Իբրահիմ Մաալուֆ

Իբրահիմ Մաալուֆ (արաբ․՝ ابراهيم معلوف‎‎, նոյեմբերի 5, 1980(1980-11-05), Բեյրութ, Լիբանան), լիբանանյան ծագմամբ ֆրանսիացի երաժիշտ։ Շեփորահար, դաշնակահար, կոմպոզիտոր, գործիքավորող և փողային գործիքների դասախոս։

Իբրահիմ Մաալուֆ
Բնօրինակ անուն	արաբ․՝ إبراهیم معلوف‎‎ և ֆր.՝ Ibrahim Maalouf
Ծնվել է	նոյեմբերի 5, 1980(1980-11-05) (43 տարեկան) Բեյրութ, Լիբանան
Երկիր	Լիբանան և  Ֆրանսիա
Ժանրեր	ջազ, ջազ-ֆյուժն և ethno jazz?
Մասնագիտություն	jazz trumpeter, jazz pianist, կոմպոզիտոր, ֆիլմերի երաժշտությունների հեղինակ, երաժիշտ և փողհար
Գործիքներ	Շեփոր և երաժշտական ստեղնաշար
Կրթություն	Փարիզի կոնսերվատորիա և Conservatoire à rayonnement régional de Paris?
Ամուսին	Հիբա Թավաջի
Պարգևներ	և
Կայք	ibrahimmaalouf.com
Ibrahim Maalouf Վիքիպահեստում

Կենսագրություն

Իբրահիմը ծնվել է մտավորականների և արվեստագետների ընտանիքում. նրա հայրը ՝ շեփորահար Նասիմ Մաալուֆ, մայրը՝ դաշնակահարուհի Նադա Մաալուֆ, քեռին՝ գրող Ամին Մաալուֆ, իսկ պապը՝ լրագրող, պոետ և երաժշտագետ Ռուշդի Մաալուֆ։  Իբրահիմը աշխարհի խոշորագույն մրցույթների դափնեկիր է։ 2010 թվականի հուլիսին Ժուան-Լը-Պան (Juan-les-Pins) քաղաքում տեղի ունեցող Ջազի հաղթանակները (Victoires du Jazz) մրցույթի ժամանակ  ստացել է Ֆրանկ Տենոյի (Frank Ténot) անվան «Տարվա գործիքային բացումը» մրցանակ։

Առաջին քայլերը

Քաղաքացիական պատերազմի ժամանակ նրա ընտանիքը փախչում է Լիբանանից, և Իբրահիմն ապրում է փարիզյան արվարձաններից մեկում՝ իր ծնողների ու քրոջ՝ Լեյլայի հետ, ով երկու տարի մեծ էր իրենից։ Նա շարունակում է ուսումը մինչև 17 տարեկան և հանձնում է ավարտական քննություններ մաթեմատիկա առարկայից Geoffroy-Saint-Hilaire d'Étampes գրական կազմակերպության Essonne բաժնում։

Սովորում է նվագել փողային գործիքներ 7 տարեկան հասակում հոր ղեկավարության ներքո, ով ժամանակին եղել է Մորիս Անդրեի  աշակերտը՝ Երգի և պարի փարիզյան ազգային կոնսերվատորիայում։ Նա սովորեցնում է Իբրահիմին երաժշտության դասական տեխնիկան, արաբական իմպրովիզացիաների արվեստ։ Նրա երգացանկում գերակշռում է բարոկկո, դասական, ժամանակակից, ինչպես նաև դասական արաբական երաժշտություն։ Նասիմ Մաալուֆը այսպես կոչված չորսնոտայանոց խողովակների գյուտարարն է, որը թույլ է տալիս կատարել կոնկրետ արաբական մեղեդիներ՝ մակամներ։ Շատ երիտասարդ տարիքում Իբրահիմը սկսել է նվագել փողային գործիքներ, մասնավորապես պիկոլլո շեփոր։ Սկսած 9 տարեկանից Իբրահիմը հոր հետ դուետով հանդես էր գալիս Եվրոպայում և Մերձավոր Արևելքում՝ կատարելով Վիվալդիի, Ալբինոնի և այլոց ստեղծագործությունները։ Այսպես է սկսվում նրա արտիստի կարիերան, եւ աստիճանաբար նա ճանաչում է ձեռք բերում։ Նա գրավել է մի շարք հմուտ մասնագետների ուշադրությունը։  Մի քանի տարի անց  Իբրահիմը հանդիպում է Մորիս Անդրեին (Maurice André), ով խորհուրդ է տալիս նրան երաժշտությունը դարձնել մասնագիտություն։  Երիտասարդը որոշում է թողնել գիտությունների ուսումնասիրությունը և ամբողջությամբ իրեն նվիրել երաժշտությանը։

