Նուպար Պերպերյան
- Վիքիպեդիայում կան հոդվածներ Պերպերյան ազգանունով այլ մարդկանց մասին։
Նուպար Գևորգի Պերպերյան (սեպտեմբերի 25, 1922, Կահիրե, Եգիպտոս - նոյեմբերի 23, 2016, Բոստոն, ԱՄՆ), հայ հրապարակախոս, խմբագիր, կուսակցական գործիչ, ՌԱԿ անդամ։
| Նուպար Պերպերյան | |
|---|---|
| Ծնվել է | սեպտեմբերի 25, 1922 |
| Ծննդավայր | Կահիրե, Եգիպտոս |
| Մահացել է | նոյեմբերի 23, 2016 (94 տարեկան) |
| Մահվան վայր | Բոստոն, ԱՄՆ |
| Մասնագիտություն | խմբագիր |
| Պարգևներ և մրցանակներ | |
Կենսագրություն խմբագրել
Նախնական կրթությունը ստացել է Հելիոպոլիսի Նուպարյան ազգային վարժարանում, այնուհետև՝ ֆրանսիական լիցեյում։ 1944 թվականին ավարտել է ֆրանսիական իրավաբանական ֆակուլտետը։ Որպես փաստաբան հանդես է եկել Եգիպտոսի դատարաններում։ Իրավաբանության դոկտորատուրայի երկամյա դասընթացը ավարտելուց հետո միջազգային իրավագիտության ոլորտի ատենախոսությունը ներկայացրել է 1947 թվականին Փարիզում, ոտեղ հետևում էր նաև լրագրության դասընթացների։
Խմբագրական ասպարեզ է մտել 1941 թվականին որպես օգնական ՌԱԿ-ի պաշտոնաթերթ «Արևի» խմբագիր Վահան Թեքեյանին։ 1950 թվականից եղել է Եգիպտոսի մամլո ընկերակցության անդամ։ Հաջորդաբար եղել է՝ 1947-1948 թվականներին «Ապագա» (Փարիզ), 1948-1958 թվականներին՝ «Արև», 1958-1960 թվականներին՝ «Նոր օր» (Բոստոն), 1961-1982 թվականներին՝ «Պայքար» (Բոստոն) պարբերականների պատասխանատու խմբագիրը։ Միևնույն ժամանակ վարել է ՌԱԿ Կալիֆոռնիայի շրջանային վարչության քարտուղարի պաշտոնը։ Եղել է ԱՄՆ-ի ՌԱԿ վասստակավորների հիմնադրամի ատենապետը։ Եղել է Թեքեյան մշակութային միության ԱՄՆ–ի և Կանադայի կենտրոնական վարչության անդամ։ Կուսակցական առաքելությամբ եղել է Մերձավոր Արևելքում, Եվրոպայում և Հարավային Ամերիկայում։
Գրել է նաև նորավեպեր և թատերախաղեր Բյուրակն ծածկանունով։ Նրա երկու թատերախաղերը բեմադրվել են Կահիրեում[1]։
2011 թվականին Գարեգին Բ-ի կողմից պարգևատրվել է «Ս․ Սահակ-Ս․ Մեսրոպ» շքանշանով[2]։
Ծանոթագրություններ խմբագրել
- ↑ Յովիկ Էօրտեքեան, ՌԱԿ-ի մամուլի խմբագիրները, Ե., 2005, էջ 20-21։
- ↑ ՌԱԿ-ի Անխոնջ Խմբագրապետը՝ Նուպար Պէրպէրեան