Միխայիլ Պարուսնիկով

Միխայիլ Պավլովիչ Պարուսնիկով (ռուս.՝ Михаил Павлович Па́русников, նոյեմբերի 12, 1893(1893-11-12), Մոսկվա, Ռուսական կայսրություն - փետրվարի 2, 1968(1968-02-02), Մոսկվա, ԽՍՀՄ), խորհրդային ճարտարապետ, ԽՍՀՄ ՃԱ իսկական անդամ (1950), ԲԽՍՀ ԳԱ ակադեմիկոս (1950, թղթակից-անդամ 1947): Մանկավարժ, պրոֆեսոր (1948), Բելառուսական ԽՍՀ Պետական մրցանակի դափնեկիր (1968):

Միխայիլ Պարուսնիկով
Ծնվել է	նոյեմբերի 12, 1893(1893-11-12)
Ծննդավայր	Մոսկվա, Ռուսական կայսրություն
Մահացել է	փետրվարի 2, 1968(1968-02-02) (74 տարեկան)
Վախճանի վայր	Մոսկվա, ԽՍՀՄ
Կրթություն	Մոսկվայի նկարչության, քանդակագործության և ճարտարապետության ուսումնարան (1918) և Վխուտեմաս (1924)
Աշխատավայր	Մոսկվայի ճարտարապետության ինստիտուտ
Պարգևներ	և
Mikhail Parusnikov Վիքիպահեստում

Կենսագրություն

1913 թվականից մինչև 1918 թվականը սովորել է Մոսկվայի նկարչության, քանդակագործության և ճարտարապետության ուսումնարանում (նրա հայրը եղել է հարևան եկեղեցու վանահայրը), այնուհետև, մինչև 1924 թվականը՝ Վխուտեմասում, աշակերտել է Ստանիսլավ Նոակովսկուն և Իվան Ժոլտովսկուն։ 1924 թվականից աշխատել է Մոսկվայի ճարտարապետ-նախագծային կազմակերպություններում, միաժամանակ՝ դասավանդել է (1934-1941 թվականներին, 1948 թվականից՝ պրոֆեսոր) Մոսկվայի ճարտարապետության ինստիտուտում։

Պարուսնիկովը եղել է իմ խմբի մանկավարժներից։<…> երեսնականների սկզբից առաջիններից մեկն էր, որ հրաժարվեց կոնստրուկտիվիզմից։ Եվ նահանջեց դեպի շարժման հակառակորդների ճամբար՝ «Ժոլտովսկու դպրոցի», ըստ կոնստրուկտիվիստների՝ «ռետրոգրադա»։ Այնուհետև հայտնի դարձավ որպես ՊԱԿ-ի Մինսկի շտաբ-բնակարանի գլխավոր ճարտարապետ, ինչի համար պարգևատրվել է Ստալինյան մրցանակով»։

Միխայիլ Պարուսնիկովի գերեզմանը Նովոդևիչյան գերեզմանատանը

1941-1944 թվականներին եղել է ԽՍՀՄ ճարտարապետական Ակադեմիայի ավագ գիտաշխատող, 1944-1948 թվականներին՝ ԽՍՀՄ Ճարտարապետական Կոմիտեի ճարտարապետա-նախագծային արհեստանոցների ղեկավար։ ԽՍՀՄ բազմաթիվ քաղաքների համար մշակել է բնակելի և հասարակական շենքերի նախագծեր և նոր տիպի գյուղական բնակավայրերի հատակագծման ու կառուցապատման հիմնական սկզբունքներ ու նախագծեր։

Հրատարակել է ճարտարապետության տեսության և պատմության վերաբերյալ մի շարք աշխատանքներ, այդ թվում՝ «Բնակելի տների ամբողջական սերիական նախագծման սկզբունքների մասին» (ԽՍՀՄ ճարտարապետություն։ 1953 թվական № 12) և «Միջին հարկայնության տիպային շենքերի նախագծման փորձի մասին» (ԽՍՀՄ ճարտարապետություն։ 1955 թ. № 2):

Մահացել է 1968 թվականին, Մոսկվայում։ Թաղված է Մոսկվայում Նովոդևիչյան գերոզմանատանը։

Նախագծեր

• Աստրախանի նախագծման և կառուցապատման ծրագրի հեղինակ (1930)
• Մեքենաշինության տաղավար և լսարան, Մոսկվայի Համառուսաստանյան գյուղատնտեսական և տնայնագործական արդյունաբերության ցուցահանդեսում (1923)
• Մի շարք բնակելի տներ Մոսկվայի Խաղաղության պողոտայում (1936)
• «Կամարով տուն» Յարոսլավլում, այդ թվում շենք Կարմիր հրապարակում (1936)
• Հայրենական Մեծ պատերազմից հետո եղել է Մինսկի կառուցապատման նախագծի հեղինակներից մեկը
  • Բելառուսի ՊԱԿ-ի վարչական շենքը (1945-1947), առաջին շենքը քաղաքի գլխավոր փողոցում
  • Բելառուսի ԽՍՀ Պետական բանկ (1950)
  • Մասնակցել է կենտրոնի և Լենինի պողոտայի (այժմ՝ Անկախության պողոտա) առաջին հերթի և Հոկտեմբերյան հրապարակի նախագծման ու կառուցապատման ծրագրի մշակմանը
  • Լենինի պողոտայի համալիր (համահեղինակների խմբի հետ կառուցապատվել է 1940 թվականի երկրորդ կեսից մինչև 1960-ական թվականները)
  • Բնակելի շենք և կամուրջ Սվիսլոչ գետի վրա
  • «Դինամո» սպորտային համալիր (բոլորը՝ 1946-1954 թվականներ, համահեղինակությամբ)

• 
  Մինսկի Ազգային անվտանգության շենքը
• 
  Բելառուսի ազգային բանկի շենքը
• 
  Կամուրջ Սվիսլոչ գետի վրա
• 
  Կամարով տուն Կարմիր հրապարակում

Պարգևներ և մրցանակներ

• Լենինի շքանշան
• Աշխատանքային կարմիր դրոշի շքանշան
• «Հայրենական մեծ պատերազմի ժամանակ Անձնվեր աշխատանքի համար» մեդալ
• ԽՍՀՄ մեդալներ
• ԲԽՍՀ Պետական մրցանակ

Գրականություն

• Весцi АН БССР. Серыя фiзiка-тэхнiчных навук. 1968. № 3. (белор.)
• Окуневская Т. К. «Татьянин День» (воспоминания), Москва, Вагриус, 2005, стр. 173.

Արտաքին հղումներ

• Парусников Михаил Павлович в базе данных «История белорусской науки в лицах» Центральной научной библиотеки им. Я.Коласа НАН Беларуси

Վիքիպահեստն ունի նյութեր, որոնք վերաբերում են «Միխայիլ Պարուսնիկով» հոդվածին։