Լյուբեն Գոցև
Լյուբեն Գոցև (բուլղար․՝ Любен Стоянов Гоцев, մարտի 3, 1930, Սոֆիա, Բուլղարիայի թագավորություն - հոկտեմբերի 7, 2020, Սոֆիա, Բուլղարիա), բուլղար ռազմական և քաղաքական գործիչ, Բուլղարիայի կոմունիստական կուսակցության և նրա ժառանգորդ՝ Բուլղարիայի սոցիալիստական կուսակցության անդամ։ 1990 թվականի սեպտեմբերից մինչև դեկտեմբեր եղել է Բուլղարիայի արտաքին գործերի նախարար։ Գեներալ։
Լյուբեն Գոցև բուլղար․՝ Любен Гоцев | |
Կուսակցություն՝ | Բուլղարիայի կոմունիստական կուսակցություն, Workers Youth League? և Բուլղարիայի սոցիալիստական կուսակցություն |
---|---|
Կրթություն՝ | Միջազգային հարաբերությունների Մոսկվայի պետական ինստիտուտ |
Մասնագիտություն՝ | սպա, քաղաքական գործիչ և ռազմական գործիչ |
Ծննդյան օր | մարտի 3, 1930 |
Ծննդավայր | Սոֆիա, Բուլղարիայի թագավորություն |
Վախճանի օր | հոկտեմբերի 7, 2020 (90 տարեկան) |
Վախճանի վայր | Սոֆիա, Բուլղարիա |
Քաղաքացիություն | Բուլղարիա |
Ի ծնե անուն | բուլղար․՝ Любен Стоянов Гоцев |
Կենսագրություն
խմբագրելԼյուբեն Գոցևը ծնվել է 1930 թվականի մարտի 3-ին Սոֆիայում։ 1944 թվականին դարձել է Բանվորական երիտասարդական միության անդամ։ 1960 թվականին ավարտել է Մոսկվայի միջազգային հարաբերությունների պետական ինստիտուտը` «Միջազգային հարաբերություններ» մասնագիտությամբ։ 1961 թվականից համարվել է Բուլղարիայի պետական անվտանգության կոմիտեի առաջին գլխավոր վարչության հաստիքային աշխատակից[1]։ Դիվանագետի տեսքով պաշտպանության տակ աշխատել է Նյու Յորքի ՄԱԿ-ի Բուլղարիայի մշտական ներկայացուցճությունում (1963-1968, 1971-1974)։ 1974-1982 թվականներին եղել է Բուլղարիայի պետական անվտանգության կոմիտեի առաջին գլխավոր վարչության պետի տեղակալ։
1982 թվականից մինչև 1989 թվականը եղել է արտաքին գործերի նախարարի տեղակալ, 1989 թվականի դեկտեմբերից մինչև 1990 թվականի մարտը՝ արտաքին գործերի նախարարի առաջին տեղակալ, 1990 թվականի սեպտեմբերից մինչև դեկտեմբերը՝ Անդրեյ Լուկանովի առաջին և երկրորդ կառավարություններում եղել է արտաքին գործերի նախարար[1]։ 1991 թվականի փետրվարից մինչև դեկտեմբերը Նիդեռլանդներում եղել է Բուլղարիայի դեսպան[2]։ 1992 թվականից թոշակառու է։
1990 թվականի մարտից մինչև հունիսը Գոցևը ղեկավարել է Բուլղարիայի կոմունիստական կուսակցության ընտրական շտաբը։ Մեծ Ազգային Ժողովի 7-րդ համագումարի պատգամավոր և ազգային անվտանգության պառլամենտական հանձնաժողովի նախագահ։ Լյուբեն Գոցևը Բուլղարիայի սոցիալիստական կուսակցությունում 1997 թվականից համարվում է Միասնության և զարգացման համար շարժման հիմնադիրներից մեկը։
1993 թվականից հետո զբաղվել է մասնավոր բիզնեսով։ 1996 թվականի ստեղծել է «Սուրբ Նիկոլա» ազգային մասնավոր ֆոնդը, 1999 թվականին դարձել է «Юкос петролеум България»-ի տնօրենների խորհրդի անդամ, որը վերակազմավորվել է «Нафтекс»-ի[1]։
Անձնական կյանք
խմբագրելԼյուբեն Գոցևն ամուսնացած է, ունի երկու դուստր, երկու թոռ և երկու թոռնուհի։
Ծանոթագրություններ
խմբագրել- ↑ 1,0 1,1 1,2 «Христов, Христо. Агентите на Държавна сигурност в правителствата на Андрей Луканов». Արխիվացված է օրիգինալից 2011 թ․ նոյեմբերի 18-ին. Վերցված է 2012 թ․ հուլիսի 23-ին.
- ↑ Ташев, Ташо. Министрите на България 1879—1999. — София: АИ «Проф. Марин Дринов» / Изд. МО, 1999. — ISBN 978-954-430-603-8 / 978-954-509-191-9.
Գրականություն
խմբագրել- Задочни интервюта с Любен Гоцев. С., Международни отношения, 2005.
- Зоя Димитрова. Любен Гоцев - човекът в сянка. С., Millenium, 2010.