Ուրցաձոր

Գյուղ
	Ուրցաձոր
Երկիր	Հայաստան
Մարզ	Արարատի
Համայնք	Ուրցաձոր (համայնք)
Գյուղապետ	Ռաֆիկ Անդրեասյան
Հիմնադրված է	մ․թ․ա 1-ին հազարամյակ թ.
Առաջին հիշատակում	5-րդ դար
Այլ անվանումներ	Ներքին և Վերին Ղարաբաղլար, Չիման, Ուրծաձոր
Տվյալ կարգավիճակում	1996 թվականից
Մակերես	62,57 կմ²
ԲԾՄ	1075 մ
Կլիմայի տեսակ	բարեխառն ցամաքային
Պաշտոնական լեզու	հայերեն
Բնակչություն	2587 մարդ (2011)
Ազգային կազմ	Հայեր
Կրոնական կազմ	քրիստոնյաներ
Ժամային գոտի	UTC+4
	Ուրցաձոր (Հայաստան)
	Ուրցաձոր (Հայաստան)
	Ուրցաձոր Վիքիպահեստում

Ուրցաձոր, գյուղ Հայաստանի Արարատի մարզում, Արարատի տարածաշրջանում, Ուրցաձոր համայնքում, Վեդի քաղաքից 9 կմ արևելք, իսկ մարզկենտրոնից 26 կմ հեռավորության վրա, Գեղամա լեռների հարավարևմյտան փեշերին^[2]։

Պատմություն

Գյուղը հիմնադրվել է 1873 թվականին։ Նախկինում ունեցել է Կարաբագլար Ներքին, Չիման, Ուրծաձոր անվանումները։ Ուրցաձոր է վերանվանվել 1978 թվականին։ Գյուղից 7 կմ հյուսիս-արևմուտք գտնվում է Խոսրովի անտառի արգելոցը, որտեղ կան 3 եկեղեցիների ավերակներ։ Ուրցաձորի մոտակա Կոտուց սարի լանջին աղբյուրի մոտ կա հին գերեզման, որն ըստ ավանդության Խոսրով Բ թագավորի գերեզմանն է։

Գյուղը տեղադրված է Վեդի գետի հովտում, Ուրծի լեռների լանջերին։ Ծովի մակարդակից ունի 1075 մ բարձրություն։

Կլիմա

Կլիման չոր, խիստ ցամաքային է։ Ձմեռները սկսվում են դեկտեմբերի կեսերին, հունվարյան միջին ջերմաստիճանը տատանվում է -3-ից -5 °C։ Ամառը տևական է՝ մայիսից մինչև հոկտեմբեր, օդի միջին ամսական ջերմությունը հասնում է 24-ից 26 °C, իսկ առավելագույնը՝ 42 °C։ Հաճախ լինում են խորշակներ, որնոք զգալի վնաս են հասցնում գյուղատնտեսությանը։ Մթնոլորտային տարեկան տեղումների քանակը 250-300 մմ է։ Բնական լանդշաֆտները կիսաանապատներ են, որոնք ոռոգման ընթացքում վերածվել են կուլտուր-ոռոգելի լանդշաֆտի։ Ագրոկլիմայական տեսակետից համայնքն ընկած է բացարձակ ոռոգման գոտում։

Ունի արտեզյան աղբյուրներ։

Բնակչություն

Ըստ Հայաստանի 2011 թ. մարդահամարի արդյունքների՝ Ուրցաձորի մշտական բնակչությունը կազմել է 2587, առկա բնակչությունը՝ 2495 մարդ^[1], բնակչության փոփոխությունը ժամանակի ընթացքում՝ ստորև^[3].

Տարի	1873	1897	1926	1939	1959	1970	1979	1989	2001	2011
Բնակիչ	756	1260	914	1447	1444	1971	2227	2463	2935	2587^[1]

Տնտեսություն

Գյուղն ունի առկա 806 տնտեսություն, դպրոց, գրադարան, հիվանդանոց, կապի հանգույց։ Համայնքի տնտեսության մասնագիտացման ճյուղը գյուղատնտեսությունն է, համախառն բերքի մեծ մասը տալիս է բուսաբուծությունը։ Գյուղատնտեսական նշանակության հողերը կազմում են շուրջ 5944 հա։ Համայնքի հողերի հիմնական մասն օգտագործվում են որպես վարելահողեր՝ զբաղեցնելով մոտ 765 հա։ Զբաղվում են դաշտավարությամբ, բանջարաբուծությամբ, ծխախոտագործությամբ։ Մշակում են բանջարաբոստանային, հացահատիկային և կերային կուլտուրաներ։ Զբաղվում են խոշոր և մանր եղջերավոր անասնապահությամբ, թռչնաբուծությամբ։

Արդյունաբերություն չունի։