Մասնակից:Նանե Մելիքսեթյան/Ավազարկղ14

Էնիդ Յանդել (անգլ.՝ Enid Yandell, ), ամերիկացի քանդակագործ։

Կենսագրություն խմբագրել

Ծնվել է 1870 թվականի հոկտեմբերի 6-ին Լուիսվիլում (Կենտուկի), Լանսֆորդ^[1] և Լուիզ Յանդելների^[2] ընտանիքում։

Սովորել է Լուիսվիլի Հեմփթոն քոլեջում, որտեղ ստացել է արվեստի սկզբնական գիտելիքները։ Այնուհետև նա սովորել է Ցինցինատիի Արվեստի ակադեմիայում, երկու տարում ավարտելով ուսումնառության քառամյա ծրագիրը, որն ավարտել է մեդալով 1889 թվականին։ Որպես կին-քանդակագործների «Սպիտակ նապաստակներ» խմբի անդամ Էնիդ Յանդելը օգնեց Լորադո Թաֆթին նախագծել Ամերիկյան այգեգործական տաղավարը Չիկագոյի համաշխարհային ցուցահանդեսում 1893 թվականին։

1894 թվականին նա մեկնել է Փարիզ, որտեղ սովորել և աշխատել է Օգյուստ Ռոդենի և Ֆրեդերիկ Մակմոնիսի հետ։ Նա նաև աշխատել է Մոնպառնասի Վիտտի ակադեմիայի այլ քանդակագործների հետ: Հետագայում նա հաճախակի ճանապարհորդում էր Փարիզ և ցուցադրում Փարիզյան սալոնում: 1898 թվականին Էնիդ Յանդելը դարձավ Քանդակագործների ազգային ընկերության առաջին կին անդամը։

Արվեստից բացի Էնիդ Յանդելը զբաղվել է նաև հասարակական գործունեությամբ։ Նա նպաստել է ապագա նկարիչների կրթությանը՝ 1908 թվականին հիմնադրելով Մասաչուսեթսում «Branstock School» դպրոցը։ Նա նաև համագործակցել է «Appui Aux Artists» շարժման հետ՝ ի պաշտպանություն արվեստագետների: Յանդելը կանանց ընտրական իրավունքի ջատագովն էր, և քարոզարշավ էր իրականացնում նախագահ Քալվին Քուլիջի ընտրության համար: Առաջին համաշխարհային պատերազմի տարիներին մասնակցել է Կարմիր խաչի և կարմիր մահիկի միջազգային շարժմանը և աշխատել Ֆրանսիայում։ Միացյալ Նահանգներ վերադառնալուց հետո նա աշխատել է Նյու Յորքում Ամերիկյան Կարմիր Խաչի հաղորդակցության կապի տնօրեն:

Մահացել է 1934 թվականին հունիսի 13-ին Բոստոնում, Մասաչուսեթս։ Թաղված է Cave Hill Cemetery գերեզմանատանը Լուիսվիլում, Կենտուկի^[3]։ Նա ուներ 2 քույր՝ Մոդ Յանդել (1871–1962) և Էլսի Յանդել (1874–1939), և եղբայր՝ Լանսֆորդ Յանդել (1878–1927)։ Էլսին ամուսնացած էր ամերիկացի ճարտարապետ Դոն Բարբերի (1871-1925) հետ։

Աշխատանքներ խմբագրել

Էնիդ Յանդելը բազում ստեղծագործությունների հեղինակ էր։ Նրա գործերից մի քանիսը գտնվում են Կենտուկի նահանգի Լուիսվիլ քաղաքի Speed Art Museum թանգարանում։

Պանի կերպարը շատրվանի վրա
Դենիել Բունի արձանը

Տես նաև խմբագրել

Կնոջ շենք (Չիկագո)

Ծանոթագրություններ խմբագրել

Արտաքին հղումներ խմբագրել

Էնիդ Յանդելի կենսագրությունը(անգլ.)

[1] Lunsford Pitts Yandell, Jr(անգլ.)

[2] Maria Louise Elliston Yandell(անգլ.)

[3] Enid Yandell(անգլ.)

[1]

[2]

[3]