Լյաոնին, նահանգ Չինաստանի հյուսիս-արևելքում։ Սահմանակից է Հյուսիսային Կորեային (ԿԺԴՀ), հարավում ողողվում է Դեղին ծովով։ Տարածությունը 230 հազար կմ2 է, բնակչությունը՝ 42 591 407 մարդ (նոյեմբերի 1, 2020)[2][3], վարչական կենտրոնը՝ Շենյան։ Խոշոր բնակավայրերից է նաև Դալյան քաղաքը։ Ընդգրկում է Սունլյաո հարթավայրի մի մասը, Մանջուրա-Կորեական և Ժեխե լեռների ճյուղավորությունները։ Կլիման մուսսոնային է, շոգ և խոնավ ամառով, ցուրտ և սակավաձյուն ձմեռով։ Տարեկան տեղումները 500-1000 մմ են։ Խոշոր գետը Լյաոհեն է։ Բուսածածկույթում գերակշռում են տափաստանները, լեռներում՝ լայնատերև և փշատերև անտառները։ Լյաոնին Չինաստանի արդյունաբերական կարևոր շրջանն է։ Տալիս է երկրում արդյունահանվող քարածխի, երկաթահանքի, թերթաքարերի և էլեկտրաէներգիայի մեծ մասը։ Գյուղատնտեսության մեջ գերակշռում է հացահատիկի, հատիկաընդավորների, բամբակի, կանեփի, ծխախոտի և բանջարաբոստանային կուլտուրաների մշակումը։ Զարգացած են նաև պտղաբուծությունը, շերամապահությունն ու ձկնորսությունը։ Գլխավոր նավահանգիստներն են Լյույդան, Ինկոուն։

Լյաոնին
ԵրկիրՉինաստանի Ժողովրդական Հանրապետություն Չինաստան
ԿարգավիճակՉինաստանի պրովինցիա
Մտնում էՉինաստան
ՎարչկենտրոնՇենյան
Ամենաբարձր կետMount Huabozi?
Օրենսդրական մարմինLiaoning Provincial People's Congress?[1]
Բնակչություն42 591 407 մարդ (նոյեմբերի 1, 2020)[2]
Տարածք145 900 կմ²
Հիմնադրված է1907 թ.
Սահմանակցում էՀեբեյ, Ներքին Մոնղոլիա և Գիրին
Ժամային գոտիUTC+8
ՀապավումЛяонин, 辽宁, LN և
ՓոխարինեցLiaodong?
ISO 3166-2 կոդCN-LN
ln.gov.cn
Բուդդայի պալատն Անշանում

Նահանգի անվանումը, չինարենից թարգմանած, նշանակում է «ոսկե եռանկյունի»[4]։

Պատկերասրահ խմբագրել

Ծանոթագրություններ խմբագրել

  1. National Database of Laws and Regulations — 2021.
  2. 2,0 2,1 2,2 ՉԺՀ յոթերորդ ազգային մարդահամար
  3. «Communiqué of the Seventh National Population Census (No. 3)» (անգլերեն). National Bureau of Statistics of China.
  4. «Liaoning Travel Guide: Map, History, Sightseeing, Ethnic Minority, Climate». Վերցված է 2010 թ․ մարտի 14-ին.

Արտաքին հղումներ խմբագրել

Վիքիճամփորդն ունի Liaoningին առնչվող զբոսաշրջային տեղեկատվություն։


Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 4, էջ 641