Միցիո Կակու
Միցիո Կակու (ճապ.՝ 加來 道雄, անգլ.՝ Michio Kaku, հունվարի 24, 1947[1][2][3][…], Սան Խոսե, Կալիֆոռնիա[9]), ճապոնական ծագմամբ ամերիկացի գիտնական, տեսական ֆիզիկայի ոլորտի փորձագետ։ Հայտնի է որպես գիտությունը մասսայականացնող անձ, հեղինակ է գիտահանրամատչելի մի շարք գրքերի։
Միցիո Կակու անգլ.՝ Michio Kaku | |
|---|---|
 | |
| Ծնվել է | հունվարի 24, 1947[1][2][3][…] (77 տարեկան) Սան Խոսե, Կալիֆոռնիա |
| Բնակության վայր(եր) | Նյու Յորք |
| Քաղաքացիություն |  ԱՄՆ |
| Մասնագիտություն | ֆիզիկոս-տեսաբան, գիտական գրող, գիտության մասսայականացնող, ապագայաբան, համալսարանի դասախոս, ոչ գեղարվեստական գրող, ռադիոհաղորդավար, ֆիզիկոս, հեռուստատեսային դեմք և popular science author |
| Հաստատություն(ներ) | Փրինսթոնի համալսարան, Նյու Յորքի քաղաքային համալսարան և Նյու Յորք քաղաքի քոլեջ[4] |
| Գործունեության ոլորտ | ֆիզիկա և աստղագիտություն |
| Անդամակցություն | Ամերիկյան ֆիզիկական ընկերություն[5] |
| Ալմա մատեր | Հարվարդի համալսարան, Կալիֆոռնիայի համալսարան, Բերքլի և Ellwood P. Cubberley High School? |
| Գիտական աստիճան | ֆիզիկամաթեմատիկական գիտությունների դոկտոր |
| Տիրապետում է լեզուներին | անգլերեն[6][7] և ճապոներեն |
| Գիտական ղեկավար | Ստենլի Մանդելստամ[8] |
| Պարգևներ | |
| Կայք | mkaku.org |
 Michio Kaku Վիքիպահեստում | |
Կենսագրություն խմբագրել
Միցիոն ծնվել է 1947 թվականի հունվարի 24-ին ԱՄՆ-ի Կալիֆոռնիա նահանգի Սան Խոսե քաղաքում[10]։ Նրա նախնիները եղել են ճապոնացի էմիգրանտներ։ Նրա պապը եկել է Ամերիկա, որպեսզի մասնակցի 1906 թվականին Սան Ֆրանցիսկոյում տեղի ունեցած երկրաշարժի հետևանքների վերացման աշխատանքներին։ Միցիոյի հայրը ծնվել է Կալիֆոռնիայում, սակայն կրթվել է Ճապոնիայում և փոքրիշատե կարողանում է խոսել անգլերեն։ Երկրորդ համաշխարհային պատերազմի ժամանակ նրա ծնողներն ուղարկվել էին ճապոնացիների համար նախատեսված ռազմական ճամբար, որտեղ և նրանք հանդիպել էին, և որտեղ ծնվել էր Միցիո Կակուի եղբայրը։
Կակուն 1960-ական թվականներին սովորել է Պալո-Ալտոյի Քիբբերի միջին դպրոցում և եղել է դպրոցի շախմատի թիմի ավագը։ «Ապագայի ֆիզիկա» գրքում Միցիո Կակուն գրում է իր դպրոցական տարիների մասին.
