Ժիլբերտո Ժերալդո
Ժիլբերտո Ժերալդո (պորտ.՝ Geraldo Gilberto, ապրիլի 16, 1962), բրազիլիացի նկարիչ-գեղանկարիչ, մանկավարժ, ավարտել է Ի. Ե. Ռեպինի անվան գեղանկարչության, քանդակագործության և ճարտարապետության ինստիտուտը։ Սանկտ-Պետերբուրգի և Ռուսաստանի նկարիչների միություն անդամ, Սան Պաուլո քաղաքի նկարիչների ընկերության անդամ (Բրազիլիա)։
| Ժիլբերտո Ժերալդո | |
|---|---|
| Ծնվել է | ապրիլի 16, 1962 (62 տարեկան) |
| Քաղաքացիություն |  Բրազիլիա |
| Մասնագիտություն | նկարիչ |
Կենսագրություն խմբագրել
Ծնվել է 1962 թվականի ապրիլի 16-ին, Բրազիլիայի Սան Պաուլո քաղաքում։ 16 տարեկան հասակում նա դարձել է Սան Պաուլոյի նկարիչների ասոցիացիայի անդամ։ Ժիլբերտոյին ուսուցիչները տարբեր տարիներին եղել են իսպանացի նկարիչ Սալվադոր Ռոդրիգես կրտսերը, նկարիչներ Ջովանի Օպիդուն և Սանտա Բուլլոն։
1999 թվականին մեկնել է Ռուսաստան, մեկ տարի սովորել է Մոսկվայի գեղարվեստական ինստիտուտի նախապատրաստական դասընթացներում։ 2000 թվականին տեղափոխվել է Սանկտ Պետերբուրգ, ընդունվել է Ի. Ե. Ռեպինի անվան գեղանկարչության, քանդակագործության և ճարտարապետության ինստիտուտ։
Ինստիտուտում ուսումնառության ընթացքում նա սովորել է այնպիսի ուսուցիչների մոտ, ինչպիսիք են Յու. Կալյուտան, Վ. Ստեցենկոն, Ս. Պիչախչին, Գ. Մանաշերովը, Վ. Սոկոլովը, Վ. Ռուդնևը և Վ. Մոգիլևցևը։ 2007 թվականին նա գերազանցությամբ պաշտպանել է «Բրազիլացի հնդիկներ» խորագիրը կրող դիպլոմային աշխատանքը։
Ժերալդոն Բրազիլիայում հեղինակավոր արվեստի մրցույթներում ստացել է բարձրագույն մրցանակներ և ժյուրիի անդամ է եղել գեղարվեստական մի շարք այլ սրահներում։ Նկարիչն անընդհատ մասնակցում է անհատական և խմբային ցուցահանդեսների։ Նկարչի աշխատանքները գտնվում են Բրազիլիայի, Ռուսաստանի, ԱՄՆ-ի, Չինաստանի, Ֆրանսիայի, Իսպանիայի և այլ երկրների մասնավոր հավաքածուներում։
2007 թվականին Ժիլբերտոն դարձել է Սանկտ-Պետերբուրգի Ռուսաստանի նկարիչների միության ժյուրիի անդամ։
2020 թվականից նա ԱՄՆ-ի Նյու Ջերսի նահանգի Պրինստոն քաղաքի Գեղարվեստի ակադեմիայի նկարչության ու գեղանկարչության ամբիոնի ղեկավարն է։
Ժերալդոյի ցուցահանդեսների մրցանակներ խմբագրել
- 1987 թվական՝ Արարասի Գեղարվեստական XIX սրահի ոսկե մեդալ (Բրազիլիա)
- 1987 թվական՝ Մատաոյի պաշտոնական սալոնի ոսկե մեդալ (Բրազիլիա)
- 1988 թվական՝ Արսեբուրգոյի Գեղարվեստի III սալոնի ոսկե մեդալ (Բրազիլիա)
- 1988 թվական` Մատաոյի Գեղարվեստի պաշտոնական սալոնի ոսկե մեդալ (Բրազիլիա)
- 1988 թվական` Սան-Ժաոա-դե-Բոա-Վիստայի Գեղարվեստական XII ցուցահանդեսի ոսկե մեդալ (Բրազիլիա)
- 1988 թվական՝ Կամպինասի Ակադեմիական IV սալոնի ոսկե մեդալ (Բրազիլիա)
- 1990 թվական՝ Լիմեյրայի Գեղարվեստի XVII սալոնի ոսկե մեդալ (Բրազիլիա)
- 1991 թվական՝ Պոսոս-դե-Կալդասի Գեղարվեստի VIII սալոնի ոսկե մեդալ (Բրազիլիա)
- 1992 թվական՝ Իտանիենի Գեղարվեստի III պաշտոնական սալոնի ոսկե մեդալ (Բրազիլիա)
- 1994 թվական՝ Ռիբերաո Պրետոյի բրազիլական կերպարվեստի IV սալոնի ոսկե մեդալ (Բրազիլիա)
- 2001 թվական՝ Սան Պաուլոյի կերպարվեստի 52-րդ սալոնի փոքր ոսկե մեդալ (Բրազիլիա)
- 2001 թվական՝ Իլյա-Բելի XXIV գեղարվեստական սալոնի ոսկե մեդալ (Բրազիլիա)
- 2003 թվական՝ Սան Պաուլոյի կերպարվեստի սալոնի մեծ ոսկե մեդալ 54 (Բրազիլիա)
- 2005 թվական՝ Սանկտ Պետերբուրգի ակադեմիայի լավագույն գծանկարների ցուցահանդեսի 3-րդ տեղ` «Քողարկման էդյուդ» (Ռուսաստան)
- 2007 թվական` մասնակցություն «Ավանդույթներ և արդիականություն» ցուցահանդեսին, Սանկտ Պետերբուրգ, Տասնամյակի լավագույն նկարներ (Ռուսաստան)
- 2009 թվական՝ Վոլգոգրադում «Ժամանակակից ակադեմիական գծանկար» համառուսական մրցույթի առաջին աստիճանի դափնեկիր։ (Ռուսաստան)
- 2011 թվական՝ Սանկտ Պետերբուրգի նկարիչների միության «Աշնանային ցուցահանդեսի» պատվոգիր (Ռուսաստան)
- 2012-2013 թվականներ` Նատյուրմորտ անվանակարգի հաղթող` ARC («Art Renewal Center») վիրտուալ թանգարանի միջազգային Սալոն մրցույթ[1]
Ծանոթագրություններ խմբագրել
- ↑ «Art Renewal Center 2012-2013 ARC Salon™ - Introduction» (անգլերեն). Art Renewal Center. Արխիվացված է օրիգինալից 2017 թ․ փետրվարի 15-ին. Վերցված է 2017 թ․ փետրվարի 14-ին.
Արտաքին հղումներ խմբագրել
- Տեղեկատվություն Ժերալդոյի մասին ARC վիրտուալ թանգարան («Art Renewal Center»)