանաստեղծների, բժիշկների ստեղծագործությունները։ Նրա հանձնարարությամբ կազմվեց նշանավոր «Կալիմաքոսի աղյուսակը»՝ գրադարանում պահվող գրքերի ցանկը։
Ծանոթագրություններ
խմբագրել- ↑ Union List of Artist Names — 2014.
- ↑ Մովսես Խորենացի, Հայոց պատմություն, I, Բ
- ↑ «Pharaohs of Ancient Egypt». Ancient Egypt Online. Վերցված է 2013 թ․ մայիսի 22-ին.
 | Վիքիպահեստն ունի նյութեր, որոնք վերաբերում են «Պտղոմեոս II Եղբայրասեր» հոդվածին։ |