Կարինե Ռաֆայելյան

Կարինե Ռաֆայելյան
Ծնվել է	1964, Հունվար 05
Ծննդավայր	Երևան, Հայաստան, ԽՍՀՄ, ՀԽՍՀ
Մասնագիտություն	գրող, գրականագետ, հրապարակախոս, թարգմանիչ
Ազգություն	հայ
Քաղաքացիություն	Հայաստան
Կրթություն	ՀՊՄՀ, ԵՊՀ
Աշխատավայր	Դերենիկ Դեմիրճյանի տուն-թանգարան

Կարինե Սերյոժայի Ռաֆայելյան, հայ գրող, գրականագետ, հրապարակախոս, թարգմանիչ, Հայաստանի գրողների միության անդամ (2021)։

Կենսագրություն

Կարինե Ռաֆայելյանը ծնվել է 1964թ. Հունվարի 5-ին, Երևան քաղաքում՝ Հայաստան։ Ավարտել է Պարույր Սևակի անվան թիվ 123 հիմնական դպրոցը։ Դպրոցում սովորելու տարիներին զուգահեռ սովորել և ավարտել է Տիգրան Չուխաջյանի անվան երաժշտական դպրոցի դաշնամուրի բաժինը։ Դպրոցական տարիքից սկսել է ստեղծագործել՝ գրելով երաժշտություն և խոսքեր երգերի համար։ 1981-1985 թթ. սովորել և ավարտել է Երևանի Խաչատուր Աբովյանի անվան հայկական պետական մանկավարժական համալսարանի Մայրենի լեզվի և գրականության ֆալկուլտետը։ Համալսարանում ուսանելու տարիներին սկսել է գրել բանաստեղծություններ և պատմվածքներ, կատարել գրականագիտական վերլուծություններ։ 1988-ից Հայաստանի գրական և մշակութային պարբերականներում հանդես է եկել գրականագիտական հոդվածներով, անվանի մշակութային գործիչների, գրական աշխարհի ներկայացուցիչների հետ ունեցած հարցազրույցներով։ 1989-ից աշխատանքի է անցել Եղիշե Չարենցի անվան գրականության և արվեստի թանգարանում։ 1989-1992թթ. եղել է Երևանի պետական համալսարանի Հայ նոր գրականության ամբիոնի ասպիրանտ։ 1993-ից շարունակել է աշխատել Եղիշե Չարենցի անվան գրականության և արվեստի թանգարանում։ 1994թ. առ այսօր աշխատում է Գրականության և արվեստի թանգարանի մասնաճյուղ Դերենիկ Դեմիրճյանի տուն-թանգարանի վարիչ^[1]։ Այդ տարիներից ի վեր Կարինեն զվաղվում է դեմիրճյանագիտությամբ, Դեմիրճյանի երկերի գրականագիտական վերլուծությամբ, անտիպ և քիչ հայտնի ստեղծագործությունների վերծանմամբ, հանրահռչակմամբ և տպագրությամբ։ Մասնավորապես՝ նրա նախաձեռնությամբ 2015թ. լույս է տեսել Դերենիկ Դեմիրճյանի «Արջուկ-լրջուկ» ՝ հանրությանն անծանոթ հեքիաթը^[2]։ 2016թ. լույս է տեսել Դերենիկ Դեմիրճյանի «Դատողություններ Ղարաբաղի և Նախիջևանի հարցի շուրջ^[3]» անավարտ խոհագրությունը, որը հայտնաբերել, ձեռագիրը վերծանել և հրատարակության է պատրաստել Կարինե Ռաֆայելյանը^[4]։ Նույն թվականին տպագրվել է «Դերենիկ Դեմիրճյանի հարկի ներքո» գրականագիտական հոդվածների ժողովածուն^[5], որի կազմողը և ժողովածուում տպագրված յոթ հոդվածների հեղինակը Կարինեն է^[6]։ Թանգարանում աշխատելու տարիներին զուգահեռ՝ զբաղվել է նաև հրապարակախոսությամբ, հանդես եկել տարբեր պարբերականներում։ 2007-2009թթ., համագրոծակցելով Հայաստանի հանրային հեռուստաընկերության հետ, կատարել է ֆիլմերի թարգմանություններ։ 2008-2020 թթ. եղել է «Իրատես» լրատվականի մշակութային բաժնի լրագրող^[7], վարել «… և ոչ միայն մշակույթի մասին» խորագիրը։ 2013-ից առ այսօր աշխատակցում է Բեյրութի «Հայկազյան հայագիտական հանդես» տարեգրքին։ 2019-ից Արդի գիտամշակութային լրատվական հասարակական կազմակերպության համահիմնադիրն է և «Ardi.am^[8]» կայքի թղթակիցը։ 2021-ից Կարինե Ռաֆայելյանը Հայաստանի գրողների միության անդամ է։ Նրա արձակ և չափածո երկերը հրատարակվել են Հայաստանի գրողների միության անթոլոգիաներում։