|
Ես որոշել էի կառուցել ատոմների բախման համար հարմարանք, և խնդրել էի մայրիկիս՝ թույլ տալ ավտոտնակում կանգնեցնել մասնիկների արագացուցիչ՝ 2-3 միլիոն էլեկտրոնվոլտ ուժգնությամբ։ Նա մի քիչ զարմացավ, բայց թույլ տվեց։ Դրանից հետո ես դիմեցի Westinghouse և Varian Associates կազմակերպություններին, ձեռք բերեցի 400 փութ տրանֆորմատորային պողպատ և 22 մղոն պղնձե մետաղալար և մայրիկի ավտոտնակում հավաքեցի բավական լավ արագացուցիչ-բետատրոն։ Ավելի շուտ ես լիցքավորել էի Վիլսոնի խցիկը ուժեղ մագնիսական դաշտով՝ որոշ ժամանակ նկարահանելով հակամասնիկներին հետագծերը։ Բայց սա ինձ բավարար չէր։ Ես նոր նպատակ դրեցի իմ առջև՝ ստանալ հակամասնիկների փունջ։ Մեքենան օգտագործում էր 6 կվոլտ էլեկտրաէներգիա՝ խլելով տան ամբողջ էլեկտրաէներգիան։ / հավանաբար, մայրիկս մեկ անգամ չէ, որ փոշմանել է, որ իր տղան ֆուտբոլիստ չի ծնվել։ | 
|
ԱՄՆ-ի Նյու Մեքսիկո նահանգի Ալբուկերկե քաղաքում անցկացվող ազգային գիտությունների տանավաճառի ժամանակ նա իր վրա է հրավիրում ֆիզիկոս Էդվարդ Թելլերի ուշադրությունը, ով իր հովանավորության տակ է վերցնում Կակուին՝ տալով նրան «Հերց» ֆոնդից կրթաթոշակ։
Կակուն առաջինն էր, ով 1968 թվականին գերազանցությամբ ավարտել է Հարվարդի համալսարանի բակալավրի աստիճան ֆիզիկայի բնագավառում։ Այնուհետև նա ընդունվել է Բերկլի Կալիֆոռնիայի համալսարանի ռադիացիայի լաբորատորիա, որտեղ և 1972 թվականին ստացել է փիլիսոփայության դոկտորի աստիճան (Ph.D)։ Իսկ արդեն 1973 թվականին նա դառնում է Փրինսթոնի համալսարանի դասախոսներից մեկը։
Վիետնամի պատերազմի ժամանակ Կակուն Ջորջիայում ավարտում է բազային նախապատրաստումը, և հետևազորային մարզումները Վաշինգտոնում։ Պատերազմը վերջացել էր մինչև նրա՝ ռազմաճակատում հայտնվելը։
Ամուսնացած է Սուձուե Կակուի հետ։ Ունի երկու աղջիկ։ Ներկայումս ընտանիքի հետ ապրում է Նյու Յորքում։
Գործունեություն խմբագրել
Ներկայում Կակուն աշխատում է Նյու Յորքի քաղաքային քոլեջում որպես ուսուցիչ։ Այնտեղ նա դասավանդել է շուրջ 25 տարի։
Միցիո Կակու, տեսական ֆիզիկայի ակտիվ մասսայականացնող և ժամանակակից տիեզերքի կառուցվածքի մասին կոնցեպցիայի հեղինակ է, հեղինակ է գիտահանրամատչելի մի շարք գրքերի, որի հիմնական նպատակն է փորձ փոխանցել համալիր գիտական տեսությանը, ցանկացած ընթերցողի մատչելի լեզվով։ Կակուն հաճախ էր ելույթ ունենում ռադիոյով և հեռուստատեսությամբ, նկարահանվում է փաստագրական ֆիլմերում։ Օրինակ՝ որպես հեռուստահաղորդավար հանդես է գալիս Discovery հեռուստաալիքի How the Universe works և Sci Fi հաղորդումներում։ Այդ ֆիլմերից մի քանիսը նույնիսկ թարգմանվել են բազմաթիվ լեզուներով։
Այդ թվում նաև վարում է Նյու Յորքի կոնֆերանսներից մի քանիսը։
Հետաքրքրություններ խմբագրել
Միցիո Կակուն հետաքրքրվում էր նաև աստղագիտությամբ։ Համարվում է մի շարք տիեզերքի վերաբերյալ վավերագրական ֆիլմերի հսկիչ։
Մատենագրություն խմբագրել
- Ապագայի ֆիզիկան
- Beyond Einstein: The Cosmic Quest for the Theory of the Universe (with Jennifer Thompson) (1987)
- Hyperspace: A Scientific Odyssey through Parallel Universes, Time Warps, and the Tenth Dimension (1994)
- Visions: How Science Will Revolutionize the 21st Century (1997)
- Einstein's Cosmos: How Albert Einstein's Vision Transformed Our Understanding of Space and Time (2004)
- Parallel Worlds: A Journey through Creation, Higher Dimensions, and the Future of the Cosmos (2004)
- Physics of the Impossible: A Scientific Exploration into the World of Phasers, Force Fields, Teleportation, and Time Travel (2008)
- The Future of the Mind: The Scientific Quest to Understand, Enhance, and Empower the Mind (2014)
- The Future of Humanity: Terraforming Mars, Interstellar Travel, Immortality, and Our Destiny Beyond Earth (2018) 978-0525589532
- The God Equation: The Quest for a Theory of Everything (2021) 978-0385542746
Ծանոթագրություններ խմբագրել
- ↑ 1,0 1,1 Internet Movie Database — 1990.
- ↑ 2,0 2,1 Internet Speculative Fiction Database — 1995.
- ↑ 3,0 3,1 Discogs — 2000.
- ↑ https://www.theguardian.com/science/2021/apr/03/string-theory-michio-kaku-aliens-god-equation-large-hadron-collider
- ↑ Notable Names Database — 2002.
- ↑ Bibliothèque nationale de France data.bnf.fr (ֆր.): տվյալների բաց շտեմարան — 2011.
- ↑ CONOR.Sl
- ↑ https://www.dailycal.org/2016/07/05/retired-uc-berkeley-physics-professor-dies-87/
- ↑ Internet Movie Database
- ↑ Michio Kaku - Time: 3 - Earthtime, BBC MMIV