Խոսե Լուիս Դոլգետա

Խոսե Լուիս Դոլգետա; իսպ.՝ José Luis Dolgetta
Քաղաքացիությունը	Վենեսուելա
Ծննդյան ամսաթիվ	օգոստոսի 1, 1970
Ծննդավայր	Վալենսիա, Վենեսուելա
Մահվան ամսաթիվ	հոկտեմբերի 31, 2023 (53 տարեկան)
Մահվան վայր	Գուայակիլ, Էկվադոր
Դիրք	հարձակվող

Խոսե Լուիս Դոլգետա (իսպ.՝ José Luis Dolgetta, օգոստոսի 1, 1970(1970-08-01), Վալենսիա, Վենեսուելա - հոկտեմբերի 31, 2023(2023-10-31)^[1], Գուայակիլ, Էկվադոր), վենեսուելացի ֆուտբոլիստ, հարձակվող, մարզիչ, հանդես է եկել Վենեսուելայի ֆուտբոլի ազգային հավաքականի կազմում^[2]։

Կենսագրություն

Ակումբային կարիերա

Խոսե Լուիս Դոլգետան սկսել է մեծահասակների կազմում հանդես գալ 1990 թվականին, իր հայրենի քաղաքի «Վալենսիա» ակումբում։ Դրանից հետո նա մի քանի ակումբ է փոխել Վենեսուելայում։ 1995/96 (22 գոլ) և 1997/98 (22 գոլ) մրցաշրջաններում Խոսե Լուիս Դոլգետան դարձել է ազգային առաջնության լավագույն ռմբարկու։

2000 թվականին նա Էկվադորում խաղացել է «Թեքնիկո Համալսարան» (Tecnico Universitario) ակումբում, ապա վերադարձել հայրենիք։ 31 տարեկանում նա ավարտել է իր խաղային կարիերան։

Ազգային հավաքականում

1993 թվականից Խոսե Լուիս Դոլգետան հանդես է եկել Վենեսուելայի ազգային հավաքականում։ 1993 թվականի Ամերիկայի գավաթի խաղարկությունում նա դարձել է մրցաշարի լավագույն ռմբարկու՝ երեք խաղում խփելով 4 գոլ՝ մեկական գոլ Էկվադորի ֆուտբոլի ազգային հավաքականի (1:6) և Ուրուգվայի ֆուտբոլի ազգային հավաքականի (2:2) դեմ, իսկ դուբլի հեղինակ դարձավ Միացյալ Նահանգների ֆուտբոլի ազգային հավաքականի դեմ խաղում (3:3)։

Ամերիկայի Գավաթի հաջորդ մրցաշարում՝ 1995 թվականին, նա մեկական գոլ է խփել Ուրուգվայի (1:4) և Պարագվայի ֆուտբոլի ազգային հավաքականի (2:3) դարպասներին։ Նրա թիմը պարտվել է բոլոր երեք խաղերում։ 6 գոլով Ամերիկայի գավաթի խաղարկություններում Խոսե Լուիս Դոլգետան ճանաչվել է Վենեսուելայի հավաքականի լավագույն ռմբարկուն։

Հավաքականի կազմում Խոսե Լուիս Դոլգետան վերջին հանդիպումն անցկացրել է 1997 թվականին։ Ընդհանուր առմամբ, հարձակվողը 22 խաղ է անցկացրել հավաքականի կազմում և դարձել 6 գոլի հեղինակ։

Մարզչական կարիերա

2000 թվականնի սկզբից աշխատել է որպես մարզիչ՝ գլխավորելով բարձրագույն և երկրորդ դիվիզիոնների թիմերը, սակայն մեծ հաջողությունների չի հասել։

Մահ

Խոսե Լուիս Դոլգետան մահացել է սրտի կաթվածից, 2023 թվականի հոկտեմբերի 31-ին^[3]։

Ծանոթագրություններ

↑ ^1,0 ^1,1 ^1,2 Fallece José Luis Dolgetta, único goleador venezolano en una Copa América (իսպ.)
↑ Ֆուտբոլիստի էջը National Football Teams կայքում(անգլ.)
↑ Fallece José Luis Dolgetta, único goleador venezolano en una Copa América (es)

Արտաքին հղումներ

Վիճակագրություն FIFA-ի կայքում(անգլ.)

[_796c0d180a1c8092-1] 1,0 ^1,1 ^1,2 Fallece José Luis Dolgetta, único goleador venezolano en una Copa América (իսպ.)

[NFT-2] Ֆուտբոլիստի էջը National Football Teams կայքում(անգլ.)

[3] Fallece José Luis Dolgetta, único goleador venezolano en una Copa América (es)

[1]

[2]

[3]