Հենրիկ Վիսնապուու
Հենրիկ Վիսնապուու (էստ․՝ Henrik Visnapuu, 2 հունվարի, 1890, Հելմե, Էստոնիա — 3 ապրիլի, 1951, Լոնգ Այլենդ, Նյու Յորք ), էստոնացի բանաստեղծ, դրամատուրգ։
Հենրիկ Վիսնապուու Henrik Visnapuu | |
---|---|
Ծնվել է | հունվարի 2, 1890[1][2][3] |
Ծննդավայր | Հելմե, Ռուսական կայսրություն |
Վախճանվել է | ապրիլի 3, 1951[1][2][3] (61 տարեկան) |
Վախճանի վայր | Լոնգ Այլենդ, ԱՄՆ |
Մասնագիտություն | բանաստեղծ, գրող, լրագրող և գրական քննադատ |
Քաղաքացիություն | Էստոնիա |
Կրթություն | Տարտուի համալսարան |
Henrik Visnapuu Վիքիպահեստում |
Կենսագրություն խմբագրել
Հենրիկ Վիսնապուուն մասնագիտությամբ ուսուցիչ էր։ Տարտուի նահանգային դպրոցն ավարտելուց հետո՝ 1907 թվականին քննություն է հանձնել Նառվայի գիմնազիայում և իրավունք ստացել զբաղվել դասավանդել տարրական դասարաններում։ Դրանից հետո նա աշխատել է տարբեր դպրոցներում։ 1912 թվականին Վիսնապուուն տեղափոխվել է Տարտու, որտեղ էստոներեն ու գրականություն է դասավանդել իգական գիմնազիայւոմ։ Միաժամանակ հաճախել է Տարտուի համալսարան` լսելու փիլիսոփայության դասախոսություններ։ 1916 թվականին ընդունվել է Տարտուի համալսարան, իսկ 1922—1923 թվականներին սովորել է Բեռլինում։
1917-1935 թվականներին աշխատել է որպես լրագրող։ Կարմիր բանակի` Էստոնիա մտնելուց հետո՝ 1944 թվականին, փախել է Գերմանիա, իսկ 1949 թվականին տեղափոխվել է ԱՄՆ։
Ստեղծագործություն խմբագրել
Հենրիկ Վիսնապուուն իր առաջին բանաստեղծությունները գրել է 1908 թվականին։ Բանաստեղծուհի Մարիա Ունդերի, գրողներ Ֆրիեդեբերգ Տուգլասի, Յոհաննես Բարբարուսի, Ավգուստ Հայլիտի և այլ մտավորականների հետ միասին 1917 թվականից անդամակցել է Սիուրու գրական խմբակին։ Հենրիկ Վիսնապուուն հայտնի է դառնում որպես սիմվոլիստ-բանաստեղծ։ Նրա ստեղծագործությունը կրում է նաև ֆուտուրիզմի ու էքսպրեսիոնիզմի ազդեցությունը։ XX դարի 20-30-ական թվականներին Հենրիկ Վիսնապուուն համարվում էր իր ժամանակի ամենահայտնի գրողներից մեկը։
Հենրիկ Վիսնապուուի բանաստեղծությունների երկու գրքերը թարգմանվել են ռուսերեն («Amores», 1922, «Դաշտային մանուշակ», 1939)
Ծանոթագրություններ խմբագրել
- ↑ 1,0 1,1 Bibliothèque nationale de France data.bnf.fr (ֆր.): տվյալների բաց շտեմարան — 2011.
- ↑ 2,0 2,1 Eesti biograafiline andmebaas ISIK (эст.)
- ↑ 3,0 3,1 Բրոքհաուզի հանրագիտարան (գերմ.)
Գրականություն խմբագրել
- Мисникевич Т. В., Пильд Л. Игорь Северянин — переводчик поэзии Хенрика Виснапуу // Русская литература. 2012. № 2. С. 192—202.
Վիքիպահեստն ունի նյութեր, որոնք վերաբերում են «Հենրիկ Վիսնապուու» հոդվածին։ |