Դասական կարիերան

Անցնելով ընտրությունը՝ Իբրահիմը հասնում է Փարիզյան Մարզային Կոնսերվատորիա՝ Ժերար Բուլանժեի երկամյա ուսուցման դասարան։ Ապա, կրկին ընտրությունից հետո, ընդունվում է Փարիզի երգի և պարի ազգային կոնսերվատորիան՝ Անտուան Կյուրեի դասարան երեք տարի ժամկետով։ Նա կրթական հաստատություններում ստացել է ամենահեղինակավոր ոլորտի՝ դասական երաժշտության բազմաթիվ դիպլոմներ։ Ուսումնառության հինգ տարիներին զուգահեռ մասնակցել է  շեփորահարների տարբեր մրցույթների՝ ազգային, եվրոպական և միջազգային մակարդակով՝ նպատակ ունենալով ընդլայնել իր ռեպերտուարը եւ զարգացնել իր տեխնիկան ։

1999-2003 թթ. Իբրահիմ Մաալուֆը դառնում է 15 մրցույթների դափնեկիր ամբողջ աշխարհում։ Նրան են պատկանում այնպիսի հեղինակավոր մրցանակներ, ինչպիսիք են՝  շեփորահարների միջազգային մրցույթի 1-ին մրցանակ, որն անց է կացվել 2001 թվականին Հունգարիայի Փիլիսվորոսվար քաղաքում, 2001 թվականին Վաշինգտոնում անց կացված շեփորահարների ազգային մրցույթի 1-ին մրցանակ, ինչպես նաև Փարիզում անց կացված Մորիս Անդրեի միջազգային մրցույթի 2-րդ մրցանակ, որն ունի միջազգային մրցույթի խոշոր համբավ։ Գեորգի Ցիֆրայի բարեգործական հիմնադրամը և Պրո-Եվրոպա ֆոնդը օգնում են Իբրահիմ Մաալուֆին սկսել իր միջազգային կարիերան՝ որպես դասական երաժիշտ։

Արտիստին պարբերաբար հրավիրում են վարպետության դասեր անց կացնելու և մենահամերգներով հանդես գալու ինչպես Ֆրանսիայում, այնպես էլ արտերկրում, մասնավորապես՝ ԱՄՆ-ում, որտեղ նա կապեր է հաստատել Կանզաս նահանգի Պետական համալսարանի հետ։ Նա հաճախ է Ֆրանսիան ներկայացնում շեփորահարների Միջազգային մրցույթների, որտեղ ամեն տարի  հավաքվում են երաժիշտներ աշխարհի բոլոր վայրերից՝ մրցույթին մասնակցելու և վարպետության դասերի համար։

Նոր հանդիպումներ և հետագա համագործակցություն

2000 թվականին Իբրահիմը հանդիպում է պրոդյուսեր Մարկ-Անտուան Մորոյին (Marc-Antoine Moreau), ով իրեն ծանոթացնում է թավջութակահար Վինսենթ Սեգալի (Vincent Ségal) հետ։ Այս հանդիպումը սկիզբ է դնում մի շարք այլ հանդիպումների այնպիսի երաժիշտների հետ, ինչպիսիք են՝ Ամադուն և Մարիամը (Amadou & Mariam), Անժել Պարան (Angel Parra), Ժաննա Շերալը  (Jeanne Cherhal), Արթուր Հաշը  (Arthur H), Մարսել Խալիֆեն (Marcel Khalifé) և այլք։ 2000-2007 թթ. Իբրահիմ Մաալուֆը հանդես է գալիս աշխարհահռչակ երգիչների և երաժիշտների հետ՝ շարունակելով բարելավել իր հմտությունները և գտնել իր սեփական ձայնը։