Ստեղծագործական կյանք

Կարինե Ռաֆայելյանը ստեղծագործում է գեղարվեստական գրականության արձակ և չափածո ժանրում։ 1998թ. լույս է տեսել նրա առաջին գիրքը՝ «Երբ գիշերանա…» բանաստեղծությունների ժողովածուն։ Գրքում տեղ են գտել քնարական և խոհական բանաստեղծություններ։ 1999թ. հրատարակվել է բանաստեղծությունների երկրորդ՝ «Երկվություն» ժողովածուն, որում ընդգրկված բանաստեղծություններում շարունակվել են առաջին գրքի թեմաները, ինչպես նաև տեղ են գտել հայրենասիրական բանաստեղծություններ։ 2016թ. լույս է տեսել գրողի գեղարվեստական արձակ երկերի առաջին ժողովածուն՝ «Ժամանակի նոր չափումներում^[9]» վերնագրով։ Ժողովածուի մեջ ընդգրկված պատմվածքները մինչ այդ հրատարակված են եղել մամուլում և ընթերցվել Հայաստանի հանրային ռադիոյի եթերում։ Այս պատմվածքներում տեղ են գտել գրողի և նրա շրջապատի մարդկանց^[10] կյանքին առնչվող իրական և ոչ իրական պատմություններ^[11]։ 2023թ. հրատարակվել է Կարինե Ռաֆայելյանի պատմվածքների «Մենիկ» ժողովածուն^[12]^[13]։ Այստեղ գրողը^[14] հանդես է եկել ստեղծագործական նոր ոճով, անձնական և ոչ անձնական ապրումների դրամատիզմով^[15], լավատեսական մոտեցումներով^[16]։ 2024թ. լույս է տեսել^[17] «Հույսի շավիղ» վիպակների ժողովածուն^[18], որում ընդգրկված «Շավղից դուրս» և «Լռությունից անդին» վիպակները արժանացել են Հայաստանի գրողների միության անդամների համար հայտարարված գրական մրցույթների^[19] մրցանակներին^[20]։ Այս վիպակներում ընդգծված են ժամանակակից մարդու ապրումները՝ կապված Արցախյան հակամարտության, հայրենիքի ծանր իրավիճակի, ճակատագրական անցուդարձերի հետ^[21]։ Գեղարվեստական ժանրից զատ, Կարին Ռաֆայելյանը շարունակել է զբաղվել գրականագիտական, հրապարակախոսական, թարգմանական գործունեությամբ։ 2023թ. լույս է տեսել «Փոխատեղումներ» գրականագիտական հոդվածների^[22]^[23], թարգմանությունների, հարցազրույցների ժողովածուն։ Այստեղ ընդգրկվել են 1988-ից մինչ այսօր հրատարակված աշխատանքները։ 2024թ. հրատարակվել է «Հայը. ինքնանկար» ժողովածուն^[24], որում ներառված են հայ անվանի գրողների հայի տեսակին նվիրված ստեղծագործություններ^[25]։ և Կարինե Ռաֆայելյանի գրականագիտական աշխատությունը՝ «Դերենիկ Դեմիրճյանի «Հայը» և այլ հայապատումներ» վերնագրով։

Գրքեր

«Երբ գիշերանա...» (1998 թ., բանաստեղծությունների ժողովածու)
«Երկվություն» (1999 թ., բանաստեղծությունների ժողովածու)
«Ժամանակի նոր չափումներում» (2016 թ., պատմվածքների ժողովածու)
«Մենիկ» (2023 թ., պատմվածքների ժողովածու)
«Փոխատեղումներ» (2023 թ., գրականագիտական հոդվածների, թարգմանությունների, հարցազրույցների ժողովածու)
«Հայը․ ինքնանկար» (2024 թ., հայապատումներ և գրականագիտական ուսումնասիրություն, ժողովածուի կազմողն է, գրականագիտական ուսումնասիրության հեղինակը)
«Հույսի շավիղ» (2024 թ., վիպակների ժողովածու)

