Նինա Խանոյան
Անվան այլ կիրառումների համար տե՛ս՝ Խանոյան (այլ կիրառումներ)
Նինա Մինասի Խանոյան (սեպտեմբերի 17 (29), 1879[1], Թիֆլիս, Կովկասի փոխարքայություն, Ռուսական կայսրություն[1] - մայիսի 14, 1975[1], Թբիլիսի, Վրացական ԽՍՀ, ԽՍՀՄ[1]), հայ բոլշևիկ հեղափոխական, կոմկուսի անդամ (1905)։
| Նինա Խանոյան | |
|---|---|
| Ծնվել է | սեպտեմբերի 17 (29), 1879[1] |
| Ծննդավայր | Թիֆլիս, Կովկասի փոխարքայություն, Ռուսական կայսրություն[1] |
| Մահացել է | մայիսի 14, 1975[1] (95 տարեկան) |
| Մահվան վայր | Թբիլիսի, Վրացական ԽՍՀ, ԽՍՀՄ[1] |
| Մասնագիտություն | հեղափոխական և ուսուցչուհի |
| Կուսակցություն | ԽՄԿԿ[1] |
| Պարգևներ և մրցանակներ | |
Սովորել է Թիֆլիսի կանանց գիմնազիայում։ 1898 - 1920 թվականներին ուսուցչություն է արել Թիֆլիսի և գավառի ծխական դպրոցներում։ Անձնապես ծանոթ և իր գործունեությամբ կապված է եղել այսպես կոչված՝ պրոֆեսիոնալ հեղափոխականներ Ստեփան Շահումյանի, Միխայիլ Ցխակայայի, Բոգդան Կնունյանցի և Կամոյի հետ։ Կատարել է կուսակցական հանձնարարություններ (զինամթերքի հայթայթում, բոլշևիկյան ագիտացիոն մամուլի հրատարակում ու տարածում և այլն)։ Վրաստանում խորհրդային կարգերի հաստատումից հետո աշխատել է հանրապետության լուսժողկոմատում, 1922-1932 թվականներին՝ ՎԿ (բ) կ Կենտկոմում։ Եղել է Վրաստանի պետական հրատարակչության կոլեգիայի անդամ։
Ծանոթագրություններ խմբագրել
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 5, էջ 13)։ 
|