Լևոն Ալիզռնանցի

Լևոն Ալիզռնանցի (ծննդյան թվականն անհայտ է, գյուղ Ալիզռնան, Մշո դաշտ - 1893, Խնուս), հայ ազգային ազատագրական շարժման գործիչ, հայդուկային շարժման սկզբնավորողներից։ Հայ հեղափոխական Դաշնակցություն կուսակցության անդամ։ Գործակցել է Արաբոյի հետ, որի ձերբակալությունից հետո գլխավորել Է նրա հայդուկային խումբը։ Գևորգ Չավուշի հետ իրականացրել Է Արաբոյին մատնող Ալիզըռնան գյուղի դավաճան ռես (գյուղապետ) Կրպոյի ահաբեկմանը։ 1890 թվականին անցել է Կովկաս։ 1893 թվականի գարնանը Սասունի ապստամբներին օգնելու նպատակով Արաբոյի խմբի կազմում Կարսի մարզից անցել է ռուս-թուրքական սահմանը` ուղղություն վերցնելով Խնուս-Մուշ։ Ճանապարհին` Խոզլուի սարերի մեջ քրդերի հետ կռվի ժամանակ Ալիզռնանցի Լևոնը սպանվել է։

Լևոն Ալիզռնանցի
Ծնվել է	անհայտ
Ծննդավայր	Ալիզռնան, Մուշ, Թուրքիա
Մահացել է	1893 թվականի գարուն
Մահվան վայր	Խնուս, Էրզրումի վիլայեթ, Օսմանյան կայսրություն
Քաղաքացիություն	Օսմանյան կայսրություն
Մայրենի լեզու	հայերեն
Մասնագիտություն	ֆիդայի
Կուսակցություն	ՀՅԴ

Գրականություն

• «Յեղափոխական ալպոմ», հատ. 6, խմբ. Աւօ, Պէյրութ, 1965, էջ 62-64։
• Հայկական հարց հանրագիտարան, Երևան, 1996, էջ 23։

Այս հոդվածի կամ նրա բաժնի որոշակի հատվածի սկզբանական տարբերակը վերցված է «Հայկական հարց» հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։