Մանուելա Վելասկո
Մանուելա Վելասկո Դիես (իսպ.՝ Manuela Velasco Díezհոկտեմբերի 23, 1975[1], Մադրիդ, Իսպանիա), իսպանացի դերասանուհի, հեռուստահաղորդավարուհի և մոդել։
| Մանուելա Վելասկո | |
|---|---|
.jpg) | |
| Ծնվել է | հոկտեմբերի 23, 1975[1] (48 տարեկան) |
| Ծննդավայր | Մադրիդ, Իսպանիա |
| Քաղաքացիություն |  Իսպանիա |
| Մայրենի լեզու | իսպաներեն |
| Մասնագիտություն | հաղորդավար, դերասանուհի, հեռուստահաղորդավարուհի և կինոդերասանուհի |
| Պարգևներ և մրցանակներ | |
 Manuela Velasco Վիքիպահեստում | |
Դերասանուհի և հաղորդավարուհի Կոնչիտա Վելասկոյի զարմուհին[2]։
Կենսագրություն խմբագրել
Մանուկ հասակում դեբյուտ է ունեցել ռեժիսոր Պեդրո Ալմոդովարի «Ցանկության օրենքը» ֆիլմում։
Նրա հեռուստահաղորդավարուհու կարիերան կապված է «Grupo PRISA» մեդիա կոնգլոմերատի հետ։ 2000-2005 թվականներին ներկայացրել է Իսպանիայի Los 40 Principales ռադիոալիքը` մասնագիտացված երաժշտության ոլորտում, ինչպես նաև վարել է «Del 40 al 1» հաղորդման հեռուստատեսային տարբերակը «Canal+ 1» հեռուստաալիքով՝ միաժամանակ աշխատելով «Իսպանիայի վաճառականներ» ծրագրում։ 1999-2000 թվականներին աշխատել է «Localia TV» հեռուստաալիքում։
2005 թվականին շաբաթ-կիրակի օրերին վարել է Cuatro հեռուստաալիքի «Cuatrosfera» հաղորդումը։
Որպես դերասանուհի նկարահանվել է բազմաթիվ հեռուստասերիալներում՝ «Ընտանեկան բժիշկ», «Կենտրոնական հիվանդանոց», «Կոմիսար», «Երկվորյակներ (սեր և վրեժ)», «Ուլիսեսի սինդրոմ», «Բժիշկ Մաթեո»։
2007 թվականին արժանացել է «Գոյա» ազգային կինոմրցանակի «կնոջ լավագույն դերասանական դեբյուտ» անվանակարգում «Ռեպորտաժ» սարսափ ֆիլմում խաղացած դերի համար։
2008 թվականի ավարտին մասնակցել է «Երեկվա աղջիկը»՝ «Կյանք Մարսում» սերիալի իսպանական տարբերակի նկարահանումներին։ Սերիալը չի արդարացրել սպասումները և փակվել է 8 էպիզոդի եթեր հանվելուց հետո՝ հաշվի առնելով 2009 թվականի ապրիլին դիտումների ցածր ռեյտինգը։
Մանուելան կրկին էկրաններին է հայտնվել 2009 թվականի սեպտեմբերի վերջին՝ նկարահանվելով «Ռեպորտաժ 2» սարսափ ֆիլմում[3], որը ֆիլմի 2007 թվականի շարունակությունն է։ Միևնույն թվականին նրա մասնակցությամբ վաճառքի է հանվել «Բորենիներ» ֆիլմը[4]։
2010-2011 թվականներին դեբյուտ է ունեցել թատրոնում՝ Արթուր Միլլերի «Իմ բոլոր որդիները» դրամայում` խաղալով Էննի Դիվերի դերը։ Ներկայացումն ունեցել է դրամարկղային մեծ հաջողություն և արժանացել քննադատների դրական արձագանքին։
2011 թվականին հայտնվել է «Հրեշտակ կամ դև» սերիալում[5]։
Դերեր կինոյում, թատրոնում և հեռուստատեսությունում խմբագրել
| Տարի | Անվանում | Բնօրինակ անվանում | Դեր | Ծանոթագրություններր |
|---|---|---|---|---|
| 1987 | La ley del deseo | Նինա | ||
| 1988 | Ամենազարմանալի խաղը | El juego más divertido | ||
| 2001 | Դպրոցական մարդասպան | School Killer | Պատրիցիա | |
| 2001 | Մարդիկ, ձուկ | Gente pez | ||
| 2001 | Կապ | Comunicación | Ամիգա | կարճամետրաժ ֆիլմ |
| 2007 | Ինքնասպանների ակումբ | El club de los suicidas | Անդրեա | |
| 2007 | REC | Անխելա Վիդալ | ||
| 2007 | Պերես մկնիկի արկածները | El ratón Pérez (película) | լրագրողուհի | |
| 2008 | Պերես մկնիկի արկածները 2 | El ratón Pérez 2 | լրագրողուհի | |
| 2009 | Դրախտ | El paraíso | կարճամետրաժ ֆիլմ | |
| 2011 | Ընկերներ | Amigos | Միրանդա | |
| 2014 | REC 4: Apocalipsis | Անխելա Վիդալ |
Մրցանակներ և անվանակարգեր խմբագրել
| Տարի | Մրցանակ | Անվանակարգ | Առաջադրված աշխատանք | Արդյունք |
|---|---|---|---|---|
| 2007 | «Գոյա» կինոմրցանակ | Կնոջ լավագույն դերասանական դեբյուտ | Հաղթանակ | |
| Իսպանիայի դերասանների գիլդիա | Կնոջ լավագույն դերասանական դեբյուտ | Ռեպորտաժ | Առաջադրված | |
| Կինեմատոգրաֆների միություն | Կնոջ լավագույն դերասանական դեբյուտ | Ռեպորտաժ | Առաջադրված | |
| Սիտխեսի կինոփառատոն | Լավագույն դերասանուհի | Ռեպորտաժ | Հաղթանակ | |
| 2010 | Fotogramas de Plata | Թատրոնի լավագույն դերասանուհի | Առաջադրված | |
| Ercilla Awards | «Անկեղծություն» մրցանակ | Իմ բոլոր որդիները | Առաջադրված |
Ծանոթագրություններ խմբագրել
- ↑ 1,0 1,1 ČSFD (չեխերեն) — 2001.
- ↑ Мануэла Веласко, племянница Кончиты Веласко, дебютировала в главной роли в фильме «Репортаж» (իսպ.)
- ↑ Фильм «Репортаж 2». Информация с сайта IMDB
- ↑ Фильм «Гиены». Информация с сайта IMDB
- ↑ Мануэла Веласко появится в «Ангеле и Демоне» Արխիվացված 2011-08-20 Wayback Machine (Испанский язык)
Արտաքին հղումներ խմբագրել
- Մանուելա Վելասկո (անգլ.) Internet Movie Database կայքում
 | Վիքիպահեստն ունի նյութեր, որոնք վերաբերում են «Մանուելա Վելասկո» հոդվածին։ |