Հոլոկիո (հունգ.՝ Hollókő), գյուղ հյուսիսային Հունգարիայում՝ Նոգրադում։ Գյուղը հայտնի է դարձել որպես բաց երկնքի տակ գտնվող ազգագրական թանգարան։ Բնակչությունը 465 մարդ է։ 1987 թվականին ներառվել է ՅՈՒՆԵՍԿՕ-ի Համաշխարհային ժառանգության ցանկում։ Գյուղի անունը թարգմանվում է որպես «Ագռավաքար»։
Հոլոկիոն գտնվում է Բուդապեշտից 90 կմ հյուսիս և Էգերից 80 կմ հյուսիս-արևմուտք։ Գյուղն ընկած է Չերհատ ոչ բարձր լեռների հովտի կենտրոնում։ Ողջ Հոլոկիոն իրենից ներկայացնում է ազգագրական թանգարան, սակայն ի տարբերություն նմանատիպ այլ թանգարանների՝ Հոլոկիոյում չի դադարում սովորական կյանքը։ Գյուղի բնակիչները խնամքով պահպանում են կենսակերպն ու անցյալ դարերի ժողովրդական ավանդույթները։ Գյուղի շենքերի մեծ մասը կավաշեն տներ են՝ փայտե ծածկապատշգամբներով։ Գյուղում պահպանվում են ժողովրդական արհեստները՝ ավանդական ասեղնագործությունը, խեցեգործությունը և փայտի փորագրությունը։
- Փայտե եկեղեցի, կառուցվել է 16-րդ դարում, վերակառուցվել է 1989 թվականին։
- Գյուղի թանգարան, ազգագրական թանգարան։ Նվիրված է 18-19-րդ դարերի տեղի բնակիչների կենսակերպին։
- Փոստային թանգարան։
- Տիկնիկների թանգարան։
- Սարհեդ ամրոց, գտնվում է գյուղի հետևի բլուրի վրա։
Ծանոթագրություններ
խմբագրել
- ↑ 1,0 1,1 Magyarország helységnévtára, Detailed Gazetteer of Hungary (հունգ.) — KSH, 2023.
- ↑ Magyarország közigazgatási helynévkönyve, 2013. január 1., Gazetteer of Hungary, 1st January 2013 (հունգ.) — KSH, 2013.
- ↑ Magyarország közigazgatási helynévkönyve, 2014. január 1., Gazetteer of Hungary, 1st January 2014 (հունգ.) — KSH, 2014.
- ↑ Magyarország közigazgatási helynévkönyve, 2015. január 1., Gazetteer of Hungary, 1st January 2015 (հունգ.) — KSH, 2015.
- ↑ Magyarország helységnévtára, Detailed Gazetteer of Hungary (հունգ.) — KSH.
- ↑ A népesség adatai településenként, Population data by settlement (հունգ.) — KSH, 2023.
Արտաքին հղումներ
խմբագրել
_002.jpg)
Հունգարիա
Հոլոկիո գյուղը
Մոտակա բլուրից Հոլոկիոյի ամրոցի տեսքը
