Լի Մին (չինարեն՝ 李明հունվարի 26, 1971(1971-01-26)[1], Դալյան, Լյաոնին, Չինաստան), չինացի ֆուտբոլիստ, խաղում է կիսապաշտպանի դիրքում։ 1990 թվականից մինչև 2000 թվականը հանդես է եկել Չինաստանի ֆուտբոլի ազգային հավաքականում։ Կարիերան ավարտելուց հետո դարձել է «Դալյան Աերբին» ՖԱ-ի նախագահ։ 2011 թվականին ակումբը հաղթել է Չինաստանի առաջնությունը և իրավունք ստացել մասնակցելու Չինաստանի սուպերլիգային։ Որպես ֆուտբոլիստ մեծ հեղինակություն էր վայելում. ամբողջ կարիերայում նա խաղացել է մեկ ակումբում՝ «Դալյան Վանդա», որը չինական ֆուտբոլում երկար տարիներ է ապրել։ «Դալյան Վանդա» ակումբի կազմում նվաճել է 8 չեմպիոնական տիտղոս, նաև 3 անգամ հաղթել է Չինաստանի առաջնություններում։ Բնութագրվում է որպես ամենաշնորհալի ֆուտբոլիստներից մեկը չինական ֆուտբոլում։ Ազգային հավաքականում խաղացել է 141 խաղ, որը ներկայից դրությամբ ռեկորդ է ՉԺՀ-ում[2]։
Լի Մինան «Դալյան Վանդա» ֆուտբոլային ակումբի խաղացող էր։ հանդես է եկել 1989 թվականից։ Ամբողջ կարիերան ֆուտբոլիստը խաղացել է մեկ ակումբում՝ «Դալյան Վանդա» (2000 թվականից արդեն «Դալյան Շիդե»)։ Հանդես է եկել աջ կիսպաշտպանի դիրքում։ 1994 թվականին Լի Մինի թիմին հաջողվում է հաղթել Չինաստանի առաջնությունը, դրանից հետո մի քանի մրցաշրջան ակումբը եղել է Չինաստանի լավագույնը[3]։ 1994 թվականից մինչև 2002 թվական «Դալյան» ակումբը արժանացել է 8 տիտղոսի։ 1996 թվականի մրցաշրջանը ակումբի համար ռեկորդային էր. «Դալյան» ակումբը ավարտել է մրցաշրջանը առանց պարտության[4]։