Կատերինա Սակելարոպուլու

հույն դատավոր

Կատերինա Սակելարոպուլու (հուն․՝ Κατερίνα Σακελλαροπούλου, Եկատերինա Սակելարոպուլու, մայիսի 30, 1956(1956-05-30)[1][2], Սալոնիկ, Հունաստան[1][2]), Հունաստանի նախագահ, ով պաշտոնը կստանձնի 2020 թվականի մարտի 13-ին[5]: 2020 թվականի հունվարի 22-ին Խորհրդարանը ընտրել է նրան՝ փոխարինելու Պրոկոպիս Պավլոպուլոսին: Նախքան երկրի նախագահի պաշտոնը զբաղեցնելը, 2018 թվականի հոկտեմբերից եղել է Հունաստանի պետական խորհրդի՝ Գերագույն վարչական դատարանի առաջին կին նախագահը:

Կատերինա Սակելարոպուլու
Katerina Sakellaropoulou.jpg
 
Կուսակցություն՝ անկախ քաղաքական գործիչ
Կրթություն՝ Աթենքի համալսարան[1][2] և Պանթեոն-Ասսաս համալսարան[3]
Մասնագիտություն՝ դատավոր և քաղաքական գործիչ
Ծննդյան օր մայիսի 30, 1956(1956-05-30)[1][2] (63 տարեկան)
Ծննդավայր Սալոնիկ, Հունաստան[1][2]
Քաղաքացիություն Flag of Greece.svg Հունաստան[4]
 
Ինքնագիր Katerina Sakellaropoulou signature.svg

Պաշտոնը ստանձնելով՝ Սակելարոպուլուն կլինի Հունաստանի 13-րդ նախագահը (8-րդը Հելլենական Երրորդ Հանրապետության պատմության մեջ) և առաջին կինն այս պաշտոնում[6]:

ԿենսագրությունԽմբագրել

Սակելարոպուլուն ծնվել է Սալոնիկում: Նրա ընտանիքը սերում է Քսանտի պրեֆեկտուրայի Ստավրուպոլի քաղաքից: Իրավաբանություն է ուսանել Կապոդիստրիայի անվան Աթենքի ազգային համալսարանում, այնուհետև հանրային իրավունք է ուսումնասիրել Փարիզի II համալսարանում: 1980-ականների կեսերին ընդունվել է Պետական խորհրդի շարքերում և 2000 թվականին դարձել է խորհրդական[7]: 2015 թվականի հոկտեմբերին նշանակվել է Պետական խորհրդի փոխնախագահ, իսկ 2018 թվականի հոկտեմբերին միաձայն ընտրվել է Խորհրդի նախագահի պաշտոնում[8]:

Սակելարոպուլուն եղել է Պետական խորհրդի դատական գործառույթների ասոցիացիայի անդամ, ասոցիացիայում զբաղեցրել է բազմաթիվ պաշտոններ՝ գլխավոր քարտուղար (1985-1986), փոխնախագահ (2006-2008) և նախագահ (1993-1995, 2000-2001)[7]:

Ֆրանսիական կրթությամբ դատավորը 2018 թվականի հոկտեմբերին դարձել է երկրի առաջին կինը, որ զբաղեցնում է բարձրագույն դատարանի ղեկավարի պաշտոնը: Այս պաշտոնը նրան առաջ է մղել այն ժամանակվա ձախակողմյան Սիրիզա կուսակցության վարչակազմը՝ հենվելով Սակելարոպուլուի քաղաքացիական ազատությունների, էկոլոգիական և փոքրամասնությունների խնդիրների, փախստականների իրավունքների նկատմամբ զգայունությունից[9]:

Սակելարոպուլուն պարբերաբար հրատարակվում է գիտական ամսագրերում: Նա նաև իր ներդրումն է ունեցել «Ֆինանսական ճգնաժամը և շրջակա միջավայրի պաշտպանությունը պետական խորհրդի իրավասության շրջանակներում» գրքում (հուն․՝ Οικονομική κρίση και προστασία του περιβάλλοντος στη νομολογία του Συμβουλίου της Επικρατείας), Փափազիսիս հրատարակություն[10]:

«Արիս Սալոնիկի»-ի աջակիցներից է[11]:

Առաջադրում նախագահի պաշտոնումԽմբագրել

2020 թվականի հունվարի 15-ին Հունաստանի վարչապետ Կիրիակոս Միցոտակիսը Կատերինա Սակելարոպուլուին առաջադրել է Հունաստանի նախագահի պաշտոնում[12][13]:

ԾանոթագրություններԽմբագրել

  1. 1,0 1,1 1,2 1,3 1,4 1,5 1,6 Ποια είναι η Κατερίνα ΣακελλαροπούλουΗ Καθημερινή, 2020.
  2. 2,0 2,1 2,2 2,3 2,4 2,5 2,6 Κατερίνα Σακελλαροπούλου: Η πρώτη γυναίκα υποψήφια ως Πρόεδρος της ΔημοκρατίαςΈθνος, 2020.
  3. 3,0 3,1 BiblioNet.gr
  4. http://www.presidency.gr/proedros/
  5. «Parliament to elect Greece's first woman president»։ France 24 (անգլերեն)։ 2020-01-22։ Վերցված է 2020-01-22 
  6. «Πρόεδρος της Δημοκρατίας εξελέγη η Αικατερίνη Σακελλαροπούλου, του Γιώργου Σ. Μπουρδάρα | Kathimerini»։ www.kathimerini.gr։ Վերցված է 2020-01-22 
  7. 7,0 7,1 «Ποια είναι η πρώτη γυναίκα πρόεδρος του ΣτΕ, Αικατερίνη Σακελλαροπούλου»։ www.news.gr։ Վերցված է 2020-01-15 
  8. «Όλα τα ονόματα των προέδρων και αντιπροέδρων των Ανωτάτων Δικαστηρίων»։ www.iefimerida.gr։ Վերցված է 2020-01-15 
  9. https://www.theguardian.com/world/2020/jan/16/greece-first-female-president-katerina-sakellaropoulou-kyriakos-mitsotakis
  10. «Αικατερίνη Σακελλαροπούλου»։ www.biblionet.gr։ Վերցված է 2020-01-15 
  11. «Νέα Πρόεδρος της Δημοκρατίας: Η σχέση της Κατερίνας Σακελλαροπούλου με τη Θεσσαλονίκη»։ www.metrosport.gr։ Վերցված է 2020-01-16 
  12. «Greek PM taps top female judge as country's president»։ Reuters։ Վերցված է 2020-01-16 
  13. «Greek PM Taps Top Female Judge as Country's President»։ The New York Times։ Վերցված է 2020-01-16 
Նախորդող
Նիկոլաոս Սաքելարիու
Հունաստանի պետական խորհրդի նախագահ
Կատերինա Սակելարոպուլու

2018-այժմ
Հաջորդող
-