Պուրիտանը

Պուրիտանը; անգլ.՝ The Tale of Old Mortality
Հեղինակ	Վալտեր Սքոթ
Տեսակ	գրավոր աշխատություն
Ժանր	պատմավեպ
Բնօրինակ լեզու	անգլերեն
Կերպար(ներ)	Ջեդեդիա Քլեյշբոթամ
Ստեղծման տարեթիվ	1816
Շարք	Պանդոկապանի պատմվածքներ
Նախորդ	Սև թզուկը
Երկիր	Շոտլանդիա
Հրատարակիչ	Ուիլյամ Բլեքվուդ և Ջոն Մյուրեյ
Հրատարակման տարեթիվ	1816
	Old Mortality Վիքիպահեստում

Պուրիտանը (անգլ.՝ Old Mortality կամ The Tale of Old Mortality), Վալտեր Սքոթի պատմավեպ, հրապարակված 1816 թվականին։ Հրատարակվել է «Սև թզուկի» հետ և մտնում է «Պանդոկապետի պատմվածքները» շարքի մեջ^[1]։

Վեպի հիման վրա գրվել են ֆրանսիացի հեղինակներ Ժակ Ֆրանսուա Անսելոյի և Ժոզեֆ Կվասիեր Սանտինի «Կլորագլուխները և կավալերները» (ֆր.՝ Têtes rondes et Cavaliers, 1833) պիեսը, որի սյուժեի վրա էլ, իր հերթին հիմնված է իտալացի կոմպոզիտոր Վինչենցո Բելլինիի Պուրիտաններ օպերան (իտալ.՝ I puritani)։

Նախապատմությունը խմբագրել

«Սև թզուկը» վեպի վրա Սքոթը ավարտեց իր աշխատանքը 1816 թ. օգոստոսին, և արդեն սեպտեմբերին անցել էր «Պուրիտանը» վեպը գրելուն։ Նա այն գրեց չափազանց արագ. վերջացրեց նույն թվականի նոյեմբերին։ Եթե «Ուևերլիի» դեպքում գրողը ապավինել էր բանավոր վկայություններին, ապա «Պուրիտանի» մեջ ներգրավված են նրա ծավալուն 17-րդ դարի պատմական աղբյուրների, ժամանակակից պամֆլետների և բանավոր ավանդությունների ուսումնասիրությունները։ Այդ ժամանակաշրջանի քաղաքացիական և եկեղեցական կոնֆլիկտների թեման վաղուց էր գրավում Սքոթին^[1]։

Վեպը հրատարակվել է 1816 թ. «Old Mortality» («Գերեզմանոցի ծերուկը») վերնագրով։ Վալտեր Սքոթը ավելի ուշ հիշեցրեց, որ սկզբնական վերնագիրը եղել է «The Tale of Old Mortality» («Գերեզմանոցի ծերուկ պատմվածքը»), բայց հրատարակչությունում այն անհայտ պատճառով կրճատել էին, հավանաբար՝ սխալմունքն է եղել պատճառը։

Հրատարակչությունում այնպես էին վեպի հաջողության վրա վստահ, որ կրկնակի տպաքանակը պատվիրվել էր առաջինի վաճառքից առաջ։ Երկու տպաքանակները վաճառվեցին վեց շաբաթում։ Առևտրային հաջողությունը ուղեկցվում էր քննադատների դրական ակնարկներով^[1]։

Ծանոթագրություններ խմբագրել

↑ ^1,0 ^1,1 ^1,2 «Old Mortality (Tales of My Landlord, First Series)» (անգլերեն). Edinburgh University Library. Արխիվացված օրիգինալից 2012 թ․ մայիսի 8-ին. Վերցված է 2010 թ․ հունիսի 19-ին.

Արտաքին հղումներ խմբագրել

Վեպի ամբողջական տեքստը ռուսերենով(ռուս.) Մակսին Մաշկովի գրադարանում
'Old Mortality' Գուտենբերգ նախագծի կայքում

Վիքիպահեստն ունի նյութեր, որոնք վերաբերում են «Պուրիտանը» հոդվածին։

[edinb-1] 1,0 ^1,1 ^1,2 «Old Mortality (Tales of My Landlord, First Series)» (անգլերեն). Edinburgh University Library. Արխիվացված օրիգինալից 2012 թ․ մայիսի 8-ին. Վերցված է 2010 թ․ հունիսի 19-ին.

[1]