Կախի Կախիաշվիլի

Կախի Կախիաշվիլի (Ակակիոս Կակիաշվիլիս) (վրաց.՝ კახი კახიაშვილი, հուն․՝ Ακάκιος Κακισβίλης; 13 հուլիսի 1969, Ցխինվալ, Հարավ-Օսեթական ինքնավար մարզ, Վրացական ԽՍՀ, ԽՍՀՄ), սովետական, վրացական ու հունակաան հայտնի ծանրամարտիկ, օլիմպիական խաղերի եռակի չեմպիոն, աշխարհի եռակի չեմպիոն։

Կախի Կախիաշվիլի
Անձնական տեղեկություն
Սեռ՝	արական
Մականուն(ներ)՝	Ակակիոս Կակիաշվիլիս
Ազգություն՝	Վրաստան
Մասնագիտացում՝	ծանրամարտ
Երկիր՝	Հունաստան
Ծննդյան ամսաթիվ՝	13 հուլիսի, 1969
Ծննդավայր՝	Ցխինվալ Հարավ-Օսեթական ինքնավար մարզ Վրացական ԽՍՀ ԽՍՀՄ
Հասակ՝	176 սանտիմետր

Մարզչական մրցանակներ
Օլիմպիական խաղեր
Ոսկի	Բարսելոնա, 1992 (մինչև 90 կգ)
Ոսկի	Ատլանտա, 1996 (մինչև 99 կգ)
Ոսկի	Սիդնեյ, 2000 (մինչև 94 կգ)
Աշխարհի առաջնություններ
Արծաթ	Մելբուրն, 1993 (մինչև 91 կգ)
Արծաթ	Ստամբուլ, 1994 (մինչև 91 կգ)
Ոսկի	Գուանչժոու, 1995 (մինչև 99 կգ)
Ոսկի	Լախտի, 1998 (մինչև 94 կգ)
Ոսկի	Աթենք, 1999 (մինչև 94 կգ)

Կենսագրություն

Ծնվել է Վրացական ԽՍՀ կազմում գտնվող Հարավ-Օսեթական ինքնավար մարզի Ցխինվալ քաղաքում։

Կարիերան

Կախի Կախիաշվիլին սպորտով սկսել է զբաղվել 1980 թվականից՝ մարզիչ Ի. Ս. Գրիկուրովի ղեկավարության տակ։ Կախիաշվիլիի թե՛ սպորտային, թե՛ մարզչական կյանքում կարևոր նշանակություն ունեցավ Դոնի Ռոստով տեղափոխվելը։ Այստեղ տաղանդավոր ծանրամարտիկի համար ստեղծված էին կանոնավոր մարզումների բոլոր պայմանները։ Նա ապացուցեց, որ լիովին արժանի է լինել Միացյալ հավաքականի կազմում և 1992 թվականին մեկնել Բարսելոնա՝ Օլիմպիական խաղերի։ Այնտեղ Կախի Կախիաշվիլին գրավեց իր առաջին ոսկե մեդալը։ Օլիմպիադայից հետո նա մի ամբողջ տարի հանդես եկավ նորից վերաձևավորված Վրաստանի դրոշի ներքո։

Հունաստանի դրոշի ներքո

Սակայն արդեն 1994 թվականին՝ Եվրոպայի առաջնությունից հետո, Կախի Կախիաշվիլին արտագաղթում է Հունաստան և մինչև իր սպորտային կարիերայի ավարտը ներկայացնում է Հունաստանը՝ Ակակիոս Կակիաշվիլիս մարզական կեղծանունով։ Ատլանտայի Օլիմպիական խաղերում երկրորդ ոսկե մեդալին արժանանալուց հետո ծանրամարտիկն ասաց.

Իմ երկու ոսկե մեդալներից առաջինը ես հաղթեցի Վրաստանի համար, որտեղ ես ծնվել ու ապրել եմ մինչև 23 տարեկանը։ Բայց ես մեծ ցանկություն ունեի հաղթել ևս մեկը Հունաստանի համար՝ երկիր, որը ես սիրում եմ, և որտեղ ապրում եմ ծնողներիս հետ

:

2006 թվականին Կախի Կախիաշվիլիին տրվեց Վրաստանի քաղաքացիություն, ինչի մասին որոշումը կայացրել էր անձամբ նախագահ Միխեիլ Սաակաշվիլին։ 2010 թվականին նա ներգրավվեց ծանրամարտի փառքի սրահում։

Սպորտային նվաճումներ

Օլիմպիական խաղեր
Թվական	Անցկացման վայր	Ներկայացուցչություն	Կատեգորիա	Արդյունք	Գումար, կգ	Ձգում + հրում
1992	Բարսելոնա	ԽՍՀՄ Միացյալ Հավաքակա	մինչև 90 կգ	չեմպիոն	412,5	177,5 + 235
1996	Ատլանտա	Հունաստան	մինչև 90 կգ	չեմպիոն	420	185 + 235
2000	Սիդնեյ	Հունաստան	մինչև 94 կգ	չեմպիոն	405	185 + 220
2004	Աթենք	Հունաստան	մինչև 94 կգ	-	—	180 + -
Ծանրամարտի աշխարհի առաջնություն
1993	Մելբուրն	Վրաստան	մինչև 91 կգ	2-րդ տեղ	402,5	180 + 222,5
1994	Ստամբուլ	Հունաստան	մինչև 91 կգ	2-րդ տեղ	397,5	177,5 + 220
1995	Գուանչժոու	Հունաստան	մինչև 99 կգ	չեմպիոն	410	182,5 + 227,5
1998	Լախտի	Հունաստան	մինչև 94 կգ	չեմպիոն	400	180 + 220
1999	Աթենք	Հունաստան	մինչև 94 կգ	չեմպիոն	412,5	188 + 225
Ծանրամարտի Եվրոպայի առաջնություն
1992	Սեքսարդ	ԽՍՀՄ Միացյալ Հավաքական	մինչև 90 կգ	չեմպիոն	400	175 + 225
1993	Սոֆիա	Վրաստան	մինչև 91 կգ	չեմպիոն	402,5	180 + 222,5
1994	Սոկոլով	Վրաստան	մինչև 91 կգ	2-րդ տեղ	400	180 + 220
1995	Վարշավա	Հունաստան	մինչև 91 կգ	չեմպիոն	407,5	180 + 227,5
1996	Ստավանգեր	Հունաստան	մինչև 99 կգ	չեմպիոն	392,5	170 + 222,5
1998	Ռիզա	Հունաստան	մինչև 94 կգ	3-րդ տեղ	380	172,5 + 207,5
1999	Լա Կորունյա	Հունաստան	մինչև 94 կգ	2-րդ տեղ	402,5	177,5 + 225

Սահմանված ռեկորդներ

Կախիաշվիլին իր ամբողջ սպորտային կարիերայի ընթացքում սահմանել է յոթ համաշխարհային ռեկորդ։ Ձգման ռեկորդը՝ 188 կգ, ուժի մեջ է 1999 թվականից։ Երկամարտի գումարային ռեկորդը՝ 412 կգ, որը սահմանել է նույն թվականին, 12 տարի մնաց անհաղթահարելի, հետագայում այն բարելավեց Իլյա Իլյինը (Ղազախստան) 2012 թվականի Լոնդոնի օլիմպիական խաղերի ժամանակ։

Արտաքին հղումներ

• Վիճակագրական տվյալները Օլիմպիական ծանրամարտի պատմության կայքում (անգլ.)
• Կախիաշվիլիի հարցազրույցը «Հունաստանն այսօր» կայքում