Հարրի Միլիս
Հարրի Էլվին Միլիս (անգլ.՝ Harry Alvin Millis, ապրիլի 14, 1873[1], Paoli, Ինդիանա, ԱՄՆ - հունիսի 25, 1948[1], Չիկագո, Իլինոյս, ԱՄՆ), ամերիկացի տնտեսագետ, 1938 թվականից Չիկագոյի համալսարանի տնտեսագիտության վաստակավոր պրոֆեսոր, 1934 թվականին Ամերիկյան տնտեսական ասոցիացիայի նախագահ։
Հարրի Միլիս | |
|---|---|
 | |
| Ծնվել է | ապրիլի 14, 1873[1] Paoli, Ինդիանա, ԱՄՆ |
| Մահացել է | հունիսի 25, 1948[1] (75 տարեկան) Չիկագո, Իլինոյս, ԱՄՆ բնական մահով |
| Քաղաքացիություն | .svg){kind=small} ԱՄՆ |
| Մասնագիտություն | տնտեսագետ և գրող |
| Հաստատություն(ներ) | Չիկագոյի համալսարան |
| Պաշտոն(ներ) | նախագահ |
| Ալմա մատեր | Չիկագոյի համալսարան և Ինդիանայի համալսարան |
| Տիրապետում է լեզուներին | անգլերեն[2] |
| Գիտական ղեկավար | Ջոն Կոմոնս |
| Եղել է գիտական ղեկավար | Ruth Alice Allen? և Սամներ Սլիտչեր[3] |
 Harry A. Millis Վիքիպահեստում | |
Կենսագրություն խմբագրել
Հարրին ծնվել է 1873 թվականի մայիսի 14-ին Պաոլիում (Ինդիանա նահանգ) Ջոն (1845-1928) և Մարիա Բրուներ Միլիսի (1845-1920) ընտանիքում[4]։ Հարրին կրթություն է ստացել Պաոլիի բարձրագույն դպրոցում[5]։
1895 թվականին, Միլիսը ստացել է արվեստի բակալավրի աստիճան, իսկ 1896 թվականին արվեստի մագիստրոսի աստիճան Ինդիանայի համալսարանում, եղել է Ջոն Կոմոնսի առաջին շրջանավարտներից։ Մանկավարժական գործունեությունը սկսել է 1896-1898 թվականներին՝ որպես սոցիոլոգիայի դասախոս, իսկ 1898-1899 թվականներին՝ որպես տնտեսության դասախոս Չիկագոյի համալսարանում, որտեղ 1899 թվականին ստացել է փիլիսոփայության դոկտորի աստիճան[5]։
1899-1902 թվականներին Միլիսը Չիկագոյի Ջոն Կրերի անվան գրադարանում գրադարանավար է աշխատել։ 1902-1903 թվականներին նա եղել է Արկանզասի համալսարանի տնտեսագիտության և սոցիոլոգիայի պրոֆեսոր[5]։ 1904-1912 թվականներին դասավանդել է Սթենֆորդի համալսարանում։ 1912-1916 թվականներին եղել է Կանզասի համալսարանի տնտեսագիտության ամբիոնի առաջին վարիչը[6]։ 1916 թվականից՝ Չիկագոյի համալսարանի պրոֆեսորի ասիստենտ, 1928-1938 թվականներին՝ տնտեսագիտության ամբիոնի վարիչ և 1938 թվականից՝ Չիկագոյի համալսարանի տնտեսագիտության վաստակավոր պրոֆեսոր։ Միլիսը 1934 թվականին եղել է Ամերիկյան տնտեսական ասոցիացիայի անդամ և նախագահ, Չիկագոյի մատենագիտական ընկերության անդամ և Արկանզասի համալսարանի գիտական ակումբի անդամ[5]։
1940-1945 թվականներին եղել է Աշխատանքի ազգային խորհրդի նախագահ։
Ընտանիք խմբագրել
1901 թվականին Միլիսն ամուսնացել է Ալիսա Մեյի Շոֆի հետ, որոնց որդին էր՝ Ջոն Շոֆ Քեյսը, Վեսթերն Ռեզերվ համալսարանի ապագա նախագահը, և երկու դուստրերը՝ Սավիլիան և Շառլոտան[7]։
Մատենագրություն խմբագրել
- Millis H.A. Pawnbroking as studied in Cincinnati — Blommington, Ind. Indiana University,1896
- Millis H.A. Immigrants in industries — Washington: Govt. Print. Off., 1911
- Millis H.A. Japanese and other immigrant races in the Pacific Coast and Rocky Mountain States : in three volumes — Washington: G.P.O., 1911
- Millis H.A. The Japanese problem in the United States — New York, The Macmillan company, 1915
- Millis H.A. Labor’s Charter of Rights — Washington: American Federation of Labor, 1935
Ծանոթագրություններ խմբագրել
- ↑ 1,0 1,1 1,2 1,3 1,4 SNAC — 2010.
- ↑ Identifiants et Référentiels (ֆր.) — ABES, 2011.
- ↑ Mathematics Genealogy Project — 1997.
- ↑ Emmett R.B. The Chicago Tradition in Economics, 1892-1945 // London: Routledge. — 2002. — Vol. 3. — P. vii-viii. — ISBN {{{isbn}}}.
- ↑ 5,0 5,1 5,2 5,3 Personal Notes // The Annals of the American Academy of Political and Social Science. — Jan., 1904. — Vol. 23. — P. 141—142.
- ↑ O’Leary M. R., O’Leary D.S. The English Professor: Raphael Dorman O’Leary. — 2016. — ISBN {{{isbn}}}.
- ↑ The Encyclopedia of Cleveland History MILLIS, JOHN SCHOFF.
 | Վիքիպահեստն ունի նյութեր, որոնք վերաբերում են «Հարրի Միլիս» հոդվածին։ |