Նելսոն Ալեքսանյան
- Վիքիպեդիայում կան հոդվածներ Ալեքսանյան ազգանունով այլ մարդկանց մասին։
Նելսոն Դրաստամատի Ալեքսանյան (հունվարի 1, 1952, Վաղարշապատ, Հայկական ԽՍՀ, ԽՍՀՄ - հունիսի 17, 2020, Երևան, Հայաստան[1]), հայ թարգմանիչ, լրագրող, հրապարակախոս, 1989 թվականից Հայաստանի գրողների միության անդամ։
Նելսոն Ալեքսանյան | |
|---|---|
 | |
| Ծնվել է | հունվարի 1, 1952 |
| Ծննդավայր | Վաղարշապատ, Հայկական ԽՍՀ, ԽՍՀՄ |
| Վախճանվել է | հունիսի 17, 2020 (68 տարեկան) |
| Վախճանի վայր | Երևան, Հայաստան |
| Մասնագիտություն | թարգմանիչ, հրապարակախոս և լրագրող |
| Քաղաքացիություն |  Հայաստան |
| Կրթություն | Երևանի պետական համալսարան և Մաքսիմ Գորկու անվան գրականության ինստիտուտ |
| Անդամակցություն | ՀԳՄ |
| Աշխատավայր | Լիտերատուրնայա Արմենիա, Նոյյան տապան և Արմենպրես |
Կենսագրություն
խմբագրելԾնվել է 1952 թվականի հունվարի 1-ին, Էջմիածին քաղաքում (այժմ՝ Վաղարշապատ)։ Սովորել է ԵՊՀ ռուսաց լեզվի և գրականության ֆակուլտետում և Մոսկվայի Մաքսիմ Գորկու անվան գրականության ինստիտուտում։ Աշխատել է Հայաստանի գրողների միության «Լիտերատուրնայա Արմենիա» հանդեսում, «Նոյյան տապան» և «Արմենպրես» լրատվական գործակալություններում, «Ռեսպուբլիկա Արմենիա» օրաթերթում։
Նրա թարգմանությամբ առանձին գրքերով և ժողովածուներով լույս են տեսել հայաստանյան և սփյուռքահայ արդի և դասական տասնյակ գրողների ստեղծագործություններ ինչպես Հայաստանում և Ռուսաստանում, այնպես էլ արտերկրում՝ Ֆրանսիայում, Գերմանիայում, Իսրայելում, Լեհաստանում և այլուր։
Ռուսերենից հայերեն է թարգմանել գիտական և իրավաբանական բնույթի դասագրքեր։ Հայաստանյան մամուլում հրապարակել է տասնյակ հրապարակախոսական հոդվածներ։ Շուրջ 50 թարգմանական գրքի հեղինակ է[2]։
Թարգմանություններ
խմբագրել- Հովհաննես Թումանյան, Հեքիաթներ, 2012
- Ռազմիկ Դավոյան, Եթե աստված կամենա, Երևան, 2011
Ծանոթագրություններ
խմբագրել- ↑ Սիմոնյան, Կորյուն (2020 թ․ հունիսի 17). «Մահացել է լրագրող, թարգմանիչ Նելսոն Ալեքսանյանը». ՀՐԱՊԱՐԱԿ. Վերցված է 2020 թ․ հունիսի 17-ին.
- ↑ Նելսոն Ալեքսանյանի մասին ՀԳՄ կայքում