Համազասպ Բաբաջանյանի հուշարձան (Երևան)
Համազասպ Բաբաջանյանի հուշարձան, Խորհրդային Միության զրահատանկային զորքերի գլխավոր մարշալ Համազասպ Բաբաջանյանին նվիրված հուշարձան Երևանում։ Գտնվում է Ավան վարչական շրջանի Բաբաջանյան փողոցին կից այգում։ Տեղադրվել է 2016 թվականի մայիսի 23-ին[1]։
| Համազասպ Բաբաջանյանի հուշարձան | |
|---|---|
.jpg) Համազասպ Բաբաջանյանի հուշարձան | |
| Ընդհանուր տեղեկություններ | |
| Համայնք | Ավան վարչական շրջան |
| Գտնվում է | Բաբաջանյան փողոցին կից այգում |
| Քանդակագործ(ներ) | Համլետ Մատինյան |
| Շինարարության ավարտ | 2016 |
| Ներկա վիճակ | կանգուն
|
Պատմություն
խմբագրելՀուշարձանն ստեղծվել է Հայաստանի կառավարության 1999 թվականի օգոստոսի 31-ի «Հայաստանի Հանրապետությունում պետական և հասարակական նշանավոր գործիչներին նվիրված հուշարձանների իրականացման կարգը հաստատելու մասին» N 551 որոշմամբ հաստատված կարգի 2-րդ կետի համաձայն[2]։
Հուշարձանի բացման արարողությանը մասնակցել են Հայաստանի նախագահ Սերժ Սարգսյանը, Հայաստանի պաշտպանության նախարար Սեյրան Օհանյանը, Երևանի քաղաքապետ Տարոն Մարգարյանը, Հայրենական մեծ պատերազմի վետերաններ, Եվրոպայում ԱՄՆ ցամաքային ուժերի հրամանատար, գեներալ-գնդապետ Ֆրեդերիկ Բեն Հոջեսը, ԱՄՆ Կանզաս նահանգի ադյուտանտ-գեներալ, ազգային գվարդիայի նահանգի հրամանատար, գեներալ-մայոր Լի Տաֆֆանելլին և օտարերկրյա պետությունների ռազմական կցորդներ, Երևանի պատվավոր քաղաքացի, գրոսմայստեր Ռաֆայել Վահանյանը, Հայաստանի շախմատային ֆեդերացիայի փոխնախագահ Հովիկ Խալիկյանը, երևանաբնակ չարդախլեցիներ (խաչիսարցիներ), «Գարդման» հայրենակցական միության անդամներ։
Համազասպ Բաբաջանյանին նվիրված հուշարձան կա նաև Տավուշի մարզի Զորական գյուղում[3]։
Մեջբերումներ Համլետ Մատինյանից
խմբագրել
|
Նա նստած է Հիտլերի աթոռի վրա, դա սիմվոլիկա է։ Մենք համարում ենք, որ Բեռլինը նա է գրավել։ Որովհետև երբ Ստալինը Ժուկովին կանչում ու ասում է՝ պետք է 3 օրից մտնեք Բեռլին, նա ասում է՝ չեմ կարող։ Իսկ Բաբաջանյանը մտավ, նա տանկերը թունելով տարավ, չէ՞[4]: | 
|
|
|
Եթե նկատեցիք, հատակի վրա զրահատանկի հետքերն են, որոնք իջնում են փողոցի կողմն ու դառնում կանաչ տարածք։ Դա խորհրդանշում է զորավարի կյանքը` դաժան պատերազմ ու հետո արդեն՝ խաղաղ կյանք։ Աշխատեցինք արձանը շատ բարձր չանել, որովհետև տարածքը փոքր է։ Տվեցինք սեղանաձև լուծում, որպեսզի այն չափերով ավելի մեծ երևա։ Նման լուծում տվել են իտալացիները, երբ կարճահասակ պապի արձանին բարձր տեսք տալու համար նման սեղանաձև պոդիում ստեղծեցին։ |
|
Հեղինակներ
խմբագրել- Քանդակագործ՝ Համլետ Մատինյան
- Ճարտարապետ՝ Միքայել Միսակյան
Պատկերասրահ
խմբագրել.jpg)
.jpg)
.jpg)
.jpg)
.jpg)
Ծանոթագրություններ
խմբագրել- ↑ Նախագահ Սերժ Սարգսյանը ներկա է գտնվել մարշալ Համազասպ Բաբաջանյանի արձանի բացման արարողությանը
- ↑ ՀՀ Երևան քաղաքի ավագանու որոշումը Համազասպ Բաբաջանյանի հիշատակը հավերժացնող հուշարձանի տեղադրմանը համաձայնություն տալու մասին
- ↑ Զորականում բացվեցին Հովհաննես Բաղրամյանի և Համազասպ Բաբաջանյանի հուշարձանները
- ↑ Հիտլերի աթոռին նստած մարշալ Բաբաջանյանը հերոսության օրինակ է այսօրվա քաջերի համար