Պելոպոնեսյան բանահյուսական հիմնադրամ

Պելոպոնեսյան բանահյուսական ‘Vas. Papantoniou’ հիմնադրամ կամ՝ PFF (հունարեն՝ Πελοποννησιακό Λαογραφικό Ίδρυμα, հապավված՝ ΠΛΙ), շահույթ չհետապնդող մշակութային հիմնարկություն և թանգարան Հունաստանի Նաֆպլիոն քաղաքում։ Հիմնադրել է բանահյուսագետ և թատերական նկարիչ Իոաննա Պապանտոնիուն՝ ի հիշատակ իր հանգուցյալ հոր՝ Վասիլիոս Պապանտոնիուի։ PFF-ի նպատակն է հայտնաբերել, պահպանել, ուսումնասիրել և ներկայացնել հույների նյութական մշակույթը[2]։

Պելոպոնեսյան բանահյուսական հիմնադրամ
Տեսակթանգարան
Երկիր Հունաստան
ՏեղագրությունNafplio Municipality?
ՎայրՆաֆպլիոն
ՀասցեΒασ. Αλεξάνδρου 1 και Σοφρώνη, 21100, Ναύπλιο
Հիմնադրվել է1974[1]
ՀիմնադիրIoanna Papantoniou?
Կայքpli.gr(անգլ.)
Քարտեզ
Քարտեզ

Պատմություն խմբագրել

PFF -ը հիմնադրվել է 1974 թվականին[3] Իոաննա Պապանտոնիուի նախաձեռնությամբ։ 1981 թվականից զբաղեցրել է 20-րդ դարասկզբին կառուցված և Պապանտոնիուների տոհմին պատկանող մի շենք, որը վերածվել է թանգարանի։ Այդ նույն տարում PFF-ը հռչակվել է «Տարվա եվրոպական թանգարան» և արժանացել գլխավոր մրցանակին (European Museum of the Year Main Award (EMYA)[4]: 1970-1980-ական թվականներին հիմնադրամը բանահյուսական-բանահավաքչական գործունեություն է ծավալել, հետազոտություններ իրականացրել Հունաստանում, Կիպրոսում, Հյուսիսային Իտալիայի հունական համայնքներում, գրի առել տեղեկություններ, գրական չափածո ու արձակ ստեղծագործություններ, ձայնագրել երաժշտություն, տեսանկարահանել ժողովրդական պարեր, ժողովել փաստաթղթեր, ինչպես նաև՝ նախաարդյունաբերական դարաշրջանի մանկական հնաոճ խաղալիքներ[5]։

1989 թվականին PFF-ը Նաֆպլիոնում՝ երկաթուղային հին կայարանում հիմնադրել է մանկական թանգարան[6]։ Դրանից չորս տարի անց Մելինա Մերկուրին, որ այն ժամանակ Հունաստանի մշակույթի նախարարն էր, PFF-ին է պահ տվել հելլենական ազգային տարազի արխիվը (Hellenic National Costume Archives): Հիմնադրամի կառավարմանը հանձնված կառույցները, սարքավորումները 1999 թվականին նորոգվել, նորացվել են[5]։ 2013-ին PFF-ն իր ծավալած մշակութային եռանդուն ու նպատակասլաց գործունեության համար արժանացել է Աթենքի ակադեմիայի մրցանակին[7][8]։

Հիմնադրամի թանգարանային բազմաթիվ ցուցանմուշներ ներկայացվել են աշխարհի զանազան երկրներում կազմակերպված ամենատարբեր ցուցահանդեսներում, ներառյալ Աթենքը, Սալոնիկը, Բրյուսելը, Դալլասը, Լիմասոլը, Լոնդոնը[5]... PFF-ն իր գործունեությունը ծավալում է՝ համագործակցելով Բենակիի թանգարանի[5], Նաֆպլիոյի համայնքապետարանի, Նիկոզիայի քաղաքապետարանի[5], Հարոկոպիոյի համալսարանի[9], «Հելլենական աշխարհ» հիմնադրամի, Լոնդոնի հելլենական կենտրոնի[10], արվեստի Թելոգլիոն հիմնադրամի[11] ևայլ հաստատությունների ու կազմակերպությունների հետ։

Պատկերասրահ խմբագրել

Ծանոթագրություններ խմբագրել

  1. http://www.pli.gr/el/content/%CE%B9%CE%B4%CF%81%CF%85%CF%84%CE%AE%CF%82
  2. «History»։ pli.gr։ Peloponnesian Folklore Foundation։ Վերցված է 2017 թ․ ապրիլի 25 
  3. Kanellopoulos Kanellos (2002)։ Το αποκεντρωμένο μουσείο και η συμβολή του στη βελτίωση της ποιότητας ζωής και στη σύγχρονη πολιτισμική ανάπτυξη: Το παράδειγμα του ΠΛΙ (Greek)։ Athens: International Council of Museums - Hellenic National Committee։ էջ 79։ ISBN 960-85867-4-7 
  4. «Awards»։ europeanmuseumforum.info։ European Museum Forum։ Արխիվացված է օրիգինալից 2017 թ․ օգոստոսի 29-ին։ Վերցված է 2015 թ․ հոկտեմբերի 14 
  5. 5,0 5,1 5,2 5,3 5,4 «Timeline»։ pli.gr։ Peloponnesian Folklore Foundation։ Վերցված է 2017 թ․ ապրիլի 25 
  6. Kanellopoulos, Kanellos (2002). p.83.
  7. «ΠΙΝΑΚΑΣ ΤΙΜΩΜΕΝΩΝ ΑΠΟ ΤΗΝ ΑΚΑΔΗΜΙΑ ΑΘΗΝΩΝ ΓΙΑ ΤΟ 2013» (Greek)։ To Vima։ Վերցված է 2015 թ․ հոկտեմբերի 14 
  8. Toulatou Isma։ «Ιωάννα Παπαντωνίου: Οι Ελληνίδες μέσα από τα νυφικά τους»։ tovima.gr։ To Vima։ Վերցված է 2015 թ․ հոկտեմբերի 14 
  9. «5 - 7 Φεβρουαρίου Μονάδα Αριστείας ΕΛ/ΛΑΚ»։ hua.gr (Greek)։ Harokopio University։ Վերցված է 2015 թ․ հոկտեմբերի 14 
  10. «Diary of Events January - March 2014»։ Hellenic Centre of London։ էջ 4։ Արխիվացված է օրիգինալից 2016 թ․ մարտի 4-ին։ Վերցված է 2015 թ․ հոկտեմբերի 14 
  11. «Το Τελλόγλειο της Αλίκης και του Νέστορα (13/2/2009 – 14/6/2009)» (Greek)։ Σύλλογος Φίλων Τελλογλείου Ιδρύματος Τεχνών ΑΠΘ։ 2009 թ․ փետրվարի 6։ Վերցված է 2015 թ․ հոկտեմբերի 14 (չաշխատող հղում)

Արտաքին հղումներ խմբագրել