Լոխ Նեյ

Լոխ Նեյ (իռլանդերեն՝ Loch nEathach [ɫ̪ɔx ˈn̠ʲahax], անգլ.՝ Lough Neagh [ˌlɒx ˈneɪ]), քաղցրահամ լիճ Հյուսիսային Իռլանդիայում։ Լճի մակերեսը կազմում է 396 կմ²։ Մեծ Բրիտանիայի, ինչպես նաև Իռլանդիա կղզու խոշորագույն լիճն է։ Լիճը մոտավորապես ունի 30 կմ երկարություն և 15 կմ լայնություն։ Լոխ Նեյ լիճը գտնվում է Բելֆաստից 30 կմ դեպի արևմուտք։ Լիճը շատ խորը չէ, մասնավորապես առափնյա շրջաններում, միջին խորությունը կազմում է մոտ 9 մ, առավելագույն խորությունը՝ մոտ 31 մ։

Լոխ Նեյ Lough Neagh Loch nEathach
Լոխ Նեյ լիճը
Կոորդինատներ
54°36′31″ հս․. լ. 6°21′50″ ամ. ե.
Կոորդինատներ
Տեղագրություն	Արևմտյան Եվրոպա
Երկիր	Միացյալ Թագավորություն
Վարչատարածքային բաժանում	Հյուսիսային Իռլանդիա
Հայելու բացարձակ բարձրությունը	16 մ
Ավազանի մակերեսը	396 կմ²
Ծավալը	3,528 կմ³
Ամենամեծ խորությունը	31 մ
Միջին խորությունը	9 մ
Ջրահավաքի մակերեսը	4550 կմ²
Լոխ Նեյ (Հյուսիսային Իռլանդիա)
	Վիքիպահեստում

Լճում տարածված են այնպիսի ձկնատեսակներ, ինչպիսիք են կարմրախայտը և օձաձուկը։

Աշխարհագրություն

Ունենալով 392 կմ² մակերես, լիճը համարվում է Բրիտանական կղզիների ամենախոշոր լիճը, և մտնում է Եվրոպայի 40 խոշոր լճերի թվի մեջ։ Գտնվում է Բելֆաստից 30 կմ (20 մղոն) հեռավորության վրա։

Հիդրոլոգիա

Ջրհավաքի մակերեսը կազմում է 4550 կմ², որից 9 %-ը գտնվում է Իռլանդիայի տարածքում, իսկ 91 %-ը՝ Հյուսիսային Իռլանդիայի տարածքում։ Ընդհանուր առմամբ Հյուսիսային Իռլանդիայի ցամաքային տարածքի 43 %-ը պատկանում է լճի ջրհավաքի մակերեսին։ Լիճը հյուսիսում Բանն գետով հոսք ունի դեպի Ատլանտյան օվկիանոս։

Չնայած, որ Լոխ Նեյ լիճն օգտագործվում է ռեկրեացիոն և կոմերցիոն նպատակներով, քամոտ եղանակին այն կարող է մրրկածուփ լինել։ Բացի այդ, լիճն օգտագործվում է որպես խմելու ջրի աղբյուր։

Անվանում

Անվանման մեջ հանդիպող Լոխ բառը շատ տարածված է Շոտլանդիայի, Իռլանդիայի, Ուելսի աշխարհագրական անուններում։ Այն կելտերեն նշանակում է «լիճ»։

Հին իռլանդական առասպելը պատմում է այն մասին, թե ինչպես է գոյացել լիճը։ Հայտնի իռլանդացի հերոս Ֆին Մակ Կումալը վերցրեց մի բուռ հող և նետեց այն Շոտլանդիա, բայց հողն ընկել է Իռլանդական ծով, այսպես առաջացել է Մեն կղզին։ Իսկ այն վայրն, որտեղից Ֆինը վերցրել է հողը, լիճ է գոյացել, որն այժմ հայտնի է Լոխ Նեյ անվանումով։

Քաղաքներ և գյուղեր

Լճի մոտակայքում գտնվող քաղաքներն ու գյուղերն են՝ Քրեյգավոն, Անտրիմ, Կրումլին, Ռանդալսթաուն, Լուրգան և Մարաֆելթ։

Պատկերասրահ

• 
  Լոխ Նեյ լիճը Թայրոն կոմսությունում
• 
  Լոխ Նեյը Արդմոր կետի մոտ
• 
  Լոխ Նեյ լիճը Շեյն ամրոցի մոտ, Անտրիմ կոմսություն
• 
  Լոխ Նեյը Գոլի դարպասների մոտ, Անտրիմ կոմսություն
• 
  Լոխ Նեյ լիճը Մագերիի մոտ, Արմա կոմսություն
• 
  Լոխ Նեյը Բալիրոնան քաղաքի մոտ, Լոնդոնդերի կոմսություն

Արտաքին հղումներ

• http://www.discoverloughneagh.com Արխիվացված 2020-02-21 Wayback Machine (անգլ.)
• http://www.loughneaghrescue.co.uk (անգլ.)
• http://www.loughneaghboats.org Արխիվացված 2019-01-22 Wayback Machine (անգլ.)

Վիքիպահեստն ունի նյութեր, որոնք վերաբերում են «Լոխ Նեյ» հոդվածին։