Շավարշ Մաթևոսյան (մանկավարժ)
- Անվան այլ կիրառումների համար տե՛ս՝ Շավարշ Մաթևոսյան (այլ կիրառումներ)
- Վիքիպեդիայում կան հոդվածներ Մաթևոսյան ազգանունով այլ մարդկանց մասին։
Շավարշ Բագրատի Մաթևոսյան (1924, Մաստարա, Էջմիածնի գավառ, Հայկական ԽՍՀ, ԱԽՖՍՀ, ԽՍՀՄ), հայ մանկավարժ։ ԽՄԿԿ անդամ (1949): Հայրենական մեծ պատերազմի մասնակից։
Շավարշ Մաթևոսյան | |
---|---|
Ծնվել է | 1924 |
Ծննդավայր | Մաստարա, Էջմիածնի գավառ, Հայկական ԽՍՀ, ԱԽՖՍՀ, ԽՍՀՄ |
Քաղաքացիություն | ԽՍՀՄ |
Կրթություն | Հայկական պետական մանկավարժական համալսարան |
Մասնագիտություն | մանկավարժ |
Կուսակցություն | ԽՄԿԿ |
Պարգևներ և մրցանակներ |
Կենսագրություն խմբագրել
Շավարշ Մաթևոսյանը ծնվել է 1924 թվականին Թալինի շրջանի Մաստարա գյուղում։ 1941 թվականին ավարտել է միջնակարգ դպրոցը։ Աշխատել է Ծաղկասար գյուղի տարրական դպրոցում։ Մեկ տարի աշխատելուց հետո 1942 թվականին զորակոչվել է բանակ[1]։
1943 թվականին Նովոռոսիյսկի մոտ մղված մարտերից մեկում վիրավորվել է և ուղարկվել բուժման։ Մարտական ուղին ձգվել է դեպի արևմուտք։ Շավարշը մասնակցել է Օդերի անցմանը, Բեռլինի վրա կատարած հուժկու գրոհին և պատերազմն ավարտել է Էլբա գետի ափին[1]։
Պարգևատրվել է «Արիության համար», «Կովկասի պաշտպանության համար», «Վարշավայի ազատագրման համար», «Բեռլինի գրավման համար» և ուրիշ մեդալներով[1]։
1946 թվականին Մաթևոսյանը զորացրվել է բանակից և անցել մանկավարժական աշխատանքի։ Ավարտել է Երևանի հեռակա մանկավարժական ինստիտուտը։ 1949 թվականին Մաթևոսյանը ընդունվել է կուսակցության շարքերը։ Երկար տարիներ աշխատել է Հոկտեմբերյանի շրջանի Զարթոնքի միջնակարգ դպրոցի տնօրեն[1]։
Պարգևներ խմբագրել
- «Բեռլինի գրավման համար» մեդալ
- «Վարշավայի ազատագրման համար» մեդալ
- «Արիության համար» մեդալ
- «Կովկասի պաշտպանության համար» մեդալ