Իր վերջին համատեղ աշխատանքը դարձել է իր ընկերոջ՝ ֆրանսիացի երգիչ Վինսենթ Դելերմի հետ համագործակցությունը, ով խնդրել էր ուղեկցել իրեն «Սարդերի խայթոցները» ալբոմի շրջագայության ժամանակ, որն ավարտվեց 2007 թվականի հունիսին։

Նրա երաժշտությունը

Իբրահիմ ստեղծագործում է դեռևս փոքր տարիքից։ Բայց առաջին անգամ իր ստեղծագործությունները հանրությանը ներկայացրել է  միայն 1999 թ.: Նրա առաջին խումբը՝ «Ֆարահ»-ը ("Farah") ունեցել է ուժեղ ջազային-արևելյան հնչեղություն, քանի որ նրա կազմում կային սաքսաֆոն, ֆլեյտա, դաշնամուր, կոնտրաբաս, կիթառ, ինչպես նաև արաբական ֆլեյտա, բուզուկա և արաբական հարվածային գործիքներ։ Այս խմբի համերգային ձայնագրությունը  հեռարձակվել է երաժշտական հեռուստաալիքներով 2004-2005 թթ.: 

2004 թվականին երգչուհի Լհասա դե Սելայի հետ հանդիպումը (Lhasa de Sela) բացում է էլէկտրոերաժշտության աշխարհի դռները նրա առջև։ Համագործակցությունը փոփ և ռոք երգիչների հետ Իբրահիմ Մաալուֆին թույլ է տալիս  ծանոթանալ երաժշտական այլ ուղությունների հետ, բացի ջազից, դասական եւ արաբական երաժշտությունից։ Եվ աստիճանաբար  արտիստի կոմպոզիցիաները ձեռք են բերում ավելի ժամանակակից հնչողություն ։ 2006 թվականին, բազմաթիվ երաժշտական փորձերից հետո Իբրահիմը հանդիպում է Ալեժանդրա Նորամբուենա Սկիրայի հետ (Alejandra Norambuena Skira) (Հիմնադրամի Sacem), ով ներկայացնում է նրան պրոդյուսեր  Ժան-Լուի Պերեին (Jean-Louis Perrier): Նա օգնում է շեփորահարին հավաքել մի խումբ, որը փետրվարի 2006 թվականի փետրվարի 12-ին Փարիզի New Morning սրահում հանդես է գալիս համերգով։ Այս համերգը վերջնականապես հաստատել է արտիստի հեղինակությունը ֆրանսիական բեմում՝ Արեւելյան-Ջազ-Էլեկտրո-Ռոք ոճերում։

Իբրահիմ Մաալուֆի երաժշտության վրա զգացվում է արաբական մշակույթի մեծ ազդեցությունը, սակայն նրա կոլեկտիվի գործիքային բաղադրիչները (բաս, էլեկտրակիթառ, հարվածային գործիքներ և արաբական դաշնամուր), ինչպես նաև երաժիշտները, որոնց հետ նա հանդես է գալիս, խմբին տալիս են խառը, ժամանակակից հնչողություն՝ մի քիչ ռոք, մի քիչ էլեկտրո, մի քիչ ջազզ-ֆանկ։

Նրա համերգներին սովորաբար գերակշռում են էներգետիկ պարեղանակներ, բայց միշտ կա նաև մի փոքր ավելի հանգիստ, երազկոտ և առեղծվածային մասը, որը նա սիրում է անվանել «համատեղ աղոթք»։

Իր ստեղծագործություններում Իբրահիմը մեծապես ոգեշնչվել է իր հայրենի մշակույթից, և այս թեման իր արտացոլումն է գտել  «Souffle!» վավերագրական ֆիլմում, որը նկարահանվել է 2005-2006 թվականներին՝ Քրիստոֆ Տրահանդի (Christophe Trahand) կողմից։

Առաջին ստուդիական ալբոմը

2007 թվականի հոկտեմբերի 15 : Diasporas, 1 CD Mis'Ter Productions. Կոմպոզիցիաներ ։ 1. Intro - 2. Diaspora - 3. Improvisation kanoun - 4. Hashish - 5. Missin' Ya (Night in Tunisia) - 6. Improvisation oud - 7. Shadows - 8. Verdict - 9. Last wishes - 10. Improvisation trumpet (bonus) - 11. 1925 

