Պողոս Գևորգյան
- Վիքիպեդիայում կան հոդվածներ Գևորգյան ազգանունով այլ մարդկանց մասին։
Պողոս Գևորգի Գևորգյան (սեպտեմբերի 24, 1886[1], Կոստանդնուպոլիս, Օսմանյան կայսրություն[1]), հայ մանկավարժ, հոգեբան։
| Պողոս Գևորգյան | |
|---|---|
| Ծնվել է | սեպտեմբերի 24, 1886[1] (138 տարեկան) |
| Ծննդավայր | Կոստանդնուպոլիս, Օսմանյան կայսրություն[1] |
| Ազգություն | հայ |
| Կրթություն | Էսայան վարժարան, Կեդրոնական վարժարան և Ժնևի համալսարան (1912)[1] |
| Մասնագիտություն | ուսուցիչ և հոգեբան |
| Աշխատավայր | Մելքոնյան կրթական հաստատություն[1] |
Կենսագրություն
խմբագրելՆախնական կրթությունն ստացել է Եսայան նախակրթարանում։ Սովորել է Բերայի ու Գատ գյուղի Մխիթարյան վարժարաններում։ Ավարտել է Պոլսի կեդրոնական վարժարանը, ապա՝ Ժնևի համալսարանի հասարակական գիտությունների ֆակուլտետը (1912)։ Վերադառնալով Պոլիս՝ որպես ուսուցիչ աշխատել է Հինդլյան-Մարության Նոր դպրոցում, դպրոցասեր տիկնանց և կեդրոնական վարժարաններում։ 1922 թվականին Ժնևում կազմակերպել է Պնէէն-Ժնևի հայ դպրոցը։ 1932-1959 թվականներին իբրև հոգեբանության, մանկավարժության և քաղաքատնտեսության ուսուցիչ (1935-1945 թվականներին՝ նաև կրթական տեսուչ) պաշտոնավարել է Կիպրոսի Մելգոնյան կրթական հաստատությունում, այնուհետև փոխադրվել Փարիզ։ Հրատարակել է «Օրինակի ազդեցությունը» (1928, ֆրանսերեն), «Ֆրեբելը գիտական մանկավարժության առաջ» (1940, ֆրանսերեն), «Ռուսոյի Էմիլը և նորմալ դպրոցների Էմիլը» (1948, ֆրանսերեն) և այլ գրքեր։ Աշխատակցել է հայկական և ֆրանսիական մամուլին։
Ծանոթագրություններ
խմբագրել- ↑ 1,0 1,1 1,2 1,3 1,4 1,5 1,6 Հայկական սովետական հանրագիտարան (հայ.) / Վ. Համբարձումյան, Կ. Խուդավերդյան — Հայկական հանրագիտարան հրատարակչություն, 1974.
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 3, էջ 20)։ 
|