Լուիզա Սամվելյան

հայ թատերագետ

Լուիզա Օնիկի Սամվելյան (օգոստոսի 11, 1926(1926-08-11), Լիոն - դեկտեմբերի 8, 1999(1999-12-08), Երևան, Հայաստան), հայ թատերագետ, արվեստագիտության դոկտոր (1968), պրոֆեսոր (1972

Լուիզա Սամվելյան
Դիմանկար
Ծնվել էօգոստոսի 11, 1926(1926-08-11)
ԾննդավայրԼիոն
Մահացել էդեկտեմբերի 8, 1999(1999-12-08) (73 տարեկան)
Մահվան վայրԵրևան, Հայաստան
ՔաղաքացիությունFlag of Armenia.svg Հայաստան
Ազգությունհայ
ԿրթությունԵրևանի պետական գեղարվեստաթատերական ինստիտուտ
Գիտական աստիճանարվեստագիտության դոկտոր և պրոֆեսոր
Մասնագիտությունթատերագետ

ԿենսագրությունԽմբագրել

Ծնվել է 1926 թվականի օգոստոսի 11-ին, Ֆրանսիայի Լիոն քաղաքում։ 1936 թվականին ներգաղթել է Խորհրդային Հայաստան։ 1949 թվականին ավարտել է Երևանի Թատերական ինստիտուտի թատերագիտական ֆակուլտետը։ 1949-1970 թվականներին դասախոսել է Երևանի գեղարվեստա-թատերական ինստիտուտում։ 1950 թվականին ընդունվել է Մոսկվայի Լունաչարսկու անվան Թատերական ինստիտուտի ասպիրանտուրան։ 1961 թվականին «Շեքսպիրը հայ բեմում՝ նախասովետական շրջան» թեմայով դիսերտացիա է պաշտպանել և ստացել արվեստագիտության թեկնածուի աստիճան, 1968 թվականին՝ «Շեքսպիրը և հայ գրական ու թատերական մշակույթը» թեմայով դիսերտացիա և ստացել Արվեստագիտության դոկտորի աստիճան։ 1970-1975 թվականներին եղել է Երևանի Հայկական մանկավարժական ինստիտուտի կուլտուրայի ֆակուլտետի գեղագիտության և արվեստների պատմության, 1975-1978 թվականներին՝ Երևանի Ռուսաց և օտար լեզուների մանկավարժական ինստիտուտի, 1978-1982 թվականներին՝ Երևանի Պետական համալսարանի արտասահմանյան գրականության ամբիոնների վարիչ։ Լուիզա Սամվելյանը հեղինակ է մի շարք ուսումնասիրությունների, հոդվածների, որոնք վերաբերում են հայ թատրոնի, մասնավորապես հայ շեքսպիրյան թատրոնի պատմության ու տեսության հարցերին, նշանավոր դերասանների ու ռեժիսորների ստեղծագործությանը[1][2]։ Ռուսերեն լույս է տեսել Սամվելյանի «Վաղարշ Վաղարշյան» մենագրությունը (Մոսկվա, 1960):

ԵրկերԽմբագրել

  • Շեքսպիրը հայ բեմում, նախասովետական շրջան։ Երևան, «Գիտելիք», 1959, 37 էջ։
  • Ադամյանը և Շեքսպիրի կերպարները, Երևան, Հայպետհրատ, 1961, 246 էջ[3]։
  • Լևոն Քալանթար, Երևան, Հայկական թատերական ընկերություն, 1965, 249 էջ։
  • Գուրգեն Ջանիբեկյան, Երևան, Հայկական թատերական ընկերություն, 1970, 377 էջ։
  • Շեքսպիրը և հայ գրական ու թատերական մշակույթը (նախասովետական շրջան), Երևան, «Հայաստան», 1974, 660 էջ[4]։
  • Ժաննա Թովմասյան, Երևան, Հայկական թատերական ընկերություն, 1975, 101 էջ։
  • Շեքսպիրի ժառանգորդները, Երևան, 1979:
  • Կինը հայ բեմարվեստում, Երևան, «Գիտելիք», 1980, 42 էջ։
  • Труд актёра․ В. Вагаршян, М․, 1960 թ.

ԾանոթագրություններԽմբագրել

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 10, էջ 161