Իլիի մայր տաճար (անգլ.՝ Ely Cathedral), Իլի քաղաքի մայր տաճարը, Իլիի թեմի կենտրոնը, Իլիի եպիսկոպոսի նստավայրը։

Իլիի մայր տաճար
անգլ.՝ Ely Cathedral
Church and conventual arrangement. With copious references, a complete glossary, and an index. And illustrated by a series of ground-plans and plates of the arrangements of churches in different (14597267397).jpg
Հիմնական տվյալներ
Տեսականգլիկական տաճար
ԵրկիրՄեծ Բրիտանիա Մեծ Բրիտանիա
ՏեղագրությունԻլի[2]
Դավանանքանգլիկանություն
ՎանականությունԲենեդիկտյան միաբանություն
ԹեմAnglican Diocese of Ely?
Ժառանգության կարգավիճակ1-ին աստիճանի ցուցակագրված շենք
ՆվիրվածԵրրորդություն
ԱնվանվածԵրրորդություն
Ճարտարապետական ոճՌոմանական ճարտարապետություն, անգլիական գոթիկա և Նորմանական ճարտարապետություն
Հիմնադրված1083[1]
elycathedral.org

Տաճարի շինարարությունը շարունակվել է մոտ 300 տարի` 1083-1375 թվականներին։ Նախկինում դրա տեղում եղել է եկեղեցի, որը հիմնադրվել է 7-րդ դարում սուրբ Էթելդրեդայի կողմից։ Եկեղեցին ունեցել է մենաստան, որն ավերվել է 9-րդ դարում վիկինգների կողմից։ Տաճարի շինարարությունը սկսվել է տեղի աբբա Սիմեոնի նախաձեռնությամբ։ Անգլո-սաքսոնական եկեղեցին ավերվել է, բայց նրա մասունքները պահպանվել և ավելի ուշ տեղափոխվել են տաճար։ Տաճարի կենտրոնական աշտարակը նրա հնագույն շինությունն է։ Արևմտյան աշտարակը կառուցվել է 1174-1197 թվականների։ Տաճարի առավել հին հատվածները կառուցված են ռոմանական ոճով, իսկ ավելի ուշ կառուցված մասերը` անգլիական գոթիկայով։ 1321-1349 թվականներին հյուսիսային կողմում կառուցվել է մատուռ։

Արևմտյան աշտարակի բարձրությունը 66 մ է, տաճարի երկարությունը` 163 մ, որից նավի երկարությունը` 75 մ. այն մինչև օրս էլ ամենամեծ երկարությամբ նավն է Մեծ Բրիտանիայում։ Խաչակենտրոնի վրա խոյանում է 52 մ բարձրությամբ ութանկյուն աշտարակը[3]։

Կենտրոնական աշտարակի ութանկյուն գմբեթը

Հենրի VIII-ի կողմից եկեղեցիների լուծարման ժամանակ տաճարը համեմատաբար քիչ է տուժել, չնայած լրջորեն վնասվել են մատուռի քանդակներն ու Էթելդրեդայի հանգստարանը։ 1451 թվականին տաճարը վերականգնվել է։

17-րդ դարում Իլիի եպիսկոպոս է նշանակվում Մեթյու Ռենը` նշանավոր ճարտարապետ Քրիստոֆեր Ռենի քեռին, ով 1650-ական թվականներին նախագծում է տաճարի հյուսիսային կողմի դարպասները գոթական ոճով։

Տաճարում թաղված են նշանավոր շատ մարդիկ։ Նրանցից են`

  • Սուրբ Էթելդրեդա - քաղաքի պատմության կարևոր դեմքերից մեկը
  • Սուրբ Վիտբուրգան - Էթելդրեդայի քույրը
  • Ալֆրեդ Էթելինգ - Էթելրեդ II-ի զավակներից մեկը
  • Գուգո Նորթուոլդցի - Իլիի եպիսկոպոս (13-րդ դար)
  • Լուի Լյուքսեմբուրգցի - Իլիի եպիսկոպոս (15-րդ դար)
  • Ջորջ Բասևի - մահացել է 1845 թվականին` տաճարում ընթացող շինարարական աշխատանքների ժամանակ։

ԾանոթագրություններԽմբագրել

  1. 1,0 1,1 https://www.historicengland.org.uk/listing/the-list/list-entry/1331690
  2. archINFORM (գերմ.) — 1994.
  3. The English Cathedral. Tatton-Brown, T. and Crook, J. ISBN 1-84330-120-2

Արտաքին հղումներԽմբագրել