Հովհաննես Արշալույսի Մադոյան
Անվան այլ կիրառումների համար տե՛ս՝ Հովհաննես Մադոյան (այլ կիրառումներ)- Վիքիպեդիայում կան հոդվածներ Մադոյան ազգանունով այլ մարդկանց մասին։
Հովհաննես Արշալույսի Մադոյան (մայիսի 16 (29), 1911[1], Ախալքալաք, Թիֆլիսի նահանգ, Ռուսական կայսրություն[1] - հունվարի 8, 1983, Երևան, Հայկական ԽՍՀ, ԽՍՀՄ), հայ խորհրդային անասնաբույծ։ Գյուղատնտեսական գիտությունների դոկտոր (1973), պրոֆեսոր (1974)։
Հովհաննես Արշալույսի Մադոյան | |
|---|---|
| Ծնվել է | մայիսի 16 (29), 1911[1] Ախալքալաք, Թիֆլիսի նահանգ, Ռուսական կայսրություն[1] |
| Մահացել է | հունվարի 8, 1983 (71 տարեկան) Երևան, Հայկական ԽՍՀ, ԽՍՀՄ |
| Քաղաքացիություն |  Ռուսական կայսրություն և  ԽՍՀՄ |
| Ազգություն | հայ |
| Մասնագիտություն | անասնաբույծ և դասախոս |
| Հաստատություն(ներ) | Երևանի անասնաբուծական-անասնաբուժական ինստիտուտ[1] և Հայաստանի ազգային ագրարային համալսարան[1] |
| Ալմա մատեր | Երևանի անասնաբուծական-անասնաբուժական ինստիտուտ (1937)[1] |
| Կոչում | պրոֆեսոր[1] |
| Գիտական աստիճան | գյուղատնտեսական գիտությունների դոկտոր[1] (1973) |
Կենսագրություն խմբագրել
Ավարտել է Երևանի անասնաբուծական-անասնաբուժական ինստիտուտը (1937)։ 1945-1954 թվականներին դասախոսել է նույն ինստիտուտում։ 1954 թվականից Հայկական գյուղատնտեսական ինստիտուտի անասնաբուծության ամբիոնի վարիչն է։
Մադոյանի գիտական աշխատանքները վերաբերում են ՀԽՍՀ տարբեր գոտիների խոտհարքներից ստացված խոտի քիմիական բաղադրության, մարսելիության, ընդհանուր սննդարարության, հորթերի նպատակադիր աճեցման և այլ հարցերին։ Զբաղվել է նաև ՀԽՍՀ-ում գոմեշաբուծության զարգացման պրոբլեմով, ուսումնասիրել է բնաշխարհիկ գոմեշների կաթնատվության, աճի ու զարգացման, կերակրման, ցեղաբարելավման հարցերը և այլն։
Մադոյանը կովկասյան գոմեշի ցեղի (հաստատված 1970 թվականին) հեղինակներից է։
Ծանոթագրություններ խմբագրել
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 7, էջ 127)։ 
|