Չեստիո կամուրջ
Չեստիո կամ Սան Բարտոլոմեո (իտալ.՝ Ponte Cestio, Ponte San Bartolomeo, լատին․՝ Pons Cestius), կամուրջ Իտալիայի մայրաքաղաք Հռոմում։ Հատում է Տիբեր գետը Տիբերինա կղզու արևմտյան մասում։ Բնօրինակը կառուցվել է մոտավորապես Ք․ ա․ 1-ին դարում (Ք․ ա․ 62-27 թթ․ ընկած որևէ ժամանակահատվածում), Ֆաբրիչիո կամրջից հետո։ Վերջինս ևս միանում է Տիբերինա կղզուն։ Երկուսն էլ լավ են պահպանվել, հատկապես Ֆաբրիչիոն լիովին նույնն է մնացել և չի ձևափոխվել, իսկ Չեստիոն 19-րդ դարում մասամբ ապամոնտաժվել է, ու անտիկ կառույցից միայն մի մասն է մնացել։
 | |
|---|---|
 | |
| Անունով | Lucius Cestius? |
| Երկիր |  Իտալիա |
| Տեղանք | Ռոմա Կապիտալ |
| Տեսակ | երթևեկելի կամարավոր կամուրջ, քարե կամուրջ և հինհռոմեական կամուրջ |
| Նյութ | քար |
| Թռիչքների քանակ | 3 |
| Հատում է | Տիբեր |
| Երկարություն | 80,4 մետր |
| Բացման տարեթիվ | մ. թ. ա. 44 |
| Ժառանգության կարգավիճակ | Իտալիայի մշակութային ժառանգություն[1] |
 | |
 | |
Չեստիո կամուրջն առաջինն էր, որ Տիբերինա կղզուց հասնում էր մինչև Տիբերի աջ ափը։ Իսկ կղզին երկար ժամանակ միացած էր Տիբերի ձախ ափին և Հին Հռոմի կենտրոնին։ Մինչև Չեստիոյի կառուցվելը Տիբերի աջ ափը մնում էր անհասանելի։ Ք․ ա․ 1-ին դարից Չեստի ընտանիքի անդամներից մի քանիսն են հայտնի, սակայն անորոշ է, թե նրանցից ով է կառուցել այս կամուրջը[2]
4-րդ դարում կամուրջը վերակառուցվել է կայսրեր Վալենտինիանոսի I, Վաղեսի և Գրացիանոսի կողմից, և 370 թվականին այն կրում էր «Pons Gratiani» անունը։ Կամուրջը վերակառուցվել է՝ օգտագործվելով տուֆ և պեպերինո, իսկ արտաքինից պատված է տրավերտինով։ Շինարարական նյութը բերվել է մոտակա Մարցելլա թատրոնի քանդված կամարաշարքից[3]։
1888-1892 թթ․ գետի ամբարտակների պատերը կառուցելու ժամանակ կամուրջը քանդվում է և վերանորոգվում, քանի որ արևմտյան հունը լայնացվում է 48-ից 76 մետր։ Անտիկ կամուրջն ուներ երկու փոքր կամար, որը պարզապես բավարար չէր։ Կառուցվում է նոր կամուրջ՝ երեք մեծ կամարներով, որի կենտրոնական կամարի կառուցման համար օգտագործվել է սկզբնական նյութի երկու երրորդ մասը։
Տես նաև
խմբագրելԾանոթագրություններ
խմբագրել- ↑ Վիկին սիրում է հուշարձաններ։ Իտալիա — 2012.
- ↑ Samuel Ball Platner. "Pons Cestius (from A Topographical Dictionary of Ancient Rome)".
- ↑ Claridge, Amanda (1998). Rome: An Oxford Archaeological Guide. Oxford: Oxford Univ. Press.
Աղբյուրներ
խմբագրել- O’Connor, Colin (1993). Roman Bridges. Cambridge University Press. pp. 66f. ISBN 0-521-39326-4.
Արտաքին հղումներ
խմբագրել- LacusCurtius: Pons Cestius
- The Waters of Rome: Tiber River Bridges and the Development of the Ancient City of Rome Արխիվացված 2008-09-16 Wayback Machine
- Tiber Island information
 | Վիքիպահեստն ունի նյութեր, որոնք վերաբերում են «Չեստիո կամուրջ» հոդվածին։ |