Արտաքին հղումներ

[1] ttps://www.azatutyun.am/a/31191459.html

[2] ttps://pakine.net/archives/1184

[3] ttps://www.grakantert.am/archives/1962

[4] ttp://www.irates.am/hy/1416297371

[5] ttps://www.gatmuseum.am/ru/museum/publications/247-h16

[6] ttps://www.grakantert.am/archives/11808

[7] ttp://www.irates.am/hy/1337366126

[8] ttp://ardi.am/mer-masin/authors/

[9] ttps://www.grakantert.am/archives/9363

[10] ttp://www.irates.am/hy/1478236390

[11] ttps://www.aravot.am/2016/10/28/820593/

[12] ttps://www.1lurer.am/hy/2023/08/26/%C2%AB%D5%84%D5%A5%D5%B6%D5%AB%D5%AF%C2%BB-%D6%87-%C2%AB%D5%93%D5%B8%D5%AD%D5%A1%D5%BF%D5%A5%D5%B2%D5%B8%D6%82%D5%B4%D5%B6%D5%A5%D6%80%C2%BB-%D4%BF%D5%A1%D6%80%D5%AB%D5%B6%D5%A5-%D5%8C%D5%A1%D6%86%D5%A1%D5%B5%D5%A5%D5%AC%D5%B5%D5%A1%D5%B6%D5%AB-%D5%B6%D5%B8%D6%80-%D5%A3%D6%80%D6%84%D5%A5%D6%80%D5%A8/984396

[13] ttps://www.aravot.am/2023/07/08/1353485/

[14] ttps://iravunk.com/sim/?p=263116&l=am

[15] ttp://ardi.am/karine-rafayelyani-menik-zhoghovatsui-masin/

[16] ttps://iravunk.com/?p=257956&l=am

[17] ttps://www.1lurer.am/hy/2024/05/01/%C2%AB%D5%80%D5%B8%D6%82%D5%B5%D5%BD%D5%AB-%D5%B7%D5%A1%D5%BE%D5%AB%D5%B2%C2%BB-%D4%BF%D5%A1%D6%80%D5%AB%D5%B6%D5%A5-%D5%8C%D5%A1%D6%86%D5%A1%D5%B5%D5%A5%D5%AC%D5%B5%D5%A1%D5%B6%D5%AB-%D5%B6%D5%B8%D6%80-%D5%A3%D5%AB%D6%80%D6%84%D5%A8/1118065

[18] ttps://armenpress.am/hy/article/1133970

[19] ttps://wua.am/%d5%a4%d5%a1%d6%80-21-%d5%b4%d6%80%d6%81%d5%a1%d5%b6%d5%a1%d5%af%d5%a1%d5%a2%d5%a1%d5%b7%d5%ad%d5%b8%d6%82%d5%a9%d5%b5%d5%b8%d6%82%d5%b6%d5%a8/

[20] ttps://wua.am/%d5%b4%d5%a1%d6%80%d5%a4-%d5%a1%d5%bd%d5%bf%d5%ae%d5%b8-%d5%a3%d6%80%d5%a1%d5%af%d5%a1%d5%b6-%d5%b4%d6%80%d6%81%d5%a1%d5%b6%d5%a1%d5%af%d5%a1%d5%a2%d5%a1%d5%b7%d5%ad%d5%b8%d6%82%d5%a9-2/

[21] ttps://www.kentron.tv/programs/entertaining/%D5%B3%D5%B7%D5%B4%D5%A1%D6%80%D5%BF%D5%B8%D6%82%D5%A9%D5%B5%D5%A1%D5%B6-%D5%BA%D5%A1%D5%B0%D5%A8-2/31904.html

[22] ttp://ardi.am/nor-grqer-karine-rafayelyanic/

[23] ttps://www.aravot.am/2023/08/24/1363639/

[24] ttps://www.aravot.am/2024/03/08/1404524/

[25] ttp://ardi.am/hayy-inqnankary-inqna-anachumi-dzevachap/

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]

[15]

[16]

[17]

[18]

[19]

[20]

[21]

[22]

[23]

[24]

[25]