Մյուրեյ Պերայա

Մյուրեյ Պերայա
Բնօրինակ անուն	անգլ.՝ Murray Perahia
Ծնվել է	ապրիլի 19, 1947 (77 տարեկան); Նյու Յորք, Նյու Յորք, ԱՄՆ
Երկիր	ԱՄՆ
Ժանրեր	դասական երաժշտություն
Մասնագիտություն	դիրիժոր և դաշնակահար
Գործիքներ	դաշնամուր
Աշխատավայր	Քերտիսի անվան երաժշտական ինստիտուտ
Լեյբլ	Columbia Records
Կրթություն	Ֆիորելլո Հ. ԼաԳուադրդիա Ավագ դպրոց և Մաննես քոլեջ
Անդամակցություն	Արվեստների և գիտությունների ամերիկյան ակադեմիա
Պարգևներ	Երաժշտության թագավորական ակադեմիայի Բախի մրցանակ Թագավորական երաժշտական քոլեջի պատվավոր դոկտոր Echo Klassik Award - Instrumentalist of the Year? և Classic Brit Awards?
Կայք	murrayperahia.com
	Murray Perahia Վիքիպահեստում

Մյուրեյ Պերայա (անգլ.՝ Murray Perahia, ի սկզբանե՝ Մոյշե Պերայա, անգլ.՝ Moishe Perahia^[7]^[8], ապրիլի 19, 1947(1947-04-19)^[1]^[2]^[3], Նյու Յորք, Նյու Յորք, ԱՄՆ^[4]), սեֆարդյան ծագմամբ ամերիկացի դաշնակահար։

Կենսագրություն

Մյուրեյ Մոյշե Պերայա (Պերահյա) ծնվել է Բրոնքսում, սալոնիկցի հրեաների ընտանիքում։ Նրա մայրենի լեզուն լադինոն է։ Նրա հայրը ԱՄՆ է գաղթել 1935 թվականին, իսկ ընտանիքի մեծ մասը զոհվել է Երկրորդ համաշխարհային պատերազմի ժամանակ հրեաների ցեղասպանության հետևանքով։

Սկսել է դաշնամուր նվագել չորս տարեկանից, բայց համակարգված պարապմունքները սկսել է միայն 15 տարեկանում։ 17 տարեկան հասակում ընդունվել է Մաննեսի քոլեջ, որտեղ սովորել է Մեչիսլավ Հորշովսկու մոտ։ Պերայան նաև սովորել է Մարլբորոյի երաժշտական ամառային դպրոցում, Ռուդոլֆ Սյորկինի մոտ։ 1972 թվականին Պերայան հաղթել է Լիդսի դաշնամուրի միջազգային մրցույթում, և նրա հաղթանակն այնքան կանխատեսելի էր, որ ամերիկյան մյուս դաշնակահարները, իմանալով նրա մասնակցության մասին, հետ են վերցրել իրենց հայտերը։ Այդ ժամանակվանից սկսվել է Պերայի փայլուն կարիերան։ Հաջորդ տարի նա արդեն մասնակցել է դասական երաժշտության Օլդբորի փառատոնին, որն անցկացրել են Բենջամեն Բրիտտենը և Փիթեր Փիրսը (հետագայում՝ 1981-1989 թվականներին, Պերայան այս փառատոնի գեղարվեստական ղեկավարներից մեկն է եղել)։ 1975 թվականին Մյուրեյ Պերայան (թավջութակահար Լինն Հարելի հետ) դարձել է նորաբաց մրցանակի առաջին դափնեկիր Էվերի Ֆիշերի՝ ամերիկյան ակադեմիական երաժշտության մեջ ունեցած մեծ ավանդի համար։

Պերայայի սկավառակագրությունում գերակշռում են Մոցարտի, Բախի, Բեթհովենի, Շոպենի, Շումանի, Բրամսի գործերը։ Հատուկ ճանաչում է ձեռք բերել նրա կողմից դաշնամուրի և նվագախմբի համար նախատեսված Մոցարտի բոլոր համերգների ձայնագրությունը, որտեղ Պերայան ոչ միայն մենակատար է եկել, այլ նաև ղեկավարել է անգլիական կամերային նվագախումբը։ Բացի իր մենակատարական գործունեությունից, Պերայան նաև սիրով նվագել է նվագախմբում, մասնավորապես՝ Գվարների քառյակի և Բուդապեշտի քառյակի հետ։

Պերայայն երեք անգամ արժանացել է Գրեմմի մրցանակի. երկու անգամ «Լավագույն գործիքային սոլո» անվանակարգում (1999 թվականին Բախի «անգլիական սյուիտներ» և 2003 թվականին էտյուդա Շոպենի էտյուդներ) և մեկ անգամ «լավագույն կամերային անսամբլ» անվանակարգում (Բելա Բարտոկի՝ Սոնատ երկու դաշնամուրի և հարվածային գործիքների համար (1989), այս դեպքում հանդես է եկել որպես դաշնակահար՝ պերկուսիոնիստներ Էվելին Գլեննիի և Դեյվիդ Կորկհիլի և հայտնի դիրիժոր Գեորգ Շոլթիի հետ)։ Ներկայացվել է Gramophone ամսագրի Փառքի սրահում^[9]։ Օքսֆորդի երաժշտության պատվավոր դոկտոր է (2013 թվական)^[10]։

