Կնոջ պատկերներ
«Կնոջ պատկերներ» (անգլ.՝ Images of a Woman), որը հայտնի է նաև որպես «Տոկիոյի նկար», 1960-ական թվականների «Բիթլզ» փոփ խմբի անդամների ստեղծած նկարը[1][2]։ Հավանաբար, սա միակ նկարն է, որը ստեղծվել է խմբի անդամների համագործակցությամբ։
 | |
|---|---|
 | |
| տեսակ | գեղանկար |
| նկարիչ | The Beatles |
| տարի | հուլիս 1966 |
| բարձրություն | 76 սանտիմետր |
| լայնություն | 100 սանտիմետր |
| ժանր | աբստրակցիոնիզմ |
| գտնվում է | Նյու Յորք |
Ծանոթագրություններ | |
Պատմություն խմբագրել
«Կնոջ պատկերները» համատեղ նկարել են «Բիթլզ» փոփ խմբի չորս անդամները՝ Ջոն Լենոնը, Փոլ Մաքքարթնին, Ջորջ Հարիսոնը և Ռինգո Սթարը 1966 թվականի հուլիսին, Հեռավոր Արևելքում իրենց շրջագայության շրջանակներում Տոկիոյի Հիլթոն հյուրանոցի համարում, երեք գիշերների ընթացքում։ Մահվան սպառնալիքներ ստանալուց հետո, Ճապոնիայի իշխանությունները նախազգուշական միջոցներ են կիրառել, և խմբի ազատ շարժը որոշ չափով արգելափակվել է։ Ճապոնական շրջագայության փրոմոութեր Թաթս Նագաշիման նկարչական նյութեր էր բերել խմբին, որ նրանք հյուրանոցում արգելափակված ժամանակ զբաղվեն նկարչությամբ։ Խմբի հյուրախաղերի լուսանկարիչ Ռոբերտ Ուիտակերը զարմացել է[2], թե «որքան հանգիստ էին խմբի անդամները նկարելիս. ավելի հանգիստ, ավելի գոհ, քան այս պահին...»։ Նրանք կանգ էին առնում, գնում ելույթ ունենալու, և այնուհետև՝ «Եկեք վերադառնանք նկարին»[3][4]։
Նկարը տրվել է բարեգործական աճուրդի։ Այն ի սկզբանե գնել է «Բիթլզի» ճապոնական երկրպագուների ակումբի նախագահ Տեցուսաբուրո Շիմոյաման[1][2]։ 1990-ականների կեսերին այն վաճառվել է Օսակայում արվեստի դիլերին մոտ 191․000 դոլարով, իսկ 2002 թվականին կրկին հայտնվել է eBay կայքում։ Այն վաճառքի է հանել Philip Weiss Auctions-ը 2012 թվականին[5]։ 2012 թվականի սեպտեմբերին այն կրկին վաճառքի է հանվել Նյու Յորքի Philip Weiss Auctions ըմկերության միջոցով։ Նկարի նախնական աճուրդը գնահատվել է 80,000-ից 120,000 դոլար, բայց վաճառվել է 155,250 դոլարով, ներառյալ գնորդի հավելավճարը[1][2][6]:։
Նկարագրություն խմբագրել
Բիթլզներից յուրաքանչյուրը նկարել է 76 × 100 սմ չափերով կտավի[7] մեկ անկյունում[3]։ Չնայած նկարի վերնագրին, այն չի պարունակում կնոջ որևէ կերպարային պատկեր։ Այն բաղկացած է վառ գույներով ֆոնի վրա յուղաներկով և ջրաներկով նկարված աբստրակտ նմուշներից։ Նկարելուց կտավի մեջտեղում լամպ է դրված եղել, երբ այն հանվել է, մնացել է դատարկ շրջան․ խումբն այդ տարածքն օգտագործել է իրենց ստորագրությունների համար[1][2]։
Այլ համատեղ նկարներ խմբագրել
Հայտնի չէ, թե արդյոք Բիթլզները համագործակցությամբ որևէ այլ երփնանկար ստեղծել են թե ոչ, սակայն գրիչով և մատիտով նկարը, որը հայտնի է որպես «Խաղաղություն Մոնտերեյին», ստեղծվել է 1967 թվականին խմբի կողմից։ Չկարողանալով ներկա գտնվել կամ ելույթ ունենալ Մոնտերեյի փառատոնին, նրանք իրենց բարեմաղթանքներն են հղել կազմակերպիչներին թղթի վրա՝նկարի տեսքով[6]։
Ծանոթագրություններ խմբագրել
- ↑ 1,0 1,1 1,2 1,3 Womack, Kenneth (2014). The Beatles Encyclopedia: Everything Fab Four [2 volumes]. ABC-CLIO. ISBN 978-0313391729.
- ↑ 2,0 2,1 2,2 2,3 2,4 Ingham, Chris (2009). The Rough Guide to the Beatles. Rough Guides UK. էջ 129. ISBN 978-1848367524.
- ↑ 3,0 3,1 David Wolman (2012 թ․ սեպտեմբերի 6). «How a Painting by the Beatles Ended Up Stashed Under a Bed for 20 Years». theatlantic.com.
- ↑ «Images of a Woman | Art in a Corner» (ամերիկյան անգլերեն). Վերցված է 2023 թ․ դեկտեմբերի 22-ին.
- ↑ Julie Zeveloff (2012 թ․ օգոստոսի 23). «The Beatles Painted This Picture While They Were Holed Up In A Tokyo Hotel». Business Insider.
- ↑ 6,0 6,1 «The Beatles Bible - Beatles painting Images Of A Woman sells for $155,250». The Beatles Bible (բրիտանական անգլերեն). 2012 թ․ սեպտեմբերի 14. Վերցված է 2023 թ․ դեկտեմբերի 22-ին.
- ↑ «Christie's, The Beatles, 1966, Images of a Woman». christies.com.