Միգել Տոռուկո Մարկես
Միգել Մարկես (իսպ.՝ Miguel Torruco Marqués, սեպտեմբերի 19, 1951, Մեխիկո, Մեքսիկայի Միացյալ Նահանգներ), մեքսիկացի ձեռնարկատեր, ակադեմիկոս, հասարակական գործիչ[1]։ 2012 թվականից զբաղեցնում է Մեքսիկայի տուրիզմի քարտուղարի պաշտոնը[2]։
| Միգել Տոռուկո Մարկես | |
|---|---|
 | |
| Ծնվել է | սեպտեմբերի 19, 1951 (72 տարեկան) |
| Ծննդավայր | Մեխիկո, Մեքսիկայի Միացյալ Նահանգներ |
| Քաղաքացիություն |  Մեքսիկայի Միացյալ Նահանգներ |
| Կրթություն | Կոռնելի համալսարան |
| Մասնագիտություն | գործարար և քաղաքական գործիչ |
| Զբաղեցրած պաշտոններ | Secretario de Turismo de la Ciudad de México? և Secretary of Tourism? |
| Կուսակցություն | Ազգային վերածննդի շարժում |
| Երեխաներ | María Elena Torruco? |
 Miguel Torruco Marqués Վիքիպահեստում | |
Կենսագրություն խմբագրել
Միգել Տոռուկո Մարկեսը ծնվել է կապիտան, դերասան Միգել Տոռուկո Կաստելյանոսի և դերասանուհի Մարիա Էլենա Մարկեսի ընտանիքում։ Սովորել է Կոռնելի համալսարանում, Ամերիկյան պետությունների կազմակերպության տուրիզմի վերապատրաստման կենտրոնում մասնագիտացել տուրիզմի մարկետինգ մասնագիտությամբ, Հանրային կրթության նախարարությունում անցել է հանրային ձեռնարկատիրության կառավարման կուրսեր։ Ավարտել է նաև Մեքսիկայի տուրիզմի դպրոցի հյուրանոցային և ռեստորանային կառավարման ֆակուլտետը և պաշտպանել գիտական թեզ «Մեքսիկական հյուրանոցների և մոթելների ընկերակցությունը որպես ոլորտի համախմբման հիմնարար գործիք» թեմայով։ Մեքսիկայի տուրիզմի ակադեմիայի պրոֆեսոր է, եղել է նաև տնօրենի տեղակալ։ 25 տարեկան հասակում հիմնել է իր սեփական «Համա-ամերիկյան հյուրանոցային դպրոցը» (HBS), որը 38 տարիների ընթացքում տվել է 17 000 տուրիզմի բնագավառի մասնագետներ։ Եղել է իր իսկ հիմնած դպրոցի ռեկտորը, ունի Հյուրընկալության, սննդի և տուրիզմի բիզնես վարչարարության աստիճան, ինչպես նաև Լատինական Ամերիկայում առաջինն է ճանաչվել Հյուրընկալության կառավարման վարպետ, եղել է Մեքսիկական հատուկ տուրիզմի ակադեմիական կենտրոնի ուսանողական ընկերակցության նախագահը, 1991 թվականին հիմնադրել է համա-ամերիկյան հյուրանոցային դպրոցների կոնֆեդերացիան։
Մասնավոր ոլորտում սկսել է բեռնակրի աշխատանքից մինչև Մեխիկոյի del Paseo հյուարանոցի փոխկառավարիչ, եղել է Առևտրաարդյունաբերական պալատի տուրիզմի ազգային կոնֆեդերացիայի փոխնախագահը։ 2000-2004 թվականներին զբաղեցրել է Հյուրանոցների և մոթելների մեքսիկական ընկերակցության ազգային նախագահի պաշտոնը, որի ընթացքում փոխկապակցված աշխատել է 60-100 միությունների հետ։
Եղել է Ազգային տուրիստական կոնֆեդերացիայի նախագահը, որը համախմբում է 160 միությունների ու կազմակերպությունների։ 2012 թվականից Մեխիկոյի քաղաքպետ Միգել Անխել Մանսերայի հրավերով զբաղեցնում է Մեխիկոյի տուրիզմի քարտուղարի պաշտոնը։
Դասավանդել է 36 երկրներում։ Արժանացել է բազմաթիվ մրցանակների։
Երկեր խմբագրել
9 գրքերի հեղինակ է։
- Manual Hosting Technology I and II, 1976;
- ASA and its Link to Tourism, 1987;
- Tour 1987 services;
- Institutional History of Tourism in Mexico, 1926-1988, 1988;
- The Tourism Industry of Hope, 1990;
- Formation of Human Resources in Tourism (the case of Mexico), 2000;
- "The Association of Hotels and Motels, 90 years after its foundation (1922-2012)".
Ծանոթագրություններ խմբագրել
- ↑ Retrato hablado: Miguel Torruco Marqués, trotamundo extremo
- ↑ «Miguel Torruco Marqués». Արխիվացված է օրիգինալից 2014 թ․ օգոստոսի 27-ին. Վերցված է 2016 թ․ փետրվարի 11-ին.
Արտաքին հղումներ խմբագրել
|
Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Միգել Տոռուկո Մարկես կատեգորիայում։ |