Մանտ լա Ժոլի

Մանտ լա Ժոլի ( ֆր.՝ Mantes-la-Jolie ), քաղաք և համայնք Ֆրանսիայի հյուսիսում՝ Իլ դը Ֆրանս երկրամասի Իվելին դեպարտամենտում, որի կազմի մեջ մտնող Մանտ լա Ժոլի շրջանի և նույնանուն կանտոնի վարչական կենտրոնն է։ Զբաղեցնում է 9,38 քառակուսի կիլոմետր տարածք։ 2014 թվականի տվյալներով բնակչության թվաքանակը եղել է 44 985։

Բնակավայր
Մանտ լա Ժոլի
ֆր.՝ Mantes-la-Jolie
Զինանշան
Երկիր	Ֆրանսիա
Հիմնադրված է	հունվարի 1, 1930 թ.
Մակերես	9,38 կմ²
ԲԾՄ	34 մետր
Բնակչություն	▲44 539 մարդ (հունվարի 1, 2021)
Ժամային գոտի	UTC+1 և UTC+2
Փոստային դասիչ	78200
Պաշտոնական կայք	manteslajolie.fr​(ֆր.)
Մանտ լա Ժոլի (Ֆրանսիա)
Մանտ լա Ժոլի Վիքիպահեստում

Աշխարհագրական դիրքը

Մանտ լա Ժոլին արդյունաբերական քաղաք է։ Ընկած է Փարիզից 53 կմ դեպի արևմուտք՝ Սեն գետի ձախ ափին։

Համայնքը գտնվում է քաղաքային ագլոմերացիայի կենտրոնում։ Երկրի մայրաքաղաքի՝ Փարիզի հետ կապված է ավտոմայրուղով և երկաթուղով։

Պատմություն

Մանտ անվանումը ծագել է գալլական medunta / մեդունտա բառից, որը նշանակում է կաղնի. այն պատկերված է քաղաքի զինանշանի վրա։ «La Jolie»՝ նշանակում է «գեղեցկուհի»։

Կարոլինգյան ժամանակաշրջանում Մանտը նավահանգիստ էր Սեն գետի վրա։ Նորմանդիային սահմանակից լինելով՝ այդ բնակավայրըը սեղմ ժամկետներում ամրացվել է և ծառայել Փարիզը արտաքին հարձակումներից պաշտպանելու նպատակին։

1087 թվականին Մանտն այրվել է Վիլյամ I Նվաճողի կողմից՝ դեպի Վեքսին նրա ձեռնարկած ռազմարշավի ժամանակ։ 1110 թվականին Լյուդովիկոս VI-ը Մանտին ազատ քաղաքի իրավունքներ է շնորհել։ 1223 թվականի հուլիսի 14-ին այստեղ մահացել է թագավոր Ֆիլիպ II Օգոստոսը։ Բրիտանացիների հետ հակամարտությունների ժամանակ քաղաքն անընդհատ ձեռքից ձեռք է անցել։

Հենրի III- ի մահից հետո Մանտը հանդես է եկել Կաթոլիկ լիգայի կողմից, իսկ հետո նվաճվել Հենրիխ IV-ի կողմից, դարձել վերջինիս նստավայրը։

Ժամանակի ընթացքում բնակավայրը անվանվել է Մանտ սյու Սեն, ապա՝ Մանտ-Գասիկուր։ Ներկայիս անվանումն ստացել է 1953 թվականին։

Լյուդովիկոս XIV-ը Մանտեսում բացել է երաժշտական գործիքների արտադրամաս։ 19-րդ դարում այստեղ հաճախ այցելել են նկարիչներ, հատկապես Կորոն, ով քաղաքային պատկերներ է նկարել։ 1920 թվականին Սերգեյ Պրոկոֆևն այստեղ է գրել «Հեքիաթ խեղկատակի մասին, որը խաբեց յոթ խեղկատակներին» բալետի երաժշտությունը։

