Ջուբրան Խալիլ Ջուբրանի կիսանդրի (Երևան)

Ջուբրան Խալիլ Ջուբրանի կիսանդրի, գտնվում է Երևանի կենտրոնում՝ Մովսես Խորենացու, Գրիգոր Լուսավորչի, Բեյրութի և Զաքիյան փողոցների միջև գտնվող մանկական զբոսայգում, Բեյրութի փողոցի հարևանությամբ, տեղադրվել է 2005-ին։

Ջուբրան Խալիլ Ջուբրանի կիսանդրի
Ժուբրան Խալիլ Ժուբրանի կիսանդրին
Ընդհանուր տեղեկություններ
Համայնք	Կենտրոն
Գտնվում է	Մանկական այգում
Բարձրություն	3 մետր
Քանդակագործ(ներ)	Լևոն Թոքմաջյան
Հիմնադրում	2005
Նյութ	Արցախի վարդագույն մարմար
Շինարարության ավարտ	2005, նոյեմբերի 22
Ներկա վիճակ	կանգուն

Հեղինակ

• Քանդակագործ՝ Լևոն Թոքմաջյան

Տվյալներ

Կիսանդրին կառուցված է Արցախի վարդագույն մարմարից, բարձրությունը 3 մետր է։

Պատմություն

Լիբանանցի գրող, փիլիսոփա, նկարիչ, բանաստեղծ Ջուբրան Խալիլ Ջուբրանի կիսանդրու բացման արարողությունը կայացել է 2005 թվականի նոյեմբերի 22-ին։ Մասնակցել են Հայաստանում ԱՄՆ-ի, Ֆրանսիայի, Իտալիայի, Ռուսաստանի և Սիրիայի դեսպանները, մտավորականներ, պաշտոնատար անձինք, հյուրեր։ Սպիտակ սավանն իջեցնելու պատիվը տրվել է քանդակի հեղինակ քանդակագործ Լևոն Թոքմաջյանին և Հայաստանում Լիբանանի դեսպան Ժեբրայել Ժաարային։ Ելույթ են ունեցել Երևանի քաղաքապետի տեղակալ Կամո Արեյանը, Հայաստանի գրողների միության նախագահ Լևոն Անանյանը, ՀՀ մշակույթի և երիտասարդության հարցերի նախարար Հովիկ Հովեյանը։ Ժեբրայել Ժաարան հատուկ շնորհակալություն է հայտնել ՀՀ արտաքին գործերի նախարար Վարդան Օսկանյանին, քաղաքապետարանին, քանդակագործին և հայ ժողովրդին, որոնք բարձր են գնահատել հայ և լիբանանյան ժողովուրդների բարեկամությունն ու իրենց հարգանքն են տածել Ժուբրան Խալիլ Ժուբրանի հիշատակին։

Կիսանդրին կառուցելու նախագիծն իրականացվել է Հայաստանում «Վիվասել» ընկերության ֆինանսավորմամբ և Երևանի քաղաքապետարանի նախաձեռնությամբ։

Պատկերասրահ

• 
• 
• 
•