Նուբուեն

Նուբուեն
	Նուբուեն
	նորվ.՝ Nybyen, հայերեն՝ Նոր քաղաք
Երկիր	Նորվեգիա
Ինքնավար կղզի	Շպիցբերգեն
Համայնք	Արևմտյան Շպիցբերգեն
Հիմնադրված է	1947թ. թ.
Մակերես	0,3 կմ²
ԲԾՄ	100±1 մետր
Կլիմայի տեսակ	Արկտիկական
Խոսվող լեզուներ	Նորվեգերեն
Ժամային գոտի	UTC+2
Հեռախոսային կոդ	47
Փոստային ինդեքս	9171
Պաշտոնական կայք	gjestehuset102.no/en/om-oss-2/
	Նուբուեն (Նորվեգիա)
	Նուբուեն (Նորվեգիա)
	Նուբուեն Վիքիպահեստում

Նուբուեն (նորվ.՝ Nybyen, հայերեն՝ Նոր քաղաք), փոքր բնակավայր Շպիցբերգեն բևեռային կղզեխմբի Արևմտյան Շպիցբերգենում։ Տեղակայված է Լոնգյիր վարչական կենտրոնի մոտ և գործնականում վերջինիս արվարձանն է։

Պատմություն

Գյուղը հիմնադրվել է 1946-1947 թվականներին «2Բ հանքավայրի» (հետագայում վերանվանվել է «Սանտա Կլաուսի հանքավայր») աշխատողների կողմից։ 20-րդ դարի երկրորդ կեսին դարձել է Լոնգյիրի կարևոր հատվածը, քանի որ այստեղ է տեղակայված եղել միակ պարենային խանութը։

Նուբուենը հանդիսանում է Շպիցբերգենի մշակութային և զբոսաշրջային կենտրոնը։ Բնակավայրի տարածքում տեղակայված է երկու հյուրանոց^[1]^[2], շպիցբերգյան գեղարվեստական պատկերասրահը և ստեղծագործական կենտրոնը^[3], ռեստորան^[4] գիշերային ակումբ, կինոթատրոն, ինչպես նաև Սվալբարդի միջազգային համալսարանի կամպուսը^[5]։

Տեղադրություն

Նուբուենը տեղակայված է «Սարկոֆագ» (նորվ.՝ Sarkofagen) լեռան լանջին՝ Լոնգյիրից 2,5 կմ հեռավորության վրա։ Կենտրոնական փողոցի երկարությունը 100 մետր է։

2002 թվականից գյուղը ընդգրկված է Լոնգյիբուրգեն համայնքի կազմում՝ չնայած համարվում է առանձին բնակավայր։ Նուբուենի և Լոնգյիրի միջև տեղակայված է դպրոցը, իսկ Սվալբարդի օդանավակայանը գտնվում է գյուղից 6 կմ հեռու։ Օդանավակայանից դեպի գյուղ և հակառակ ուղղությամբ գործում է ավտոբուսային երթուղի։

Նուբուենից արևմուտք՝ Սվերդրուպբյուեն գետի ափին, գտնվում են գյուղի հին բնակատեղին, որը կոչվել է Էիներ Սվերդրուպի անունով։ Վերջինս հանդիսանում էր «Store Norske» ընկերության ինժեներ, ով Երկրորդ համաշխարհային պատերազմի ժամանակ ղեկավարել է բրիտանական զինուժի աջակցությամբ իրականացվող «Ֆրիտամ» ռազմագործողությունը։ Այդ կապակցությամբ երբեմն Նուբուենը երբեմն անվանում են արևելյան Սվարդրուպբյուեն (նորվ.՝ Østre Sverdrupbyen):