Հերոստրատոս
Հերոստրատոս (հին հունարեն՝ Ἡρόστρατος, մ.թ.ա. 4-րդ դար, Եփեսոս, Սելջուկ, Իզմիրի մարզ, Թուրքիա - մ. թ. ա. 356, Եփեսոս, Սելջուկ, Իզմիրի մարզ, Թուրքիա), եփեսոսցի հույն, որն իր անունն անմահացնելու համար, մ.թ.ա. 356 թ. այրել է Եփեսոսի Արտեմիսի տաճարը (աշխարհի 7 հրաշալիքներից մեկը)։ Պատմիչ Թիմայոսը, նրան հետևելով՝ նաև Կիկերոնն ու Պլուտարքոսը հայտնում են, որ տաճարն այրվել է Ալեքսանդր Մակեդոնացու ծնվելու գիշերը[1]։ Հոնիական քաղաքների բնակիչները որոշել են մոռացության տալ Հերոստրատոսի անունը, սակայն նրա մասին հիշատակել է հույն պատմիչ և հռետոր Թեոպոմպոսը (մ.թ.ա. 4-րդ դար)։ Հինհռոմեացի գրող Էլիանուսն իր «Կենդանիների բնույթի մասին» երկում Հերոստրատին հիշատակում է աստվածությունների թշնամիների շարքում՝ առաջին աթեիստներ Հիպպոնի և Դիագորոսի անունների կողքին[2]։ Հերոստրատոսի անունն ստացել է բացասական իմաստ. Հերոստրատոս անվանում են փառամոլ մարդկանց։
| Հերոստրատոս հին հունարեն՝ Ἡρόστρατος | |
|---|---|
.jpg) | |
| Ծնվել է | մ.թ.ա. 4-րդ դար |
| Ծննդավայր | Եփեսոս, Սելջուկ, Իզմիրի մարզ, Թուրքիա |
| Մահացել է | մ. թ. ա. 356 |
| Մահվան վայր | Եփեսոս, Սելջուկ, Իզմիրի մարզ, Թուրքիա |
| Մասնագիտություն | անասնապահ |
 Herostratos Վիքիպահեստում | |
Ստրաբոնի վկայությամբ՝ Հերոստրատի այրած տաճարի տեղում եփեսոսցիները կառուցել են Արտեմիսին նվիրված մի նոր հրաշալի տաճար[3]։
Կերպարը գեղարվեստական գրականության մեջ
խմբագրել- Իտալացի գրող Ալեսսանդրո Վեռին հեղինակել է մի ոչ մեծածավալ վեպ «Հերոստրատոսի կյանքը» վերնագրով (1818), որտեղ արտացոլվել է ատելությունը Իտալիան զավթած Նապոլեոն Բոնապարտի նկատմամբ ևս[4]։
- 1972 թվականին առաջին անգամ բեմականացվել է Գրիգորի Գորինի «Մոռանալ Հերոստրատին» պիեսը[5]։
Ծանոթագրություններ
խմբագրել- ↑ Цицерон. О природе богов. II, 27, 69; О дивинации. I, 47; см. об этом синхронизме: Паули-Виссова. Том VIII. Полутом 1. Стб. 1146.
- ↑ Элиан. О природе животных. VI, 40
- ↑ Страбон. География. XIV, 1, 22, 640
- ↑ http://feb-web.ru/feb/kle/kle-abc/default.asp%7Cтом=1(չաշխատող հղում). Стб. 934}}
- ↑ http://feb-web.ru/feb/kle/kle-abc/default.asp%7Cтом=9}}(չաշխատող հղում)
 | Վիքիպահեստն ունի նյութեր, որոնք վերաբերում են «Հերոստրատոս» հոդվածին։ |
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 6, էջ 382)։ 
|