Մասնակցելով  շատ երաժիշտների ալբոմների ձայնագրմանը՝ Իբրահիմը 2007 թվականի հոկտեմբերին թողարկում է իր առաջին ալբոմը։ Այս ալբոմը ստեղծվել և կազմվել է Ֆրանսուա Լալոնդայի օգնությամբ։ Երաժշտական նյութի մեծ մասը ձայնագրվել է Բեյրութում և Մոնրեալում, իսկ ձայնագրությունն ավարտին է հասցվել Ֆրանսիայում։ Ալբոմի յուրացումը կատարվել է Նյու Յորքում։

Երկրորդ ստուդիական ալբոմը

Կրկնակի ալբոմ «ДИАХРОНИЗМ» թողարկվել է 2009 թվականի հոկտեմբերի 26-ին։
I. DISORIENTAL & II.PARADOXIDENTAL
Կազմը՝ Էդնան Ժուբրան, Մ, Ժակի Տերասսոն, Լոլլիբոբ (ռեփեր ԱՄՆ-ի արևմտյան ափից)

Ցանկը

Ալբոմների ոչ լրիվ ցանկը,  որոնց ձայնագրություններին մասնակցել է Իբրահիմ Մաալուֆը։

• Ehlikeyf-Kivilcim- (2012)
• HaÏdouti Orkestar-Dogu-(2012)
• Lulu Zerrad- Les Îles du désert- (2012)
• Juliette Greco-Ça se traverse et c ' est beau - (2012)
• Kiran Ahluwalia-Aam Zameen- (2011)
• Piers Faccini, My Wilderness- (2011)
• Armand amar-ը, Hors la loi (B. O. F)- (2010)
• Salif Keita, La Différence- (2009)
• Armand amar-ը, Eden à l ' Ouest (B. O. F)- (2009)
• Armand amar-ը, HOME (B. O. F)- (2009)
• Armand Amar-Ը, Le Concert (B. O. F) - (2009)
• YOM -Unue- (2009)/
• Sting -If on a winter's night - ի (2009)/
• Steve Shehan - Awalin- (2009)/
• Smadj -Selin-(2009)/
• Saule -Western- (2009)/
• Vincent Delerm -Quinze Chansons- (2008)/
• Abed Azrié -Mystic-(2008)/
• Tryo -Ce Que l ' on sème- (2008)/
• Bumcello -Lychee Queen-(2008)/
• Georges Moustaki -Solitaire- (2008)/
• Vanessa Paradis -Divinidylle- (2007)/
• Toufic Farrouk - Tootya- (2007)/
• Vincent Delerm -Live Cigale- (2007)/
• Vincent Delerm -Favourite Songs - Ը (2007)/
• Mamia Cherif -Double Vie-(2007)/
• Vincent Delerm -Picqures d ' arignées- (2006)/
• Arthur H - Adieu Tristesse-(2005)/
• Franck Monnet -Au grand Jour- (2004)/
• Angel Parra -Chante Pablo Neruda-Ի(2004)/
• Jeanne Cherhal - Douze Fois Par An- (2004)/
• Vincent Delerm -Kensigton Square- (2004)/
• François Audrain -Chambres Lointaines-(2004)/
• Amadou et Mariam - Dimanche à Bamako- (2004)/
• Lhasa De Sela-The Living Road- (2003)/
• Disiz La peste -Jeu de Société- (2003)/
• Thomas Fersen -Piece Montée des Grands Jours- (2003)/
• Las Ondas Marteles -Y Despues de Todo- (2003)/
• Matthieu Chédid -Qui de Nous Deux- (2003)/
• Amadou et Mariam -Wati- (2002)/
• Dupain - Camina- (2002)/

Կարծիքներ

• Victoire de la Révélation Instrumentale de l ' année

Արտաքին հղումներ

• Պաշտոնական կայք
• Cocottes Minutes productions Արխիվացված 2011-07-20 Wayback Machine :).Հատված Souffle!վավերագրական ֆիլմից  
• Conservatoire d ' Aubervilliers La Courneuve : Կոնսերվատորիայի կայքը, որտեղ դասավանդում է Իբրահիմ Մաալուֆը

Վիքիպահեստն ունի նյութեր, որոնք վերաբերում են «Իբրահիմ Մաալուֆ» հոդվածին։