Միրոսլավ Վալեկ
Միրոսլավ Վալեկ (սլովակ.՝ Miroslav Válek, հուլիսի 17, 1927[1][2][3], Տրնավա, Չեխոսլովակիայի առաջին հանրապետություն - հունվարի 27, 1991[1][2][3], Բրատիսլավա, Սլովակիայի Սոցիալիստական Հանրապետություն, Չեխոսլովակիայի Սոցիալիստական Հանրապետություն), սլովակ բանաստեղծ, թարգմանիչ, հրապարակախոս և քաղաքական գործիչ։ Սլովակիայի Սոցիալիստական Հանրապետության մշակույթի նախարար։
| Միրոսլավ Վալեկ սլովակ.՝ Miroslav Válek | |
|---|---|
.png) | |
| Ծնվել է | հուլիսի 17, 1927[1][2][3] |
| Ծննդավայր | Տրնավա, Չեխոսլովակիայի առաջին հանրապետություն |
| Մահացել է | հունվարի 27, 1991[1][2][3] (63 տարեկան) |
| Մահվան վայր | Բրատիսլավա, Սլովակիայի Սոցիալիստական Հանրապետություն, Չեխոսլովակիայի Սոցիալիստական Հանրապետություն |
| Քաղաքացիություն |  Չեխոսլովակիա |
| Մասնագիտություն | բանաստեղծ, քաղաքական գործիչ, գրող և թարգմանիչ |
| Զբաղեցրած պաշտոններ | Չեխոսլովակիայի Դաշնային ժողովի անդամ |
| Կուսակցություն | Սլովակիայի Կոմունիստական կուսակցության և Չեխոսլովակիայի կոմունիստական կուսակցություն |
| Պարգևներ և մրցանակներ | |
| Երեխաներ | Միրոսլավա Վալլովա |
Ստորագրություն | |
 Miroslav Válek Վիքիպահեստում | |
Կենսագրություն խմբագրել
Ծնվել է սպառողական կոոպերատիվի աշխատակից Յան Վալեկի (1895-1972) և Ժոզեֆինա Վալեկի (ծննդ. անունը` Ստանեկովա, 1900-1970) ընտանիքում, ունեցել է երկու քույր` Մարիա Վալեկ (1925-2004) և Եվա Վալեկ (ծնվ. 1935):
1933-1939 թվականներին սովորել է տարրական դպրոցում։ 1939-1942 թվականներին Յանա Հոլլեի վարժարանում, որից հետո անցել է Բիզնեսի ակադեմիայի 5-րդ դասարան, որն ավարտել է 1947 թվականին։ 1947-1949 թվականներին սովորել է Բրատիսլավայի տնտեսագիտական համալսարանում, որը չի կարողացել ավարտել առողջական վիճակի պատճառով. հիվանդ էր տուբերկուլոզով։
1949 թվականից եղել է մի շարք ամսագրերի խմբագիր, մասնավորապես` 1962-1966 թվականներին` «Mladá tvorba» ամսագրի գլխավոր խմբագիր, 1966-1967 թվականներին` իր հիմնադրած «Romboid» ամսագրի գլխավոր խմբագիր։ 1967-1968 թվականներին եղել է Սլովակիայի գրողների միության նախագահ։
1962 թվականին անդամակցել է Չեխոսլովակիայի Կոմունիստական կուսակցությանը։ 1969-1988 թվականներին եղել է մշակույթի նախարար, ինչպես նաև կենտրոնական կոմիտեի և Սլովակիայի Կոմունիստական կուսակցության կենտրոնական կոմիտեի նախագահության անդամ:1971-1976 թվականներին եղել է Դաշնային ժողովի ժողովուրդների պալատի անդամ։ 1976-1989 թվականներին եղել է Սլովակիայի Ազգային խորհրդի անդամ։
Ընտանիք խմբագրել
- Առաջին կինը (1951-1959)` ուսուցչուհի Մարիաննա Միխալկովիչը (1932-1959)` բանաստեղծ Յուզեֆ Միխալկովիչի քույրը։
- Աղջիկը` Միրոսլավա Վալեկ (ծնվ. 1952):
- Երկրորդ կինը (1961-1975)` գրականագետ Զորա Զորինը (1933-1977)` խորհրդային դիվանագետ Վալերիան Զորինի դուստրը։
- Խորթ տղա` Անդրեյ Զորին (ծնվ. 1957)[4].
- Երրորդ կինը (1975 թվականից)` փաստաբան Կատարինա Ռուժիչկովան (ծնվ.1944):
Մատենագիտություն խմբագրել
Պոեզիա խմբագրել
- 1959. «Dotyky» («Հպում»)
- 1961. «Príťažlivosť» («Ձգողություն»)
- 1963. «Nepokoj» («Անկարգություններ»)
- 1965. «Milovanie v husej koži» («Մարմնով սարսուռ անցնելը»)
- 1973. «Súvislosti» («Համատեքստեր»)
- 1976. «Slovo» («Բառը»)
- 1977. «Z vody» («Ջրից»)
- 1977. «Zakázaná láska» («Արգելված սեր»)
- 1983. «Básne» («Բանաստեղծություններ», լիակատար հրատարակություն)
Ճանաչում խմբագրել
- 1966. Կլեմենտ Գոտվալդի անվան պետական մրցանակ։
- 1972. «Կառուցման վաստակի համար» շքանշան։
- 1973. Ֆրանյա Կրալի մրցանակ` երեխաների և երիտասարդների համար ստեղծագործելու համար։
- 1974. Խորհրդային բանակի կողմից Չեխոսլովակիայի Սոցիալիստական Հանրապետության ազատագրման 30-ամյակի հուշամեդալ։
- 1975. վաստակավոր նկարիչ։
- 1977. ժողովրդական նկարիչ։
- 1977. Աշխատանքի շքանշան։
- 1982. Վալեկի 55-ամյակին նվիրված Սլովակիայի գրողների Լացո Նովոմեսկու անվան ասոցիացիայի մեդալ։
- 1987. Վալեկի 60-ամյակին նվիրված Փետրվարի հաղթանակի խորհուրդը։
- 2019. Տրնավա քաղաքի պատվավոր քաղաքացի։
Ծանոթագրություններ խմբագրել
- ↑ 1,0 1,1 1,2 1,3 1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.
- ↑ 2,0 2,1 2,2 2,3 2,4 Բրոքհաուզի հանրագիտարան (գերմ.)
- ↑ 3,0 3,1 3,2 3,3 3,4 Կերպարվեստի արխիվ — 2003.
- ↑ Karásek J. (27.02.2016). «Válek v HN magazíne: komunistický politik, ktorého ženy spáchali samovraždu». HNstyle.
Արտաքին հղումներ խմբագրել
- Mikula V. Kalendárium života a diela Miroslava Válka // Miroslav Válek. Básnické dielo. — Bratislava: Kalligram & Ústav slovenskej literatúry SAV, 2005. — С. 529–532.
 | Վիքիպահեստն ունի նյութեր, որոնք վերաբերում են «Միրոսլավ Վալեկ» հոդվածին։ |