Մուշ (գյուղ, Քաշաթաղի շրջան)
Անվան այլ կիրառումների համար տե՛ս՝ Մուշ (այլ կիրառումներ)
Մուշ, գյուղ Արցախի Հանրապետության Քաշաթաղի շրջանում, Կովսական քաղաքից 8 կմ հեռավորության վրա, Ողջի գետի աջ ափին։ Գտնվում է հանրապետության հարավ-արևմտյան հատվածում, Բերձոր շրջկենտրոնից 115 կմ հեռավորության վրա, իսկ մայրաքաղաք Ստեփանակերտից` 165 կմ հեռավորության վրա։
| Գյուղ | ||
|---|---|---|
| Մուշ | ||
| Երկիր |  Արցախ | |
| Ղեկավար | Պետրոս Ավետիսյան | |
| Հիմնադրված է | 1998 թ. | |
| Բնակչություն | 122 մարդ | |
| Ազգային կազմ | Հայեր (100%) | |
| Ժամային գոտի | UTC+4 | |
| ||
Աշխարհագրություն խմբագրել
Համայնքը հարթավայրային է, ունի 1739,0 հա տարածք, որից 1606,6 հա գյուղատնտեսական նշանակության։ Մուշ համայնքի սահմանային գոտով հոսում է Ողջի գետը։
Համայնքի տարածքում խմելու ջրի համար առկա են թվով 23 գործող անհատական ջրհորներ։
Պատմություն խմբագրել
Գյուղը հիմնադրվել է 1998 թվականին։
2020 թվականի Արցախյան երկրորդ պատերազմի հետևանքով գյուղը հայաթափվել և անցել է Ադրբեջանի հսկողության տակ[1]։
Բնակչություն խմբագրել
2014 թվականի տվյալներով գյուղում ապրում է 28 ընտանիք՝ 122 բնակչով։
Բնակավայրի ազգաբնակչության փոփոխությունը[2].
| Տարի | 2008 | 2009 | 2010 |
|---|---|---|---|
| Բնակիչ | 96 | 87 | 78 |
Տնտեսություն խմբագրել
Գյուղն ամբողջությամբ էլեկտրաֆիկացված է։ Բնակչությունը զբաղվում է հիմնականում հողագործությամբ և անասնապահությամբ։ Բնակլիմայական պայմանները հնարավորություն են տալիս ավանդական բուսատեսակներից բացի, մշակել նաև արևադարձային մրգեր՝ նարինջ, բանան, կիվի։ Ներկայումս 300 հեկտար վարելահողից մշակվում է 150 հեկտարը, որից 100 հեկտարը՝ ջրովի։
Հասարարակական կառույցներ խմբագրել
2015 թվականի դրությամբ համայնքում գործում էր գյուղապետարան[3]։
Ծանոթագրություններ խմբագրել
- ↑ «Արցախը հրապարակել է Ադրբեջանի հսկողության տակ անցած համայնքների և բնակավայրերի ցանկը». Ազատություն Ռադիոկայան. 2020 թ․ դեկտեմբերի 10.
- ↑ «Լեռնային Ղարաբաղի Հանրապետություն. Բնակչություն ըստ համայնքների». Վերցված է 2021 Մայիսի 1-ին.
- ↑ Ղահրամանյան, Հակոբ (2015). Տեղեկաատու Լեռնային Ղարաբաղի Հանրապետության վարչատարածքային միավորների սոցիալ-տնտեսական բնութագրերի. Երևան. էջ 370.
{{cite book}}: CS1 սպաս․ location missing publisher (link)