Մարտին Մերժանով

Մարտին Մերժանով;
Ծնվել է	նոյեմբերի 21 (դեկտեմբերի 4), 1900
Ծննդավայր	Նոր Նախիջևան, Ռուսական կայսրություն
Մահացել է	հուլիսի 18, 1974 (73 տարեկան)
Մահվան վայր	Սուխում, Վրացական ԽՍՀ, ԽՍՀՄ
Գերեզման	Հայկական գերեզմանատուն
Քաղաքացիություն	ԽՍՀՄ
Մայրենի լեզու	ռուսերեն
Մասնագիտություն	լրագրող
Պարգևներ և ; մրցանակներ	և

Մարտին Իվանովիչ Մերժանով (Մարտին Հովհաննեսի Մերջանյանց, նոյեմբերի 21 (դեկտեմբերի 4), 1900, Նոր Նախիջևան, Ռուսական կայսրություն - հուլիսի 18, 1974(1974-07-18), Սուխում, Վրացական ԽՍՀ, ԽՍՀՄ), ծագումով հայ խորհրդային մարզական լրագրող, ֆուտբոլիստ։ Որպես դարպասապահ հանդես է եկել «Ունիոն» (Կրասնոդար) թիմում^[1]։ Ճարտարապետ Միրոն Մերժանովի (1895-1975) եղբայրն է^[1]։

Կենսագրություն

Ծնվել է 1900 թվականի դեկտեմբերի 4-ին (հին տոմարով՝ նոյեմբերի 21-ին) Նոր Նախիջևանում^[1] (այժմ՝ Դոնի Ռոստովի Պրոլետարսկի շրջանի կազմում)։

Մասնակցել է Ռուսաստանի քաղաքացիական և Հայրենական մեծ պատերազմներին։

Մամուլում սկսել է աշխատել 1920-ական թվականներից։ Կազմել և խմբագրել է ռոստովյան «Սովետսկի յուգ» («Խորհրդային հարավ») թերթի ամենամսյա «Կ սպորտու» («Դեպի սպորտ») հավելվածը, ապա` ամենշաբաթյա ֆուտբոլային թերթը Կրասնոդարում։ Համագործակցել է Ռոստովի և Կրասնոդարի տարբեր թերթերի, ինչպես նաև «Լենինգրադսկայա պրավդայի», «Ռաբոչայա գազետայի», «Վոդնի տրանսպորտի», «Տրուդի» հետ^[1]։

Եղել է «Պրավդա» թերթի զինվորական թղթակիցը, 1945 թվականի մայիսին ներկա է եղել Ի. Ի. Կլիմենկոյի հրամանատարությամբ ՍՄԵՐՇ-ի 79 կորպուսի հակահետախուզության բաժնի կողմից Հիտլերի և Գեբելսի մարմինների հայտնաբերման ժամանակ։ Բաժնի վարիչ է աշխատել «Օգոնյոկ» ամսագրում^[1]։

1960-1966 թվականներին եղել է «Սովետսկի սպորտ» օրաթերթի ֆուտբոլի բաժնի խմբագիր և «Ֆուտբոլ» շաբաթաթերթի (հետագայում` «Ֆուտբոլ-հոկեյ») գլխավոր խմբագիր։ Մերժանովը դարձել է ԽՍՀՄ-ում մեծ ժողովրդականություն վայելող ֆուտբոլային հրատարակության առաջին գլխավոր խմբագիրը^[1]։

Մահացել է 1974 թվականի հուլիսի 18-ին Գուլրիպշի (Աբխազիա) ամառանոցում։ Թաղված է Մոսկվայի հայկական գերեզմանոցի 4-րդ հատվածում^[1]։

Ընտանիք

Կինը` Աննա Յակովլևնա Վայներ, դուստրը` Օլգա (ծնված 1933 թվականին), թոռը` Պավել (ծնված 1960 թվականին)։

Աշխատություններ

Մի շարք գրքերի հեղինակ է.

«Քո ավագ ընկերը» (1957)
«Հռոմի ջահերը» (1961)
«Խաղում է «Սպարտակը»» (1963)
«Ֆուտբոլային Օլիմպոս» (1967)
«Այսպես է դա եղել» (1971)
«Եվս մեկ անգամ ֆուտբոլի մասին» (1972)

Հիշատակ

1985 թվականին նրա անունով Դոնեցկի մարզի Սլովյանսկ քաղաքում անվանվել է փողոց^[1]։

Կոչումներ և պարգևներ

ՌԽՖՍՀ մշակույթի վաստակավոր գործիչ (1972)^[1]
Կարմիր աստղի և Հայրենական պատերազմի II աստիճանի շքանշանների ասպետ^[1]

Ստեղծագործություններ

Мержанов М. И. Солдат, генерал, маршал: (О Баграмяне И. Х.) / Мартын Мержанов.. — М.: Политиздат, 1974. — 128, [4] с. — (Герои Советской Родины). — 200 000 экз. (обл.)

Ծանոթագրություններ

↑ ^1,00 ^1,01 ^1,02 ^1,03 ^1,04 ^1,05 ^1,06 ^1,07 ^1,08 ^1,09 «Мержанов Мартын Иванович». Վերցված է 2017 Մայիս 14-ին.

Արտաքին հղումներ

Апсны, по-абхазски, страна души

[Мержанов_Мартын_Иванович-1] 1,00 ^1,01 ^1,02 ^1,03 ^1,04 ^1,05 ^1,06 ^1,07 ^1,08 ^1,09 «Мержанов Мартын Иванович». Վերցված է 2017 Մայիս 14-ին.

[1]