Երկրորդ համաշխարհային պատերազմի ժամանակ Մանտը մեծապես տուժել է։

1800 թվականից մինչև Իվելին դեպարտամենտի ստեղծումը Մանտը եղել է Սեն-է-Օազ դեպարտամենտի ենթապրեֆեկտուրան։

Ժողովրդագրություն

Մանտ լա Ժոլիի բնակիչների մեջ մեծ թիվ են կազմում մուսուլմանները, որոնք հիմնականում եկել ե Թուրքիայից, Հյուսիսային Աֆրիկայից, Սահարային մերձ երկրներից։ Քաղաքաբնակներից յուրաքանչյուր երրորդը ներգաղթյալ է, ամբողջ բնակչության 27%-ը Ֆրանսիայի քաղաքացիություն չունի։

Պատմական բնակչություն
Տարեթիվ Բնակ․ տ․ ±% 1793 4803 —     1800 3800 −3.29% 1806 3976 +0.76% 1821 3811 −0.28% 1831 4148 +0.85% 1836 3818 −1.64% 1841 4280 +2.31% 1846 4400 +0.55% 1851 4374 −0.12% 1856 5046 +2.90% 1861 5372 +1.26% 1866 5345 −0.10% 1872 5697 +1.07% 1876 5649 −0.21% 1881 6056 +1.40% 1886 6607 +1.76% 1891 7032 +1.25% 1896 8015 +2.65%	Տարեթիվ Բնակ․ տ․ ±% 1901 8034 +0.05% 1906 8329 +0.72% 1911 8821 +1.15% 1921 9329 +0.56% 1926 9944 +1.29% 1931 13 865 +6.87% 1936 13 978 +0.16% 1946 13 181 −0.59% 1954 15 155 +1.76% 1962 18 905 +2.80% 1968 26 062 +5.50% 1975 42 465 +7.22% 1982 43 564 +0.37% 1990 45 087 +0.43% 1999 43 672 −0.35% 2007 42 916 −0.22% 2012 43 515 +0.28% 2017 44 299 +0.36%
Աղբյուր՝ EHESS and INSEE (1968-2017)

Տեսարժան վայրեր

• Աստվածամոր տաճար (XII-XIII դարեր) ( ֆրանսերեն )
• Լիմեի հին կամուրջ (12-րդ դար) ( ֆրանսերեն )

Քույր քաղաքներ

Մանտ լա Ժոլիի քույր քաղաքներն են՝

• Հիլինգդոն, Մեծ Բրիտանիա
• Մայա, Պորտուգալիա
• Շլեզվիգ, Գերմանիա

Պատկերասրահ

• 
  Նոտր Դամ եկեղեցին
• 
• 
• 
  Սեն Մակլուի աշտարակը
• 
  Կոլմար փողոցը
• 
  Հին կամուրջը
• 
  Արդարադատության պալատը
• 
• 
• 
  Դյումելի գերեզմանատունը
• 
  Աշխարհագրությունը
• 
  Մանտը 1650 թ.
• 
  Մանտի հատակագիծը. XVIII դար
• 
  Երկաթուղային կայարանը
• 
  Ենթապրեֆեկտուրան
• 
• 
  Համայնքապետարանը
• 
• 
  Կայարանը
• 
  Կայարանը
• 
  TGV գնացքը կայարանում
• 
• 
• 
  Albert Uderzo դպրոցը
• 
• 
  Հիվանդանոցը
• 
  Գասիկուրի եկեղեցին
• 
• 
• 
• 
  Մանտի կամուրջը. նկարիչ՝ Ժան-Բատիստ Կորո
• 
  Թանգարանը
• 

Արտաքին հղումներ

• Պաշտոնական էջԱրխիվացված 2015-02-24 Wayback Machine ում

Վիքիպահեստն ունի նյութեր, որոնք վերաբերում են «Մանտ լա Ժոլի» հոդվածին։