Հասմիկ Ալեքսանյան

Հասմիկ Եղիշի Ալեքսանյան (նոյեմբերի 27, 1945(1945-11-27), Երևան, Հայկական ԽՍՀ, ԽՍՀՄ), հայ դերասանուհի։ Հայաստանի վաստակավոր արտիստ (2011)։

Հասմիկ Ալեքսանյան
Ծնվել է	նոյեմբերի 27, 1945(1945-11-27) (78 տարեկան)
Ծննդավայր	Երևան, Հայկական ԽՍՀ, ԽՍՀՄ
Կրթություն	Երևանի պետական գեղարվեստա-թատերական ինստիտուտ
Քաղաքացիություն	ԽՍՀՄ և  Հայաստան
Մասնագիտություն	դերասանուհի
Պարգևներ և մրցանակներ	և Արտավազդ

Վիքիպեդիայում կան հոդվածներ Ալեքսանյան ազգանունով այլ մարդկանց մասին։

Կենսագրություն

Հասմիկ Ալեքսանյանը ծնվել է 1945 թվականին, Երևանում։ Վաղ հասակից ընտանիքով տեղափոխվել է Ռուսաստանի Մայկով քաղաք, որտեղ ավարտել է միջնակարգ դպրոցը։ 1969 թվականին վերադարձել է Երևան և ընդունվել Երևանի գեղարվեստա-թատերական ինստիտուտի դերասանական ֆակուլտետ՝ Վարդան Աճեմյանի արվեստանոց։ 1973 թվականին, ինստիտուտն ավարտելուց հետո, Վահե Շահվերդյանի հրավերով, աշխատել է Կիրովականի պետական դրամատիկական թատրոնում՝ որպես դերասանուհի։ 1999 թվականից Երևանի Գաբրիել Սունդուկյանի անվան ազգային ակադեմիական թատրոնի դերասանուհի, 2011 թվականից, զուգահեռ՝ Վանաձորի դրամատիկական թատրոնի։

Դերեր

Խաղացել է շուրջ 80 թատերական դեր տարբեր ներկայացումներում։

• Մայր՝ Գ. Սարգսյանի «Բերոյանների ընտանիքը»
• Կռուչինինա՝ Ալեքսանդր Օստրովսկու «Անմեղ մեղավորները»
• Օլգա՝ Անտոն Չեխովի «Երեք քույրեր»
• Ժամանակ՝ Ուիլյամ Շեքսպիրի «Ռիչարդ Երրորդ»
• Զարնիշան՝ Ալեքսանդր Շիրվանզադեի «Չար ոգի»
• Երանուհի՝ Շիրվանզադեի «Պատվի համար»
• Տիկին Մարի՝ Կարինե Խոդիկյանի «Կինը անձրևից հետո»
• Աշխեն տատիկ՝ Խ. Արամունու «Անվերադարձ ապագա»
• Շառլոտա՝ Ա. Չեխովի «Բալի այգին»
• Բեռնարդա՝ Ֆեդերիկո Գարսիա Լորկայի «Բեռնարդան և նրա աղջիկները»
• Թագուհի՝ Ռ. Շառոյանի «Մեր բաժին ուրախությունը»
• Թենի՝ Մուրացանի «Ռուզան»
• Վհուկ՝ Պ. Զեյթունցյանի «Արշակ թագավոր»
• Մուրզավեցկայա՝ Ա. Օստրովսկու «Գայլեր և ոչխարներ»

Մրցանակներ

• ՀԹԳՄ «Արտավազդ» մրցանակ, 2009
• Հայաստանի վաստակավոր արտիստ (2011)