2016 թվականին, Sony/Columbia/CBS Records-ում 43 տարի աշխատելուց հետո, Պերայան նոր բացառիկ պայմանագիր է կնքել գերմանական Deutsche Grammophon դասական երաժշտության ձայնագրման կազմկակերպության հետ, որտեղ նա առաջին անգամ ձայնագրել է Բախի «Ֆրանսիական սյուիտներ» (French Suites) ալբոմը, որի համար 2017 թվականին ընկերության կողմից արժանացել է գործիքավորման մրցանակի^[11]։

Եղբայրը՝ Հենրի Պերայան (անգլ.՝ Herny Perahia), 1999 թվականից ղեկավարում է Նյու Յորք նահանգի փոխադրումների դեպարտամենտի կամուրջների բաժինը^[12]։

Ծանոթագրություններ

↑ ^1,0 ^1,1 Encyclopædia Britannica
↑ ^2,0 ^2,1 Բրոքհաուզի հանրագիտարան (գերմ.)
↑ ^3,0 ^3,1 Munzinger Personen (գերմ.)
↑ ^4,0 ^4,1 ^4,2 Deutsche Nationalbibliothek Record #124218296 // Gemeinsame Normdatei (գերմ.) — 2012—2016.
↑ https://www.ram.ac.uk/about-us/about-the-academy/the-bach-prize
↑ https://www.rcm.ac.uk/about/historyofthercm/honoursandfellowships/NEW%20Honorary%20Doctorate%20List%20(2019).pdf
↑ Benjamin Ivry «Murray Perahia: An Eternal Sephardic Jewish Recital»
↑ Noam Ben-Zeev «Expanding the Love of Music»
↑ «Gramophone Hall of Fame» (անգլերեն). Gramophone. Վերցված է 2016 թ․ հունվարի 2-ին.
↑ Encaenia and Honorary degrees 2013 | University of Oxford
↑ «IMG Artists Congratulates Our Gramophone Award Winners – Vasily Petrenko, Murray Perahia and Dame Kiri Te Kanawa». www.classicalmusicartists.com. Վերցված է 2020 թ․ հոկտեմբերի 6-ին.
↑ «The White House: Henry Perahia». Արխիվացված է օրիգինալից 2016 թ․ նոյեմբերի 9-ին. Վերցված է 2015 թ․ հոկտեմբերի 30-ին.

Արտաքին հղումներ

Պաշտոնական կայք (անգլ.)
Հարցազրույց Մոսկվայի երաժշտական լրատուին (ռուս.)

Վիքիպահեստն ունի նյութեր, որոնք վերաբերում են «Մյուրեյ Պերայա» հոդվածին։

[_4b5e422418e6828d-1] 1,0 ^1,1 Encyclopædia Britannica

[_c601e2700cd7c7e1-2] 2,0 ^2,1 Բրոքհաուզի հանրագիտարան (գերմ.)

[_e4bb464a88df9587-3] 3,0 ^3,1 Munzinger Personen (գերմ.)

[_bae3a1676d144f83-4] 4,0 ^4,1 ^4,2 Deutsche Nationalbibliothek Record #124218296 // Gemeinsame Normdatei (գերմ.) — 2012—2016.

[_83a6e24913e2c23f-5] ttps://www.ram.ac.uk/about-us/about-the-academy/the-bach-prize

[_386d5697bb65a653-6] ttps://www.rcm.ac.uk/about/historyofthercm/honoursandfellowships/NEW%20Honorary%20Doctorate%20List%20(2019).pdf

[7] Benjamin Ivry «Murray Perahia: An Eternal Sephardic Jewish Recital»

[8] Noam Ben-Zeev «Expanding the Love of Music»

[9] «Gramophone Hall of Fame» (անգլերեն). Gramophone. Վերցված է 2016 թ․ հունվարի 2-ին.

[10] Encaenia and Honorary degrees 2013 | University of Oxford

[11] «IMG Artists Congratulates Our Gramophone Award Winners – Vasily Petrenko, Murray Perahia and Dame Kiri Te Kanawa». www.classicalmusicartists.com. Վերցված է 2020 թ․ հոկտեմբերի 6-ին.

[12] «The White House: Henry Perahia». Արխիվացված է օրիգինալից 2016 թ․ նոյեմբերի 9-ին. Վերցված է 2015 թ․ հոկտեմբերի 30-ին.

[7]

[8]

[1]

[2]

[3]

[4]

[5]

[6]

[9]

[10]

[11]

[12]