Բաբկեն Չոբանյան
- Վիքիպեդիայում կան հոդվածներ Չոբանյան ազգանունով այլ մարդկանց մասին։
Բաբկեն Սամվելի Չոբանյան (հոկտեմբերի 9, 1977, Լենինական, Հայկական ԽՍՀ, ԽՍՀՄ), հայ դերասան, 2015 թվականին Երևանի քաղաքապետարանի կողմից պարգևատրվել է «Երևան քաղաքի մշակույթի պատվավոր գործիչ» հուշամեդալով[1]։ ՀՀ վաստակավոր արտիստ (2019) ։ Հայտնի է «Կյանք ու կռիվ 2. 25 տարի անց» ֆիլմում Արմանի դերակատարմամբ[2], «Հատուկ բաժին» կարճամետրաժ սերիալում Ռոբի դերակատարմամբ[3], ինչպես նաև «Հոսանքին հակառակ» հեռուստանովելում Արմենի դերակատարմամբ ու «Հանդիպման վայր» ֆիլմում Տիգրանի դերակատարմամբ[4]։ «Անհայտ բաժանորդ» ֆիլմում մարմնավորել է Ռոբերտի դերը։
 | |
|---|---|
| Ծնվել է | հոկտեմբերի 9, 1977 (46 տարեկան) |
| Ծննդավայր | Լենինական, Հայկական ԽՍՀ, ԽՍՀՄ |
| Կրթություն | Երևանի թատրոնի և կինոյի պետական ինստիտուտ (1998) |
| Քաղաքացիություն |  Հայաստան |
| Մասնագիտություն | դերասան և հաղորդավար |
Կենսագրություն խմբագրել
Բաբկեն Չոբանյանը ծնվել է 1977 թվականի հոկտեմբերի 9-ին Շիրակի մարզի Գյումրի քաղաքում։ 4-րդ դասարանից սկսել է հաճախել Աննա Պետրոսյանի դպրաթատրոն, որը գործում էր եկեղեցուն կից։ 1994 թվականին ավարտել է Գյումրիի թիվ 7 միջնակարգ դպրոցը։ 1994-1998 թվականներին սովորել է Երևանի թատրոնի և կինոյի պետական ինստիտուտի դերասանական ֆակուլտետում։ 1999-2007 թվականներին աշխատել է Գյումրու Վարդան Աճեմյանի անվան պետական դրամատիկական թատրոնում։ Դրա հետ մեկտեղ նա աշխատել է նաև ԵԹԿՊԻ Գյումրիի մասնաճյուղում` որպես դերասանի վարպետության և բեմական խոսքի դասախոս, ինչպես նաև Գյումրիի «Ցայգ» հեռուստաընկերությունում` որպես հաղորդավար։ 2007 թվականից աշխատում է Երևանի Հ.Ղափլանյանի անվան պետական դրամատիկական թատրոնում` որպես դերասան[5]։ 2019 թվականի սեպտեմբերի 20-ին արժանացել է ՀՀ վաստակավոր արտիստի կոչման։
2024 թվականի մարտից վարում է Հանրային հեռուստատեսությամբ հեռարձակվող «Թույլ օղակ» հեռուստախաղը[6]։
Անձնական կյանք խմբագրել
Ամուսնացած է։ Ունի երկու որդի՝ Սամվելը և Արամը[7]։
Դերեր ներկայացումներում խմբագրել
| Ներկայացում | Դեր |
|---|---|
| «Հեղնար աղբյուր» | Վարոս |
| «Հրեշը լուսնի վրա» | Արամ |
| «Կիլիկիո արքան» | Լևոն 7-րդ |
| «Մանչուկը և Կառլսոնը» | Կառլսոն |
| «Հուլիոս Կեսար» | Օկտավիոսի սպասավոր |
| «Մակբեթ» | Մակդուֆ |
| «Համլետ» | Բերնարդո |
| «Մեծ լռություն» | Ռուբեն Սևակ |
| «Անվերջ վերադարձ» | Նոր աշխատող |
| «Ձուկն առանց ջրի … SUICIDE» | Երիտասարդ |
| «Ա՜խ, Աննա, Աննա կամ… Կրքոտ կիրակի» | Ռոբեր |
| «12-րդ գիշեր կամ ... Սիրուց եմ մեռնում» | Դուքս |
| «Փարիզյան դատավճիռ» | Գևորգ Գյուզելյան |
| «Վճարովի պատրանք» | Պոլո[8] |
Ծանոթագրություններ խմբագրել
- ↑ «Պարգևներ Երևանի քաղաքապետից՝ Թատրոնի միջազգային օրվա առթիվ». ՄԱԳԱՂԱԹ.AM (ռուսերեն). 2015 թ․ մարտի 28. Արխիվացված է օրիգինալից 2017 թ․ հոկտեմբերի 13-ին. Վերցված է 2017 թ․ մայիսի 10-ին.
- ↑ «Երևանում կայացավ «Կյանք ու կռիվ 2, 25 տարի անց» ֆիլմի փակ ցուցադրությունը». Արմենպրես. Վերցված է 2017 թ․ մայիսի 10-ին.
- ↑ «Շանթ Հովհաննիսյանը, Բաբկեն Չոբանյանը, Սեպուհ Ապիկյանը, Մարիամ Դավթյանը՝ նոր՝ «Հատուկ բաժին» ֆիլմաշարի մասին - Այսօր` թարմ լուրեր Հայաստանից». www.aysor.am (անգլերեն). Վերցված է 2017 թ․ մայիսի 10-ին.
- ↑ Նազենի Հովհաննիսյանը, Բաբկեն Չոբանյանը, Անի Խաչիկյանը և այլք՝ Մհեր Մկրտչյանի «Հոսանքին հակառակ» հեռուստանովելում
- ↑ Baghdasaryan, Aram. «AV Production - Բաբկեն Չոբանյան». avproduction.am. Արխիվացված է օրիգինալից 2020 թ․ օգոստոսի 12-ին. Վերցված է 2017 թ․ մայիսի 10-ին.
- ↑ Mediamax. ««Հաղորդավարի խստությունը խաղի անբաժան եւ հմայիչ մասն է». Բաբկեն Չոբանյանը կվարի «Թույլ օղակ» հեռուստաշոուն». Bravo.am (ամհարերեն). Վերցված է 2024 թ․ ապրիլի 20-ին.
- ↑ «Հանրային հեռուստաընկերություն». www.1tv.am. Վերցված է 2017 թ․ մայիսի 10-ին.
- ↑ «Չոբանյան Բաբկեն Սամվելի». ydt.am (ռուսերեն). Արխիվացված է օրիգինալից 2017 թ․ հունիսի 7-ին. Վերցված է 2017 թ․ մայիսի 10-ին.