Դանիել Իոաննիսյան
Դանիել Իոաննիսյան (նոյեմբերի 27, 1987), հայ սորոսական[1][2], հասարակական գործիչ[3][4][5][6], «Իրազեկ քաղաքացիների միավորում» հասարակական կազմակերպության հիմնադիր և ծրագրերի համակարգող[7]։
| Դանիել Իոաննիսյան | |
|---|---|
 | |
| Ծնվել է | նոյեմբերի 27, 1987 (36 տարեկան) |
| Քաղաքացիություն |  Հայաստան |
| Կրթություն | Երևանի պետական համալսարան |
| Մասնագիտություն | ֆիզիկոս և հասարակական գործիչ |
Կենսագրություն
խմբագրելԾնվել է 1987 թվականի նոյեմբերի 27-ին։ 2011 թվականին ավարտել է ԵՊՀ ֆիզիկայի ֆակուլտետի մագիստրատուրան։ 2007 թվականից գործունեություն է ծավալել Հայաստանի ընդդիմադիր քաղաքական դաշտում («Ժառանգություն» կուսակցությունում)։ Իսկ 2010-2011 թվականներին աշխատել է 4-րդ գումարման ՀՀ Ազգային ժողովում՝ որպես պատգամավոր Լարիսա Ալավերդյանի օգնական՝ պատրաստելով իրավապահ համակարգի օրենսդրական փոփոխությունների տարբեր փաթեթներ։ 2011 թվականից աշխատել է տարբեր տեղական լրատվամիջոցների համար, աշխատել է որպես իրավապահ համակարգի վերլուծաբան, այդ թվում՝ եղել է սյունյակավար «ՀԵՏՔ» առցանց պարբերականում, ինչպես նաև թղթակից և ոստիկանության հարցերով փորձագետ «Հայկական ժամանակ» օրաթերթում։ 2013 թվականին Իոաննիսյանը թողել է քաղաքական դաշտում իր անմիջական մասնակցությունը և 2014 թվականին հիմնել է «Իրազեկ քաղաքացիների միավորում» հասարակական կազմակերպությունը[7]։
Դանիել Իոաննիսյանը ցուցաբերել է հանրային ակտիվություն, մասնավորապես՝ բարեփոխումների և ընտրական գործընթացների բարելավման ոլորտներում։
2016 թվականից հանդիսանում է «Անկախ դիտորդ» դիտորդական առաքելության խոսնակ, իսկ ապա շտաբի համակարգող։ 2018 թվականին զբաղեցրել է վարչապետին առընթեր ընտրական օրենսդրության բարեփոխումների հանձնաժողովի քարտուղարի պաշտոնը[8]։ Որպես «Իրազեկ քաղաքացիների միավորման» ներկայացուցիչ՝ 2019 թվականից հակակոռուպցիոն քաղաքականության խորհրդի անդամ է[9]։ Նույն թվականի դեկտեմբերից կառավարության նշանակմամբ հանդիսանում է Հանրային խորհրդի անդամ[10]։ 2020-2022 թթ․՝ ոստիկանության բարեփոխումները համակարգող խորհրդի անդամ[11]։ 2020 թվականին վարչապետի որոշմամբ ընդգրկվել է Սահմանադրական բարեփոխումների մասնագիտական հանձնաժողովի կազմում[12], որտեղ վերանշանակվել է 2022 թվականի հունվարին[13]։
2020 թվականի 44-օրյա պատերազմի ընթացքում Դանիել Իոաննիսյանն Արցախում հավաքագրում էր փաստեր Ադրբեջանի գործած ռազմական հանցագործությունների ու արգելված զինատեսակների օգտագործման մասին, որոնք տեղ են գտել մի շարք միջազգային զեկույցներում[14]։
Տնօրենների հայցը ընդդեմ Իոաննիսյանի
խմբագրել2017 թվականի ապրիլի 2-ին կայացած Հայաստանի խորհրդարանական ընտրություններից առաջ՝ մարտի 24-ին Դանիել Իոաննիսյանի հիմնած «Իրազեկ քաղաքացիների միավորումը» sut.am[15] կայքում ձայնագրություններ էր հրապարակել, որոնք փաստում էին, որ դպրոցների ու մանկապարտեզների 114 տնօրեններ զբաղված են եղել իշխող Հայաստանի Հանրապետական կուսակցության օգտին ձայներ հավաքագրելով։ Ընտրություններից հետո՝ ապրիլի 10-ին 30 տնօրեններ «զրպարտանք և բարի համբավի արատավորում» մեղադրանքով հայց են ներկայացրել Աջափնյակ և Դավթաշեն վարչական շրջանների ընդհանուր իրավասության դատարան[16], պահանջելով պարտավորեցնել Դանիել Իոաննիսյանին հերքում հրապարակել և փոխհատուցել իրենց պատճառած վնասը, յուրաքանչյուրին վճարել 2 միլիոն դրամ, իսկ ընդհանուր առմամբ՝ 60 միլիոն դրամ[17][18][19]։
