Միքայել Միքայելյան (դահուկորդ)

Միքայել Միքայելյան
Անձնական տեղեկություն
Սեռ՝	արական
Մասնագիտացում՝	դահուկորդ
Երկիր՝	Հայաստան
Ծննդյան ամսաթիվ՝	հուլիսի 10, 1999 (24 տարեկան)
Ծննդավայր՝	Աշոցք, Շիրակի մարզ, Հայաստան

Անվան այլ կիրառումների համար տե՛ս՝ Միքայել Միքայելյան (այլ կիրառումներ)

Միքայել Արթուրի Միքայելյան (հուլիսի 10, 1999(1999-07-10), Աշոցք, Շիրակի մարզ, Հայաստան), հայ դահուկորդ։ Հայաստանի բազմակի չեմպիոն։ 2018 և 2022 թվականների Ձմեռային օլիմպիական խաղերի մասնակից։

Կարիերա խմբագրել

Միքայել Միքայելյանը նորամուտը միջազգային ասպարեզում նշել է 2015 թվականին Ֆալունում կայացած դահուկային սպորտի աշխարհի առաջնությունում։ Այնտեղ նա 95-րդ տեղն է զբաղեցրել արագավազքում^[1]։

Հաջորդ տարի նա մասնակցել է Լիլեհամերի ձմեռային պատանեկան օլիմպիական խաղերին, որտեղ 35-րդ տեղն է զբաղեցրել արագավազքում, 28-րդը՝ արգելարշավում և 26-րդ հորիզոնականը՝ 10 կմ ազատ ոճի դահուկավազքում^[1]։

Էրզրումում 2017 թվականի Եվրոպական օլիմպիական ձմեռային երիտասարդական փառատոնում նա զբաղեցրել է 30-րդ տեղը արագավազքում, 25-րդը՝ 7,5 կմ դասական ոճի վազքում և 15-րդը՝ 10 կմ ազատ ոճի վազքում^[1]։

2017 թվականի փետրվարին Լահտիում կայացած դահուկային սպորտի աշխարհի առաջնությունում նա կրկին զբաղեցրել է 95-րդ տեղը արագավազքում^[1]։

2018 թվականի հունվարին Աշոցքում Միքայելյանը դարձել է 10 կմ արագավազքի Հայաստանի չեմպիոն, իսկ Գոմսում կայացած դահուկավազքի աշխարհի պատանեկան առաջնությունում արագավազքում զբաղեցրել է 51-րդ տեղը, 33-րդ տեղը՝ 10 կմ դասական ոճի վազքում և 23-րդ տեղը՝ սկիաթլոնում^[1]։

Փհենչհանում կայացած 2018 թվականի ձմեռային օլիմպիական խաղերում նա զբաղեցրել է 83-րդ տեղը 15 կմ ազատ ոճի վազքում և 72-րդ տեղը արագավազքում^[1]։

2018/19 մրցաշրջանում Լահտիում կայացած դահուկային սպորտի պատանիների աշխարհի առաջնությունում նա զբաղեցրել է 40-րդ տեղը 10 կմ ազատ ոճի վազքում և 37-րդ տեղը՝ 30 կմ զանգվածային մեկնարկով վազքում, իսկ Տիրոլի Զեեֆելդում կայացած դահուկային սպորտի աշխարհի առաջնությունում 15 կմ դասական ոճի վազքում վերջնագիծը հատել է 74-րդը^[1]։

Կրասնոյարսկում կայացած 2019 թվականի ձմեռային ունիվերսիադայում նրա լավագույն արդյունքը 11-րդն էր արագավազքում^[1]։

Միքայելյանը Հայաստանի չեմպիոն է դարձել նաև 2019 և 2020 թվականներին 10 կմ ազատ ոճի և 10 կմ դասական ոճի վազքում և 2020 թվականին՝ արագավազքում^[1]։

Նորամուտն Աշխարհի գավաթում Միքայելը նշել է 2019 թվականի նոյեմբերին Ռուկա Տրիպլեում, որտեղ նա զբաղեցրել է 73-րդ տեղը^[1]։

2020/21 մրցաշրջանում նա 51-րդ տեղն է զբաղեցրել 2021 թվականի մինչև 23 տարեկանների աշխարհի առաջնությունում, որը կայացել է Վուոկատտիում, ինչպես նաև 8-րդ տեղը 15 կմ ազատ ոճի վազքում և 59-րդ տեղը սկիաթլոնում՝ 2021 թվականին Օբերստդորֆում կայացած դահուկային սպորտի աշխարհի առաջնությունում և 47-րդ տեղը՝ 15 կմ ազատ ոճի վազքում^[1]։

Պեկինի 2022 թվականի ձմեռային օլիմպիադայում Միքայելը մասնակցել է սկիաթլոնի (15+15 կմ, 47-րդ տեղ), ինչպես նաև 15 կմ դասական ոճի վազքի (61-րդ տեղ) մրցումներին^[1]։

Ընտանիք խմբագրել

Հայր՝ Արթուր Միքայելյան, դահուկորդ
Մայր՝ Ալլա Միքայելյան (Կապչիկաևա) (19.12.1969), խորհրդային և հայ դահուկորդ։ ԽՍՀՄ մրցաշարի հաղթող, 1998 թվականի Նագանոյի ձմեռային օլիմպիական խաղերի մասնակից^[2]։
Եղբայր՝ Սերգեյ Միքայելյան, դահուկորդ

Ծանոթագրություններ խմբագրել

↑ ^1,00 ^1,01 ^1,02 ^1,03 ^1,04 ^1,05 ^1,06 ^1,07 ^1,08 ^1,09 ^1,10 ^1,11 «MIKAYELYAN Mikayel - Athlete Information». www.fis-ski.com. Վերցված է 2022 թ․ փետրվարի 11-ին.
↑ «Профиль Аллы Микаелян на сайте Sports-reference.com(անգլ.)». Արխիվացված է օրիգինալից 2012 թ․ օգոստոսի 29-ին. Վերցված է 2018 թ․ փետրվարի 14-ին. Профиль Аллы Микаелян на сайте Sports-reference.com(անգլ.)

Արտաքին հղումներ խմբագրել

Վիքիպահեստն ունի նյութեր, որոնք վերաբերում են «Միքայել Միքայելյան (դահուկորդ)» հոդվածին։

[:0-1] 1,00 ^1,01 ^1,02 ^1,03 ^1,04 ^1,05 ^1,06 ^1,07 ^1,08 ^1,09 ^1,10 ^1,11 «MIKAYELYAN Mikayel - Athlete Information». www.fis-ski.com. Վերցված է 2022 թ․ փետրվարի 11-ին.

[2] «Профиль Аллы Микаелян на сайте Sports-reference.com(անգլ.)». Արխիվացված է օրիգինալից 2012 թ․ օգոստոսի 29-ին. Վերցված է 2018 թ․ փետրվարի 14-ին. Профиль Аллы Микаелян на сайте Sports-reference.com(անգլ.)

[1]

[2]