Մեյ Ֆեյնգոլդ
Մեյ Ֆեյնգոլդ (եբրայերեն՝ מיי פיינגולד, դեկտեմբերի 16, 1982[1], Ռիշոն Լե Ցիոն, Ռեհովոտ, Կենտրոնական մարզ, Իսրայել), իսրայելցի երգչուհի։ 2014 թվականի մայիսին Կոպենհագենում (Դանիա) անցկացված Եվրատեսիլ 2014 երգի մրցույթում ներկայացրել է Իսրայելը «Same Heart» երգով[2][3][4][5]։
| Մեյ Ֆեյնգոլդ | |
|---|---|
 | |
| Ծնվել է | դեկտեմբերի 16, 1982[1] (41 տարեկան) Ռիշոն Լե Ցիոն, Ռեհովոտ, Կենտրոնական մարզ, Իսրայել |
| Երկիր |  Իսրայել |
| Ժանրեր | սոֆթ ռոք |
| Մասնագիտություն | երգչուհի, երգերի հեղինակ, կոմպոզիտոր և թատրոնի դերասանուհի |
| Գործիքներ | վոկալ |
| Լեյբլ | Helicon? |
 Mei Feingold Վիքիպահեստում | |
Կարիերա խմբագրել
Մեյ Ֆեյնգոլդն իր երաժշտական կարիերան սկսել է դպրոցական համերգներով, ինչից հետո սկսել է վոկալի դասեր առնել (գերազանցապես դասական օպերային)։ Պատանեկան տարիքից Մեյ Ֆեյնգոլդը մասնակցել է բազմաթիվ շոուների, ներառյալ ելույթները գիշերային ակումբներում և բարերում։ Հետագայում դարձել է «Disiac» խմբի մենակատար։Խումբը ելույթ է ունեցել «Arad Festival» փառատոնում 2009 թվականին և մասնակցել իսրայելական հին հիթերի քավեր տարբերակների «Hebrew Labor» ալբոմի ստեղծմանը։
Մեյ Ֆեյնգոլդը ճանաչման է արժանացել 2009 թվականին, երբ զբաղեցրել է երրորդ տեղը «Kohav Nolad» («Աստղերի ֆաբրիկայի» իսրայելական տարբերակը) հեռուստաշոուի յոթերորդ եթերաշրջանում։ Նախագծի շրջանակներում հիմնականում ելույթ է ունեցել ռոք ոճով։ Շոուից մեկ շաբաթ անց թողարկել է իր առաջին սինգլը՝ «Lishbor Regel»։ Մեյ Ֆեյնգոլդի առաջին ալբոմը՝ «Soda Pop», վաճառքում հայտնվել է 2010 թվականի հուլիսի 23-ին։
2013 թվականին Մեյ Ֆեյնգոլդը «Եվրատեսիլ 2014» մրցույթի ազգային ընտրության փուլում ընտրվել է ընդունող հանձնաժողովի կողմից տասնվեց թեկնածուներից, որոնցից բարձր են գնահատվել Մայա Բուսկիլան ու Էլլա Դորոնը, սակայն վերջնական արդյունքում ընտրվել է Մեյ Ֆեյնգոլդը։
«Kdam 2014» նախընտրական փուլի եզրափակչում հաղթել է «Same heart» (թարգմ․՝ «Նույն սիրտը») երգը, որը գրվել է անգլերեն և եբրայերեն (տեքստի և երաժշտության հեղինակ՝ Ռամի Թալմիդ)։
Մեյ Ֆեյնգոլդը ելույթ է ունեցել «Եվրատեսիլի» երկրորդ կիսաեզրափակչի առաջին հատվածում՝ երկրորդ համարի ներքո։ Նա ստացել է 19 միավոր և զբաղեցրել 14-րդ հորիզոնականը՝ չանցնելով եզրափակիչ։
Ծանոթագրություններ խմբագրել
- ↑ 1,0 1,1 Discogs — 2000.
- ↑ «Israel: Mei Feingold officially announced as representative»
- ↑ «Mei Feingold to fly the Israeli flag in Copenhagen»
- ↑ ««Israel: Mei Finegold to Copenhagen!»». Արխիվացված է օրիգինալից 2014 թ․ հունվարի 11-ին. Վերցված է 2014 թ․ մարտի 1-ին.
- ↑ «Israel chooses „Same Heart“ for Copenhagen!»
 | Վիքիպահեստն ունի նյութեր, որոնք վերաբերում են «Մեյ Ֆեյնգոլդ» հոդվածին։ |