Տնօրենների փաստաբան Հարություն Հարությունյանը պնդում է, որ «տարածվել են զրպարտիչ նյութեր»[18]։ Իոաննիսյանի փաստաբան Արամազդ Կիվիրյանը, մինչդեռ, ասում էր, որ Իոաննիսյանն «ընդամենը արձանագրել է փաստը, և դրանում որևէ զրպարտություն չկա»[18]։ 2017 թվականի հուլիսին բոլոր 30 տնօրենները հրաժարվեցին հայցադիմումներից։
Ծանոթագրություններ
խմբագրել- ↑ ««Ընտրական օրենսգրքի ընդունման հրատապություն չեմ տեսնում, բայց չեմ բացառում արտահերթ ընտրությունների հավանականությունը»․ Դանիել Իոննիսյան» հոդված civic.am կայքում, (արխիվացված 25․05․2024 թվականին)։
- ↑ «Հայաստանի բնակչության 74 տոկոսը, ըստ IRI-ի հարցման, ուզում է, որ Ընտրական օրենսգիրքը փոփոխվի․ Դանիել Իոաննիսյան» հոդված civic.am կայքում, (արխիվացված 25․05․2024 թվականին)։
- ↑ «Ամերիկայում ես կարևոր մարդկանց հետ հանդիպումներ եմ ունենալու․ Իոաննիսյան» հոդված yerevan.today կայքում, (արխիվացված 28․07․2023 թվականին)։
- ↑ «Անկախ դիտորդ» դաշինքը հանցագործության մասին երկու հաղորդում է ուղարկել․ Դանիել Իոաննիսյան
- ↑ «Եթե Սորոսի հիմնադրամը ցանկանար գործել Արցախում, այդպես էլ կլիներ. Դանիել Իոաննիսյան» հոդված politik.am կայքում, (արխիվացված 28․07․2023 թվականին)։
- ↑ [ https://hayacq.com/46533--.html «Եթե Սորոսի հիմնադրամը ցանկանար գործել Արցախում, այդպես էլ կլիներ. Դանիել Իոաննիսյան» հոդված hayacq.com կայքում,] (արխիվացված 28․07․2023 թվականին)։
- ↑ 7,0 7,1 «մեր թիմը | Իրազեկ քաղաքացիների միավորում». 2016 թ․ հունվարի 8. Վերցված է 2022 թ․ մարտի 25-ին.
- ↑ «Ստեղծվել է վարչապետին առընթեր ընտրական օրենսդրության բարեփոխումների հանձնաժողով». Hetq.am. Վերցված է 2022 թ․ մարտի 25-ին.
- ↑ https://anti-corruption.gov.am/__vfs/304
- ↑ «Կառավարության որոշումներ - Հայաստանի Հանրապետության էլեկտրոնային կառավարում | e-gov». www.e-gov.am. Վերցված է 2022 թ․ մարտի 25-ին.
- ↑ «Հայտարարություն՝ Ոստիկանության բարեփոխումները համակարգող խորհրդի անհատական կազմում հասարակական կազմակերպությունների ներգրավման նպատակով հայտարարված մրցույթի արդյունքների ամփոփման վերաբերյալ».
- ↑ https://www.e-gov.am/u_files/file/decrees/varch/2020/02/20-181.pdf
- ↑ «Մրցութային կարգով ընտրվել են Սահմանադրական բարեփոխումների խորհրդում ընդգրկվող հասարակական կազմակերպությունները և արտախորհրդարանական կուսակցությունները». www.moj.am (անգլերեն). Վերցված է 2022 թ․ մարտի 25-ին.
- ↑ «Azerbaijan: Cluster Munitions Used in Nagorno-Karabakh». Human Rights Watch (անգլերեն). 2020 թ․ հոկտեմբերի 23. Վերցված է 2022 թ․ մարտի 25-ին.
- ↑ «Ցուցակ Հանրապետական կուսակցության համար ընտրողներին ցուցակագրող դպրոցների տնօրենների» անվանումով ցուցակը sut.am կայքում
- ↑ Իոաննիսյան․ Տպավորությունս այնպիսին է, որ հայցադիմումները ի սկզբանե գրված էին ՀՀԿ-ի անունից ներկայացնելու համար
- ↑ «Իրավապաշտպաններ. տնօրենների հայցն՝ ընդդեմ Դանիել Իոաննիսյանի, ահաբեկելու նպատակ ունի». Արխիվացված է օրիգինալից 2017 թ․ ապրիլի 15-ին. Վերցված է 2017 թ․ ապրիլի 18-ին.
- ↑ 18,0 18,1 18,2 Դանիելը՝ տնօրենների գուբի մեջ
- ↑ «Տնօրենների մասով որևիցե սուտ բան չենք ասել». Իոաննիսյան